478.04
+0.15
564.85
-3.12
8.3
-0.03
+19
Եղանակը Երևանում
Հայ
«Երկիր» միությունը խայտառակ է անվանում հայ ակտիվիստի նկատմամբ վրացական դատարանի կայացրած վճիռը
17:53
02 Նոյեմբերի 2009

Հայրենադարձության և հիմնավորման «Երկիր» հասարակական կազմակերպությունների միությունը հայտարարություն է տարածել, որում խայտառակ է անվանում Ջավախքի հայ ակտիվիստ Վահագն Չախալյանի նկատմամբ վրացական դատարանի կյացրած վճիռը։

2009թ. հոկտեմբերի 30-ին Վրաստանի վերաքննիչ դատարանն անփոփոխ թողեց Վահագն Չախալյանի, նրա հոր և կրտսեր եղբոր նկատմամբ առաջին ատյանի դատավճիռը, որով ջավախահայ քաղաքական գործիչը դատապարտվել էր 10 տարվա ազատազրկման, իսկ նրա հայրն ու եղբայրը, համապատասխանաբար, հինգ և երկու տարի պայմանական ազատազրկման` 5000 ($3000) և 2000 ($1200) լարի տուգանքի վճարմամբ: Վերաքննիչ դատարանում գործի լսման վերջին երկու նիստերը անցկացվեցին առանց Վահագն Չախալյանի մասնակցության, որը բոյկոտեց դատավարությունը՝ որպես բողոք տեղի ունեցող դատական անօրինականությունների դեմ:

«Վրաստանի  վերաքննիչ դատարանում Վահագն Չախալյանի դատավարությունը տարվեց նույն «սցենարով», որով այն ընթանում էր առաջին դատական ատյանում: Ջավախահայ քաղաքական գործչին թույլ չտրվեց դատարանում ներկայացված լինել իր կողմից ընտրված դատապաշտպանի միջոցով, դատալսումների հայերեն թարգմանությունը թերի և անորակ էր, ինչը զրկեց Չախալյաններին և նրանց հայ փաստաբանին դատավարությանը լիարժեք մասնակցելու իրավունքից, դատարանը հրաժարվեց հարցաքննման նպատակով հրավիրել առաջին ատյանի կողմից չհարցաքննված որոշ վկաներին, ինչպես նաև անօրինական հիմքերով մերժեց բազմաթիվ այլ միջնորդություններ»,- ասվում է «Երկիր» Միության հայտարարությունում։  

Բացի այդ կազմակերպությունում նշեցին, որ վրացական արդարադատությունը գերադասեց արհամարհել հիմնավոր փաստարկներն առ այն, որ Վահագն Չախալյանի տանը և գրասենյակում 2008թ. հուլիսի 21-ին իբր հայտնաբերված զենք-զինամթերքը, որը օգտագործվեց որպես պատրվակ ջավախահայ գործչին, նրա հորն ու կրտսեր եղբորը ձերբակալելու համար, բերվել էր հենց նրանց տուն և գրասենյակ ներխուժած վրացական ոստիկանության և հատուկջոկատայինների կողմից:

«Երկիր» միությունում նշեցին նաև, որ վրացական արդարադատությունը շարունակեց «չնկատել» այն փաստը, որ Վահագն Չախալյանի կալանքը բխում է բացառապես քաղաքական շարժառիթներից, որոնք որևէ կապ չունեն նրա դեմ առաջադրված մեղադրանքների հետ, քանի որ 2005-06 թվականներին «հանրային կարգը խախտող զանգվածային միջոցառումների կազմակերպելու և ակտիվ մասնակցելու» և «խուլիգանություն» կատարելու մեղադրանքները առաջադրվեցին 2008թ. դեկտեմբերին, ջավախահայ գործչի ձերբակալությունից շուրջ 4 ամիս, իսկ դատավարության մեկնարկից` շուրջ մեկ ամիս անց:

Վրացական արդարադատությունը որևէ ուշադրություն չդարձրեց այն փաստի վրա, որ քաղաքական դրդապատճառներից ելնելով ջավախքահայ գործչի նկատմամբ կիրառված պատժի տևողությունը ակնհայտորեն համաձափ չէ այն «իրավախախտումներին», որոնցում նա մեղավոր է ճանաչվել, և 2005-06թթ. փաստերի վրա հիմնված նոր մեղադրանքները նրա դեմ առաջ էին քաշվել Չախալյանին հնարավորինս երկար տևողության ազատազրկման դատապարտելու համար, քանի որ զուտ անօրինական զենք-զինամթերք պահելու մեղադրանքով նա դատապարտվել էր լոկ մեկ տարվա ազատազրկման:

«Վրացական արդարադատությունը, բնականաբար, արհամարհեց այն փաստը, որ «հանրային կարգը խախտող զանգվածային միջոցառումների կազմակերպելու և ակտիվ մասնակցելու» և «իշխանության ներկայացուցչի դեմ… խուլիգանություն կատարելու» մեղադրանքներն իրենց բնույթով իսկ «քաղաքական» են և հիմնված Վահագն Չախալյանի` որպես ջավախահայության շահերը պաշտպանող գործչի` 2005-06 թթ. քաղաքական գործունեության փաստերի վրա, երբ 2005-06թթ. հանրահավաքների և բողոքի ակցիաների միջոցով հայ բնակչությունը առաջ էր քաշում իր լեզվակրթական, սոցիալ-մշակութային և կրոնական իրավունքների հետ առնչվող օրինական պահանջներ, իսկ 2006թ. հոկտեմբերի 9-ին բողոքում էր ՏԻՄ ընտրությունների կեղծման դեմ»,- ընդգծվում է փաստաթղթում։  

Փաստաթղթում նշվում է, որ վրացական արդարադատությունը արհամարհեց ջավախահայ քաղաքական գործչի նկատմամբ բանտում խտրական վերաբերմունքի դրսևորման փաստերը` Փարիզում Վրաստանի դեսպանատան առջև Ֆրանսիայի Հայկական կազմակերպությունների համակարգող խորհրդի 2009թ. ապրիլի 14-ի բողոքի ակցիայից երկու օր անց նրան դաժան ծեծի ենթարկելը, 2009թ. օգոստոսի 17-ին նրան` իր հայ փաստաբանի հետ տեսակցելն արգելելը:

Վրացական արդարադատությունը արհամարհեց նաև այն փաստը, որ ջավախահայ քաղաքական գործչի իրավունքների ոտնահարման այս խայտառակ շղթան լայն արձագանք է առաջացրել Հայաստանում և սփյուռքում: Մի շարք հայկական ոչ-կառավարական կազմակերպություններ, միջազգային իրավապաշտպան կազմակերպություններ, եվրոպական քաղաքական գործիչներ հայտարարություններ են ընդունել և այլ գործողություններ են կատարել ի պաշտպանություն Վահագն Չախալյանի: 

«Հաշվի առնելով վերոնշյալը` «Երկիր» միությունը գնահատում է Վերաքննիչ դատարանի այս որոշումը որպես արդարադատության ծաղրանմանակում, որով վրացական արդարադատությունը ևս մեկ անգամ ապացուցեց, որ այն լոկ վրացական իշխանությունների կցորդ կամակատար է` նրանց քաղաքական կամքը վավերացնելու նպատակով պատրաստ հլու-հնազանդ ոտնահարելու արդար դատավարության հիմնարար սկզբունքները»,- ասվում է հայտարարությունում։  

Միության անդամների կարծիքով՝ ջավախահայ քաղաքական գործչի նկատմամաբ այս խայտառակ դատավճռի վերահաստատմամբ  վրացական իշխանությունները գիտակցաբար «վերահաստատում» են ջավախահայության հետ ոստիկանական հալածանքների լեզվով խոսելու իրենց վճռականությունը, ինչը էլ ավելի է խորացնելու Վրաստանի հայաբնակ շրջաններում վախի եւ օտարման մթնոլորտը:

«Երկիր» միությունը նաև կոչ է անում միջազգային կառույցներին և իրավապաշտպան կազմակերպություններին՝ գործուն միջոցներ ձեռնարկել Վրաստանի հայաբնակ շրջաններում խորացող ճգնաժամը կանխելու ուղղությամբ` վրացական իշխանություններին մղելով դադարեցնել հալածանքները, ազատ արձակել ջավախահայ քաղաքական գործչին և կառուցողական երկխոսություն ծավալելու միջոցով լուծման եզրեր գտնել հայ փոքրամասնությանը հուզող խնդիրներին:

«Ժամանակն է, որ միջազգային հանրությունը պարզ և հստակ ուղերձ հղի վրացական իշխանություներին առ այն, որ իր երկրի հայ բնակչության հետ ուժի, հալածանքների և իրավազրկության դիրքերից խոսելը տանում է դեպի փակուղի, և միայն մարդու և ազգային փոքրամասնությունների հիմնարար իրավունքների ու ազատությունների իրական ճանաչման, պահպանման և իրականացման, ինչպես նաև ժողովրդավարական ընթացակարգերի իրական ներդրման միջոցով է հնարավոր կայուն երաշխիքներ ստեղծել երկրի զարգացման և տարածաշրջանում խաղաղության հաստատման համար»,- նշվում է հաղորդագրությունում։ --0—

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: