487.57
+0.28
567.63
-0.45
8.2
-0.03
+4
Եղանակը Երևանում
Հայ
ՀՀ պաշտպանության նախարարությունը ներկայացրել է հայկական ռազմարվեստի մասին մատենաշար
16:29
17 Նոյեմբերի 2009

ԵՐԵՎԱՆ, 17 նոյեմբերի. /Նովոստի-Արմենիա/. ՀՀ պաշտպանության նախարարությունը երեքշաբթի ներկայացրել է «Հայոց պատերազմները և ռազմարվեստը» մատենաշարի առաջին երկու գրքերը՝ «Հայկական լեռնաշխարհի բրոնզեդարյան սպառազինությունն ու ռազմարվեստը» և «Վանի թագավորության պատերազմներն ու ռազմարվեստը»:

Շնորհանդեսի սկզբում ելույթ ունեցավ պաշտպանության նախարար Սեյրան Օհանյանը, որը նշեց, որ պատահական չէ, որ այս երկու գրքերի շնորհանդեսը տեղի է ունենում պաշտպանության նախարարության շենքում: Նա ընդգծեց, որ ռազմիկի մասնագիտությունը ամենապատվաբերներից է եղել հայ ժողովրդի համար, և հայ ռազմարվեստի պատմությունը դարերից է գալիս:

Օհանյանը հավելեց, որ ողջ պատմության ընթացքում հայ ժողովուրդը պայքարել է իր անկախության համար օտարերկրյա զավթիչների դեմ, որոնք փորձել են ստրկացնել նրան: «Մեր ժողովուրդը զավթողական նպատակներով պատերազմներ երբեք չի վարել, չի ձգտել գրավել ուրիշի հողերն ու ստրկացնել այլ ժողովուրդների: Մեր ժողովուրդը միշտ պայքարել է արժանավայել ապրելու իրավունքի համար իր պատմական հայրենիքում»,- ընդգծեց նա:  

Նախարարը նշեց նաև, որ այս գիրքը պատասխան է նրանց, ովքեր փորձում են կեղծել հայկական պատմությունը: «Այս մատենաշարը լավագույն գիտական պատասխանն է մեր հակառակորդներին, որոնք փորձում են խեղել պատմությունը և իրենց ժողովրդի պատմությունը գրել այլ ժողովուրդների հաշվին»,- նշեց նա:

Նախարարի խոսքերով՝ Հայաստանի պատմական գրականության մեջ ռազմական մասում բաց կար, և այս մատենաշարը կոչված է լրացնել այն:

Իր հերթին առաջին երկու գրքերի հեղինակ, Հայոց Ցեղասպանության թանգարան-ինստիտուտի տնօրեն Հայկ Դեմոյանն ընդգծեց, որ գրքում բերված բոլոր տվյալները հայկական և արտասահմանյան աղբյուրների կողմից հաստատված պատմական հիմք ունեն:

Նա նշեց նաև, որ «Հայոց պատերազմները և ռազմարվեստը» մատենաշարը յուրօրինակ նախազգուշացում է Հայաստանի թշնամիներին: «Այս գիրքը ուղերձ է նրանց, ում մոտ մեզ հետ պատերազմելու գայթակղություն կառաջանա: Մեր թշնամիները խեթերն են եղել, բաբելացիները, ասորիները, պարթևները, բյուզանդացիները, որոնք տասնյակ անգամներ ավելի ուժեղ են եղել մեզանից: Նրանք այսօր չկան, իսկ մենք կանք»,- ընդգծեց նա:

Դեմոյանը հայտնեց, որ 2010 թ.-ին լույս կտեսնեն նույն շարքի 4 գրքեր:  

«Հայոց պատերազմները և ռազմարվեստը» մատենաշարում 54 գիրք կլինի, որոնք կներկայացնեն հայկական ռազմարվեստի, զենքի զարգացման պատմությունը, հայտնի ճակատամարտերը, ինչպես նաև հայկական բազմադարյա պատմությունը՝ սկսած մ.թ.ա. վաղեմի ժամանակներից՝ ներառյալ Արցախի ազատամարտերի պատմությունը: -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։