483.58
+0.74
513.85
-7.76
7.67
+0.05
+3
Եղանակը Երևանում
Հայ
Հայաստանի նախագահը պատրաստ է աջակցել Orange Armenia ընկերության գործունեությանը
10:27
06 Նոյեմբերի 2009

Հայաստանի նախագահ Սերժ Սարգսյանը պատրաստակամություն է հայտնել օժանդակել հանրապետությունում Orange Armenia ընկերության գործունեությանը:

Ինչպես հաղորդում է ՀՀ նախագահի մամուլի ծառայությունը, այս մասին Սարգսյանը հայտարարել է France Telecom ընկերության նախագահ Դիդիե Լոմբարի, փոխնախագահ Օլաֆ Սուանտիի, Orange Armenia ընկերության գլխավոր տնօրեն Բրունո Դյութուայի և Հայաստանում Ֆրանսիայի դեսպան Սերժ Սմեսովի հետ հինգշաբթի կայացած հանդիպման ժամանակ:

Նոյեմբերի 5-ից Հայաստանում մեկնարկում է Orange Armenia երրորդ բջջային օպերատորի գործունեությունը: «Orange»-ը ֆրանսիական France Telecom ընկերության ապրանքանիշն է և մեր երկրում մատուցելու է բջջային կապի ու ինտերնետի ծառայություններ: Ընկերությունը վերջնական արտոնագիրը ստացել է 2008թ. նոյեմբերի 19-ին: Orange-ն իրավունք ունի հեռախոսահամարներ տրամադրել +374(0)55 և +374(0)95 կոդերով՝ համարների տեղաբաշխման 10 տարվա իրավունքով:

«Մեկ տարուց էլ պակաս ժամանակ է անցել, երբ Ձեզ հետ միասին քննարկում էինքՙ Orange-ի մուտքը Հայաստան: Ուրախ եմ, որ այս կարճ ժամանակահատվածում հնարավոր եղավ իրականացնել ծրագրի, այսպես ասենք, մեկ փուլը», - ասել է նախագահը:

Նրա խոսքերով՝ հայկական կողմը շահագրգռված է հեղինակավոր միջազգային բրենդների, կազմակերպությունների մուտքով Հայաստան: ՀՀ նախագահը վստահություն է հայտնել, որ Orange-ի գործունեությունը դրականորեն է ազդելու ոչ միայն հեռահաղորդակցության ոլորտի, այլև ընդհանրապես բիզնես մթնոլորտի վրա:

Երկրի ղեկավարը պատրաստակամություն է հայտնել` այսուհետ ևս օժանդակելու, որպեսզի Orange Armenia-ն կարողանա մատչելի և բարձրակարգ ծառայություններ մատուցել ժողովրդին:

France Telecom ընկերության նախագահ Դիդիե Լոմբարն ասել է, որ այս օրը բացառիկ է Orange-ի համար:

«Կարճ ժամանակահատվածում մեզ հաջողվել է իրականացնել այն ամենն, ինչի շուրջ Ձեզ հետ պայմանավորվածություն էինք ձեռք բերել հունվար ամսին: Այսօր շարժական բջջային կապի ցանցի հիմնարկեքն է, բացումը. մի բան, որն առանց Ձեր օժանդակության և օգնության չէր կայանա», - ասել է Լոմբարը:

Նրա խոսքերով՝ բացի բջջային հեռախոսացանցից, սա նաև ինտերնետային ցանց է: «Մեր նպատակն է ցանկացած նորամուծություն, նորարարություն բերել Հայաստան», - ասել է Լոմբարը:

Կողմերը համակարծիք են եղել, որ սա երկուստեք շահեկան գործ է. թե Orange-ի համար որպես բիզնես, և թե Հայաստանի տնտեսության համար: ՙ

France Telecom-ի նախագահը նշելով, որ միանգամայն բավարարված է Orange Armenia ընկերության հայաստանյան թիմի աշխատանքից` նախագահին ներկայացրել է իրենց մրցակցային առավելություններն, այն նորարական լուծումները, որոնք առաջարկում են և խոսել է Orange-ի առաջիկա ծրագրերի մասին:-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: