481.73
+0.23
568.97
+3.45
8.37
-0.02
+11
Եղանակը Երևանում
Հայ
«Հայաստան» համահայկական հիմնադրամի «Հեռուստամարաթոն-2009»-ը մեկնարկում է նոյեմբերի 26-ի երեկոյան
10:20
26 Նոյեմբերի 2009

Հայաստանում և Լեռնային Ղարաբաղի Հանրապետությունում նախագծերի իրագործմանն ուղղված «Հայաստան» համահայկական հիմնադրամի «Հեռուստամարաթոն-2009»-ը մեկնարկում է նոյեմբերի 26-ին Երևանի ժամանակով ժամը 20:00-ին, չորեքշաբթի հաղորդել է հիմնադրամի մամուլի ծառայությունը:

«Համազգային նվիրատվության 12-րդ հեռուստամարաթոնին մնացել են հաշված ժամեր: Հանրային Առաջին, Շանթ և Արմենիա հեռուստաալիքների ուղիղ եթերով այն կհեռարձակվի նոյեմբերի 26-ի երեկոյան ժամը 20:00-ից և կտևի 12 ժամ: Հեռուստամարաթոնը կաբելային, արբանյակային ու ինտերնետ կապով կսփռվի բոլոր մայրցամաքներով», - ասվում է տեղեկատվության մեջ:

Հեռուստամարաթոնին ընդառաջ միայն Հայաստանում արդեն իսկ 20 հազարը գերազանցող նվիրատվություններ են իրականացվել: Հիմնադրամի տվյալների համաձայն՝ շուրջ 13 հազար մարդ հասցրել է կանխիկ նվիրատվություններ կատարել Հայփոստի բաժանմունքներում: ՎիվաՍել-ՄՏՍ-ի 7 հազարից ավելի բաժանորդներ ուղարկել են SMS-ներ 5555, 5556, 5557 կարճ համարներին և կատարել համպատասխանաբար 200, 600 և 1000 դրամի նվիրատվություն:

Մոտ 500 կազմակերպություններ, կառույցներ և անհատներ կատարել են բանկային փոխանցումներ, իսկ շատերն էլ այցելել են Կառավարության 3-րդ մասնաշենքում գտնվող Հիմնադրամի գործադիր վարչության գրասենյակ` իրենց նվիրատվությունները տեղում մուտք անելու:

«Իր ստեղծումից ի վեր Հիմնադրամը երբեք նվիրատուների այսքան հզոր բանակ չի ունեցել հայրենիքում», - ասվում է տեղեկատվության մեջ:

Հեռուստամարաթոնի կարգախոսն է` «Մեր Շուշին»: Հեռուստամարաթոնի լոգոն` Շուշիի խորհրդանիշ դարձած փողհարող պահապան հրեշտակը, որի փողից  հայկական եռագույնի զարդանախշեր են դուրս գալիս` ասես ազդարարելով քաղաքի վերածնունդը:

«Հայաստան» համահայկական հիմնադրամի գործադիր տնօրեն Արա Վարդանյանն ասել է, որ հիմնադրամը քաղաքական կառույց չէ և ունի հստակ առաքելություն` համախմբել համայն հայությանը հայրենիքի շենացման վեհ գաղափարի շուրջ:

«Դժվար է պատկերացնել, որ աշխարհում կգտնվի մեկ հայ` անկախ իր քաղաքական հայացքներից կամ դիրքորոշումից, ով կցանկանա տեսնել Հայաստանն ու Արցախն անմխիթար ու անշեն վիճակում: Եթե աշխարհասփյուռ 10 միլիոն հայերից յուրաքանչյուրն ամիսը  մեկ դոլար էլ նվիրաբերի, ուրեմն տարեկան առնվազն 120 միլիոն դոլար կունենանք: Մտածեք այս մասին, երբ նոյեմբերի 26-ին կդիտեք «Հեռուստամարաթոնը», - ասել է Վարդանյանը:

Հեռուստամարաթոնի ընթացքում կցուցադրվեն Հիմնադրամի աշխատանքների և անելիքների մասին պատմող տեսանյութեր, կհնչի հայկական երգուպարը, տաղավարի հյուրերը հանդես կգան կոչերով: Ինգա և Անուշ Արշակյանների կենդանի կատարմամբ կհնչի նաև օրըստօրե ավելի մեծ ժողովրդականություն ձեռք բերող «Հեռուստամարաթոն 2009»-ին նվիրված`«Մենք ենք, մեր սարերը» երգը:

«Հայաստան» համահայկական հիմնադրամը ստեղծվել է 1992 թ.-ին՝  ՀՀ նախագահի հրամանով։ Գործունեության 15 տարիների ընթացքում հիմնադրամն իրագործել է Հայաստանի և ԼՂՀ զարգացմանն ուղղված 165 միլիոն դոլարի ծրագրեր։

Հիմնադրամի գործունեությունն ուղղված է Հայաստանի և Լեռնային Ղարաբաղի ենթակառուցվածքների զարգացմանը և բարեգործության խթանմանը։ Հիմնադրամի միջոցներով երկրում կառուցվել է ավելի քան 463,8 կմ երկարությամբ ճանապարհ, 211,8 կմ երկարությամբ ջրատար, 97 դպրոց, 410 բնակելի տուն, 34 բուժհաստատություն:

«Հայաստան» համահայկական հիմնադրամը «Հեռուստամարաթոն-2008»-ի շրջանակներում շուրջ 35 մլն դոլարի նվիրատվություններ հավաքեց, ինչը երկու անգամ գերազանցում է 2007թ.-ի ցուցանիշը։ -0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: