484.53
+0.08
528.09
+0.81
8.57
-0.08
+7
Եղանակը Երևանում
Հայ
ԵԱՀԿ-ում Ղազախստանի նախագահությունը կարևոր է Ղարաբաղի շուրջ բանակցությունների ակտիվացման շրջանում. հայ պատգամավոր
14:59
25 Նոյեմբերի 2009

ԵՐԵՎԱՆ, 25 նոյեմբերի. /Նովոստի-Արմենիա/. ԵԱՀԿ-ում Ղազախստանի նախագահությունը հատկապես կարևոր է ղարաբաղյան հակամարտության կարգավորման բանակցային գործընթացի ակտիվացման այս փուլում, ասաց ՀՀ ԱԺ պատգամավոր, ԵԱՀԿ Խորհրդարանական վեհաժողովում հայկական պատվիրակության ղեկավար Արամ Սաֆարյանը:

ԵԱՀԿ-ում նախագահությունը  Հունաստանից Ղազախստանին կփոխանցվի 2010 թ.-ի հունվարի 1-ին:

«Ղազախստանը ստանձնում է ԵԱՀԿ-ի նախագահությունն այն ժամանակ, երբ Եվրոպայում քննարկվում է եվրոպական անվտանգության նոր ճարտարապետության հարցը, իսկ այդ հարցը կարևոր է Հայաստանի համար, քանի որ այստեղ քննարկվում է ԵԱՀԿ-ի ապագան որպես կառույցի, որը զբաղվում է ղարաբաղյան խնդրի կարգավորմամբ», - չորեքշաբթի Երևանում ասաց Սաֆարյանը՝ ելույթ ունենալով Հայաստանում Ղազախստանի դեսպանատան կողմից կազմակերպված «ԵԱՀԿ-ում Ղազախստանի Հանրապետության կայանալիք նախագահությունը. հնարավորություններ և հեռանկարներ» թեմայով սեմինարի ժամանակ:

Բացի այդ Սաֆարյանի խոսքերով՝ Ղազախստանն ու Հայաստանը 2010 թ.-ին կարող են ավելի սերտ կապեր հաստատել, հատկապես՝ միջխորհրդարանական կապերի գծով:

«Կարծում եմ, որ հաջորդ տարի հնարավոր կլինի փոխանակել երկու երկրների խորհրդարանական պատվիրակությունները», - ավելացրեց նա:

Գլոբալիզացիայի և տարածաշրջանային զարգացման վերլուծական կենտրոնի վարչության նախագահ Ստեփան Գրիգորյանն իր հերթին նշեց, որ Ղազախստանն աշխարհիկ պետություն է, ազդեցություն ունի ինչպես մահմեդական, այնպես էլ քրիստոնյա աշխարհի վրա, և հայկական կողմը պետք է դա օգտագործի:

«Մենք ակնկալում ենք մի շարք երկրների, այդ թվում նաև Ղազախստանի դիրքորոշումների փոփոխություն Ղարաբաղի հարցում քվեարկությունների  ժամանակ», - ընդգծեց նա՝ կարծիք հայտնելով, որ Ղազախստանը կարող է փոքր-ինչ մեղմել իրավիճակն ու մահմեդական երկրների դիրքորոշումն ավելի օբյեկտիվ դարձնել:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան:-0-

Loading...
Թեմատիկ նյութեր

Բաժնի այլ նյութեր
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։