483.58
+0.74
513.85
-7.76
7.67
+0.05
-1
Եղանակը Երևանում
Հայ
Հայկական հեռուստաալիքների ներկայացուցիչները 2010թ.-ին պրակտիկա կանցնեն ռուսական հեռուստաալիքներում
14:52
17 Նոյեմբերի 2009

ԵՐԵՎԱՆ, 17 նոյեմբերի. /Նովոստի-Արմենիա/. Հայաստանի տարբեր հեռուստատեսային մասնագիտությունների տեր անձինք կարող են 2010թ.-ին վերապատրաստվել ռուսական հեռուստաալիքներում, ասաց ՌԴ նախագահի միջազգային մշակութային համագործակցության գծով հատուկ ներկայացուցիչ, հատուկ հանձնարարություններով դեսպան Միխայիլ Շվիդկոյը:

«Այսօր ստորագրված հուշագրում ամենագլխավորը այդ նպատակով հայ գործընկերներին մինչև 20 դրամաշնորհ տրամադրելու հնարավորությունն է», - երեքշաբթի Երևանում տեղի ունեցած մամուլի ասուլիսի ժամանակ ասաց Շվիդկոյը:

Ռուսական հեռուստատեսության օրերի շրջանակներում նոյեմբերի 17-ին Հայաստանում «Փոխըմբռնման և համագործակցության հուշագիր» է ստորագրվել «Ռուսական հեռուստատեսության ակադեմիա» հիմնադրամի և հայկական չորս հեռուստաալիքի՝ Հայաստանի հանրային հեռուստատեսության, Հայկական երկրորդ հեռուստաալիքի, ինչպես նաև «Արմենիա» և «Շանթ» հեռուստաալիքների միջև:

Շվիդկոյի խոսքերով, պատվիրակության անդամների և հայկական հեռուստաալիքների ներկայացուցիչների միջև տեղի ունեցած հանդիպումների արդյունքում հայտնի դարձավ, որ այսօր դա անհրաժեշտ է:

«Ակնհայտ է, որ տաղանդավոր մարդիկ շատ են, նրանք աշխատում են հետաքրքիր կերպով, սակայն խնդիրները կապված են փոփոխվող հեռուստատեսային տեխնոլոգիաների և տարբեր նորանոր մոտեցումների հետ՝ թվային հեռարձակմանն անցնելու կապակցությամբ», - պարզաբանեց նա:

Միաժամանակ Շվիդկոյն ավելացրեց, որ կարևոր խնդիրները կապված են Ռուսաստանի հայկական հանդիսատեսի համար հայկական հեռուստաալիքների վերահեռարձակման հետ՝ ասելով, որ դա ոչ միայն տեխնիկական, այլև իրավաբանական խնդիր է:

«Առաջին ալիք» ԲԲԸ-ի հեռուստահաղորդավարուհի, Ռուսական հեռուստատեսության ակադեմիայի անդամ Արինա Շարապովան իր հերթին նշեց, որ հայ գործընկերների հետ տեղի ունեցած մասնագիտական զրույցների ընթացքում իրեն հատկապես դուր է եկել հանդիսատեսի շահագրգռվածությունը:

«Զրույցներն ընթանում էին միևնույն մասնագիտական մակարդակի վրա, և դա, իհարկե, շատ հաճելի էր», - ընդգծեց նա:

«Առաջին ալիք» ԲԲԸ-ի գլխավոր տնօրենի տեղակալ, Լրատվական ծրագրերի տնօրինության ղեկավար Կիրիլ Կլեյմենովի խոսքերով, Հայաստանում գործընկերների հետ շփումը ընթանում էր միևնույն լեզվով՝ չնայած գոյություն ունեցող լուրջ տեխնոլոգիական ճեղքվածքին:

«Այսօրվա դրությամբ մեր տեխնիկական և տեխնոլոգիական հնարավորություններն անհամեմատելի են, սակայն դա չի խանգարում հասնել փոխըմբռնման, քանի որ աշխարհն այնպես է դասավորված, որ շատ կարճ ժամանակ անց տեխնոլոգիաները, անխոս, կհասնեն նաև ձեզ», - ասաց նա:

Միաժամանակ Կլեյմենովն ավելացրեց, որ ռուսական պատվիրակության այցի նպատակներից մեկը թվային հեռուստատեսությանը տիրապետելու գործում օգնություն առաջարկելն է:

Ինչպես նշեց «Վեստի» լրատվական ծրագրի հաղորդավար, «Ռոսիա» պետական հեռուստաալիքի քաղաքական մեկնաբան Անդրեյ Կոնդրաշովը, «մենք այստեղ ենք, որպեսզի իրարից չհեռանանք»:

«Ժամանակը գնում է, յուրաքանչյուր երկիր ունի սեփական քաղաքական պատմությունն ու իրադարձությունները, և այս ամենը կարող է հանգեցնել նրան, որ մենք դառնանք ինքնամփոփ՝ սեփական խնդիրների պատճառով: Մենք այստեղ ենք միմյանց խնդիրները զգալու համար», - ասաց նա:

Ռուսաստանի ժողովրդական արտիստ, «Կուլտուրա» պետական հեռուստառադիոընկերության հեռուստահաղորդավար, Ռուսական հեռուստատեսության ակադեմիայի անդամ Սվյատոսլավ Բելզան համոզմունք հայտնեց, որ հին մշակույթ ունեցող երկրում՝ Հայաստանում, հեռուստատեսային մշակույթը նույնպես բարձր մակարդակի վրա է:

«Ես վստահ եմ, որ Հուշագրի ստորագրումից ստացված ազդակը փոխադարձաբար օգտակար է», - ասաց նա:

Հայաստանում ռուսական հեռուստատեսության օրերն անցնում են նոյեմբերի 16-19-ը՝ ՀՀ մշակույթի նախարարության աջակցությամբ:-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: