Հայ-թուրքական մերձեցումը բարդ գործընթաց է, բայց կասկած չկա, որ երկու երկրների միջև սահմանը կբացվի, երկուշաբթի լրագրողներին ասաց ՀՀԿ-ից ԱԺ պատգամավոր Լեռնիկ Ալեքսանյանը:
«Ես չեմ կասկածում, որ վաղ, թե ուշ սահմանը կբացվի»,- ասաց Ալեքսանյանը:
Նրա խոսքերով` հայկական կողմը ամեն դեպքում չի տուժի սահմանի բացումից: «Եթե Թուրքիան կատարի արձանագրությունների բոլոր պայմանները, ապա սահմանը կբացվի, քանի որ մենք բոլոր պայմանավորվածությունները ճշտապահորեն կատարում ենք: Հակառակ դեպքում հետևանքները Թուրքիայի համար լուրջ կլինեն»,- հայտարարեց նա: Պատգամավորը կարծում է, որ սահմանի բացման հետ Հայաստանի դերը տարածաշրջանում կաճի: --0--