484.62
+0.09
528.04
-0.05
8.53
-0.04
+15
Եղանակը Երևանում
Հայ
Ծաղկաձորում մեկնարկել է ԱՊՀ անդամ երկրների արժեթղթերի շուկաները կարգավորող պետական մարմինների ղեկավարների խորհրդի 10-րդ նիստը
15:00
10 Նոյեմբերի 2009

Երեքշաբթի Ծաղկաձորում մեկնարկել է ԱՊՀ անդամ երկրների արժեթղթերի շուկաները կարգավորող պետական մարմինների ղեկավարների խորհրդի 10-րդ նիստը:

Ողջունելով նիստի մասնակիցներին՝ ՀՀ Կենտրոնական բանկի նախագահ Արթուր Ջավադյանը ընդգծել է, որ այս նիստը հոբելյանական է: ԿԲ-ի ղեկավարը նշել է, որ 2003 թ.-ից իր կարգավորիչ գործունեություն սկսած Խորհրդի գլխավոր խնդիրն է ԱՊՀ անդամ երկրների արժեթղթերի շուկաների կարգավորման դաշտում աշխատանքներ տանող պետական մարմինների ղեկավարների, մասնագետների միջև կապերի զարգացումը:

Ջավադյանը նաև ասել է, որ Խորհուրդի խնդիրն է նաև այդ ոլորտում կուտակված փորձի  և առաջավոր գաղափարների անարգել փոխանակման համար համապատասխան պայմանների ստեղծումը, արժեթղթերի շուկայի մասնակիցների նկատմամբ վերահսկողություն իրականացնելու բնագավառում քաղաքականության բարելավմանն ուղղված առաջարկությունների մշակումը, կարգավորում իրականացնելիս համանման սկզբունքների կիրառումը, այդ թվում՝ նորմատիվաիրավական դաշտի ձևավորումը: 

ԿԲ-ի նախագահը ներկայացրել է նաև Հայաստանի արժեթղթերի շուկայի ներկա իրավիճակը: Նա նշել է, որ Հայաստանը իրականացնում է կենսաթոշակային բարեփոխում, և 2011 թվականից ծրագրվում է անցնել կենսաթոշակների երկմակարդակ համակարգի:

«Կառավարությունը բավականին լրջորեն է վերաբերվում բարեփոխման սոցիալական բաղադրիչին և չի անտեսում նաև դրա մեծ, օժանդակող դերակատարությունը  արժեթղթերի շուկայի զարգացման գործում», - ասել է Ջավադյանը: Նա ասել է նաև, որ այս պահին մշակման փուլում են գտնվում Ներդրումային հիմնադրամների մասին ՀՀ օրենքը և Կուտակային կենսաթոշակների մասին ՀՀ օրենքը, որոնց շրջանակներում կարգավորման կենթարկվի ներդրումային և կենսաթոշակային հիմնադրամների գործունեությունը: «Համապատասխան օրենսդրական ձեռնարկների արդյունքում երկրի ֆինանսական շուկայում ի հայտ կգան ներդրումային հիմնադրամներ և իրենց գործունեությունը կծավալեն ֆոնդերի կառավարիչները: Հույս կա, զարգացում կապրի նաև կյանքի ապահովագրության ոլորտը», - ասել է Ջավադյանը:

Այսպիսով, նրա խոսքերով, որ բարեփոխման արդյունքում Հայաստանի ֆինանսական շուկան նոր մասնակիցների համար կդառնա ավելի գրավիչ: Հայաստանի համար նույնպես բացվում է համաշխարհային մասշտաբով նոր ֆինանսական շուկաներ դուրս գալու հնարավորություն:       

Իր խոսքում Ջավադյանն անդրադարձել է նաև Կենտրոնական բանկին՝ հայտարարելով, որ ՀՀ կենտրոնական բանկը և ՆԱՍԴԱՔ Օ Էմ Էքս-ը դեռևս 2008 թվականի սկզբից համագործակցում են՝ ձեռնարկելով արժեթղթերի շուկայի զարգացմանն ուղղված միջոցառումներ:

Ներկա պահի դրությամբ ժամանակավոր հարկային արտոնություններ են նախաձեռնվել  բաժնետոմսերի առաջնային հանրային առաջարկ անցկացնելու և բորսայում ցուցակում անցած թողարկողների արժեթղթերի ցուցակում կազմակերպելու համար: Հանրային բաժնետոմսեր թողարկողների համար շահութահարկի  դրույքը իջեցվում է մինչև 50 տոկոս: Ընկերությունները նաև ազատվում են բորսայում ցուցակման դնելու նպատակով ընկերությանը նախապատրաստելու հետ կապված խորհրդատվական, մարքեթինգային և իրավաբանական ծառայությունների ավելացված արժեքի հարկից:

Հետագայում պետական սեփականության մասնավորեցումը Հայաստանում կիրականացվի ՆԱՍԴԱՔ Օ Էմ Էքս Հայաստան ֆոնդային բորսայի միջոցով: Ներկայում այս ուղղությամբμ տարվում են համապատասխան աշխատանքներ: Այսպես, մոտակա ամիսներին թվով հինգ պետական ընկերություն բորսայի միջոցով կվերածվի մասնավորի:

Իր խոսքի ավարտին Ջավադյանն ընդգծել է, որ առաջիկա տարում կշարունակվեն 2007 թվականից մեկնարկած բարեփոխումները, որոնք ուղղված են կապիտալի շուկայի զարգացմանը: Այս ուղղությամբ ծավալվող գործունեությունը ներառում է շուկայի մասնակիցներին (թողարկողներ, ներդրողներ և մասնագիտացված անձինք) սովորեցնելու գործընթացը, ինստիտուցիոնալ ներդրողների (ներդրումային և կենսաթոշակային հիմնադրամներ) ձևավորումը, տեղեկությունների բացահայտման արդյունավետ մեխանիզմների մշակումը:

Շնորհակալություն հայտնելով խորհրդին, որ իրեն պատիվ է արվել այս տարի նախագահել նիստերը՝ Ջավադյանը վստահություն է հայտնել, որ խորհրդի հաջորդ նիստերի ընթացքում ևս կհաջողվի ընդունել այնպիսի փոխշահավետ որոշումներ, որոնք կնպաստեն ԱՊՀ երկրներում արժեթղթերի շուկայի հետագա զարգացմանը: -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: