486.74
+0.05
517.99
+0.2
8.43
-0.08
-12
Եղանակը Երևանում
Հայ
«ԱՌԿԱ» գործակալության նախագծերը նոր հնարավորություններ են բացում հաճախորդների և շուկայի համար
14:29
09 Նոյեմբերի 2009

Հայկական մեդիաշուկայում հայտնվեց «ԱՌԿԱ» լրատվական գործակալության միանգամից երեք նոր որակյալ նախագիծ: Գործակալությունը նոյեմբերի 6-ին գործարկեց www.armbanks.am ֆինանսաբանկային պորտալը: Վերջինը միավորում է գործակալության նոր նախագծերը՝ www.armbanks.am-ը, www.bonds.am-ը և www.anticrisis.am-ը:

www.armbanks.am ֆինանսաբանկային պորտալը հավակնում է դառնալ Հայաստանի ֆինանսաբանկային ոլորտը լուսաբանող առաջատար ինտերնետային հրատարակությունը: Բացի օպերատիվ տեղեկատվությունից կայքում հասանելի կլինեն վերլուծական և բացառիկ նյութեր, տվյալներ բանկերի, ապահովագրական և վարկային կազմակերպությունների մասին, դրանց ֆինանսական համեմատական ցուցանիշները, վիճակագրական տեղեկատվություն: Կայքի այցելուները կկարողանան օգտվել նոր ծառայություններից՝ օն-լայն կոնֆերանսից և օն-լայն խորհրդատվությունից, կայքում տեղադրված է նաև վարկային հաշվիչ և տարադրամի փոխարկիչ: Բացի այդ, նորագույն տեխնոլոգիաների շնորհիվ կայքը թույլ է տալիս լսել «ԱՌԿԱ» գործակալության տնտեսական ձայնային լուրերը։

www.bonds.am կայքում հնարավոր է տեղեկանալ Հայաստանի արժեթղթերի շուկայի նորություններին, բաժնետոմսերի և պարտատոմսերի, պետական արժեթղթերի գործարքների արդյունքներին, ինչպես նաև ծանոթանալ շուկայի մասնակիցների և փորձագետների կարծիքներին և մեկնաբանություններին:

www.anticrisis.am կայքը թույլ է տալիս դիտարկել Հայաստանի տնտեսության  իրավիճակը, մշտապես տեղյակ լինել հակաճգնաժամային ծրագրերի իրագործմանն ուղղված կառավարության քայլերին, թողնել սեփական առաջարկները կամ մեկնաբանությունները կառավարության այս կամ այն որոշման վերաբերյալ՝ կապված ճգնաժամից երկրի դուրս գալու հետ:

Ինչպես պորտալի շնորհանդեսի ժամանակ հայտարարեց ՀՀ Կենտրոնական բանկի նախագահ Արթուր Ջավադյանը, «ԱՌԿԱ» գործակալության այս արտադրանքը բոլոր գործընկերներին, այդ թվում նաև բանկերին և վարկային կազմակերպություններին, ինչպես նաև հաճախորդներին հնարավորություն կտա ավելի մանրամասն ծանոթանալ համաշխարհային ֆինանսական նորություններին և Հայաստանում տեղի ունեցող իրադարձություններին:

ԿԲ-ի նախագահն ասել է, որ վերջին կես տարվա ընթացքում Կենտրոնական բանկն իրականացնում է լայնամասշտաբ միջոցառումներ՝ քաղաքացիների ֆինանսական կրթվածության մակարդակի բարձրացման ուղղությամբ:

ՎՏԲ-Հայաստան բանկի գլխավոր տնօրեն-տնօրինության նախագահ Վալերի Օվսյաննիկովն իր հերթին armbanks.am նախագիծը համարել է շուկայի տեղեկատվական թափանցիկության լավ սկիզբ, և ըստ նրա, նախագիծը բանկի բոլոր հաճախորդներին հնարավորություն է տալիս բաց ռեժիմում օգտվել տեղեկատվությունից: Նա  նաև հայտարարել է, որ «մոտ ժամանակներում կարելի է Հայաստանում սկսել տնտեսական թերթի թողարկում և հնարավոր է նաև՝ հեռուստաալիքի հեռարձակում»:

Որպես գործունեության բարձր գնահատականի ապացույց՝ Օվսյաննիկովը «ԱՌԿԱ» գործակալությանը պարգևատրեց «ՎՏԲ-Հայաստան բանկ» ՓԲԸ-ի պատվոգրով՝ որպես բանկի լավագույն տեղեկատվական գործընկեր:

«ԱՌԿԱ» գործակալության նոր նախաձեռնության հաջողության կապակցությամբ վստահություն հայտնեց նաև «NASDAQ OMX Արմենիա» ֆոնդային բորսայի գլխավոր տնօրեն Արմեն Մելիքյանը: Միաժամանակ նա կոչ արեց շուկայի բոլոր մասնակիցներին սերտորեն համագործակցել գործակալության հետ, «քանի որ այս նախաձեռնությունը հնարավորություն է տալիս շփվել հասարակության հետ»: Մելիքյանը նշեց, որ «NASDAQ OMX Արմենիա» ֆոնդային բորսան պատրաստ է ցուցաբերել ցանկացած աջակցություն նմանատիպ նախաձեռնություններում:

Հայաստանի բանկերի միության նախագահ Արարատ Ղուկասյանն իր հերթին համոզմունք հայտնեց, որ պորտալի կողմից տրամադրվող տեղեկատվությունը կնպաստի ֆինանսական միջնորդության մակարդակի աճին և ավելի բարձր մակարդակի կհանի հասարակության և բանկերի միջև համագործակցությունը: ՀԲՄ-ի ղեկավարը նոր ինտերնետ ռեսուրսի հետ համագործակցելու պատրաստակամություն հայտնեց:

«ԱՌԿԱ» լրատվական գործակալությունը գործում է 1996թ. մայիսի 1-ից։ Մասնագիտանում է ֆինանսատնտեսական տեղեկատվության բնագավառում։

«ԱՌԿԱ»-ի հետ համագործակցում են համաշխարհային և ռուսական խոշորագույն տեղեկատվական գործակալություններ և տվյալների բազաներ, մասնավորապես, DowJones-ը, Reuters-ը, Internet Security Inc.-ը, Ռոսբիզնեսկոնսալթինգը։

Գործակալության տեղեկատվությունը պարբերաբար ստանում և օգտագործում են տարբեր կազմակերպություններ, այդ թվում՝ պետական և կոմերցիոն կառույցներ, բանկեր, միջազգային ֆինանսական կազմակերպություններ, խորհրդատվական ընկերություններ, դեսպանատներ, զանգվածային լրատվամիջոցներ:

Անհրաժեշտ է նշել, որ armbanks.am-ը գործակալության առաջին մասնագիտացված ինտերնետ նախագիծը չէ: 2008թ.-ի հոկտեմբերին «ԱՌԿԱ» գործակալությունը գործարկեց teleсom.arka.am նախագիծը, որը գործում է հեռահաղորդակցությունների և բարձր տեխնոլոգիաների ոլորտում: -0-

Loading...
Թեմատիկ նյութեր
Բաժնի այլ նյութեր
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը:
20:16
10 Փետրվարի 2017
Արտահոսք Օհանյան–Օսկանյան դաշինքից
Խորհրդարանական ընտրությունների նախաշեմին պաշտպանության նախկին նախարար Սեյրան Օհանյանի և ԱԳ նախկին նախարար Վարդան Օսկանյանի ձևավորած դաշինքից արտահոսքը շարունակվում է։
18:53
10 Փետրվարի 2017
Ֆրանսիայի նախագահը հրավիրել է հայ գործընկերոջը պաշտոնական այցով այցելել Փարիզ
Ֆրանսիայի նախագահ Ֆրանսուա Օլանդը հրավիրել է իր հայ գործընկեր Սերժ Սարգսյանին պաշտոնական այցով այցելել Փարիզ:
17:20
10 Փետրվարի 2017
Հովիկ Աբրահամյանի որդին չի բացառել, որ կմասնակցի ընտրություններին` ներկայացնելով «Ծառուկյան դաշինքը»
Հովիկ Աբրահամյանի որդին` Արտաշատի քաղաքապետ Արգամ Աբրահամյանը, չի բացառել, որ ապրիլի 2–ին նախատեսված խորհրդարանական ընտրություններին կառաջադրի իր թեկնածությունը` ներկայացնելով «Ծառուկյան դաշինքը»։
15:42
10 Փետրվարի 2017
Լապշինը չի հետախուզվել Ինտերպոլի կողմից. կազմակերպության քարտուղարություն
Բելառուսում ձերբակալված և Բաքվին արտահանձնված ռուս-իսրայելցի բլոգեր Ալեքսանդր Լապշինը չի հետախուզվել Ինտերպոլի կողմից: