482.13
-0.46
538.83
-4.47
8.55
+0.02
+17
Եղանակը Երևանում
Հայ
Հայաստանը պետք է պաշտոնապես ճանաչի Ղարաբաղի անկախությունը. ընդդիմություն
16:32
02 Նոյեմբերի 2009

ԵՐԵՎԱՆ, 2 նոյեմբերի. /Նովոստի-Արմենիա/. Հայաստանը պետք է պաշտոնապես ճանաչի Լեռնային Ղարաբաղի անկախությունը, կարծում է «Ժառանգություն» ընդդիմադիր խմբակցությունից ԱԺ պատգամավոր Անահիտ Բախշյանը:

«Մենք պետք է պաշտոնապես ճանաչենք ԼՂՀ անկախությունը, որպեսզի այն կարողանա պաշտպանել իր ազգային շահերը միջազգային ասպարեզում»,- երկուշաբթի պատգամավորն ասաց մամուլի ասուլիսի ժամանակ:

Նրա խոսքերով` Հայաստանի կողմից Ղարաբաղի անկախության ճանաչումը կնպաստի դրա արագ ճանաչմանը ուրիշ երկրների կողմից, նախևառաջ գերտերությունների, ինչը, իր հերթին, կհանգեցնի Հայաստանի ապաշրջափակմանը և տարածաշրջանում անվտանգության ու խաղաղության հաստատմանը:

Պատասխանելով «Նովոստի-Արմենիա» գործակալության հարցին այն մասին, թե ինչ տարածքներ կընկնեն ԼՂՀ իրավասության տակ Հայաստանի կողմից նրա ճանաչման դեպքում, Բախշյանը նշեց, որ բոլոր հարցերը ԼՂՀ անկախության ճանաչման առնչությամբ կլուծվեն ԼՂՀ Սահմանադրությանը համապատասխան:

«Ամեն ինչ պետք է կատարվի ԼՂՀ Սահմանադրության համաձայն և Հայաստանի Սահմանադրության շրջանակներում: ԼՂՀ-ն անկախ ճանաչելով՝ Հայաստանը ԼՂՀ Սահմանադրության 142 հոդվածի համաձայն, կճանաչի Ղարաբաղի ներկայիս տարածքը»,- ասաց պատգամավորը:

Նա նաև հույս հայտնեց, որ մինչև ընթացիկ տարվա վերջը ՀՀ խորհրդարանը այդ հարցը կընդգրկի իր օրակարգում և կճանաչի ԼՂՀ անկախությունը:

«Հայաստանի կողմից ԼՂՀ անկախության ճանաչման խնդիրը ավելի հաճախ է արդիական դառնում, և ես կարծում եմ, որ այդ անգամ բոլոր խորհրդարանական քաղաքական ուժերը, գիտակցելով այս խնդրի կարևորությունը, կմիավորվեն և ԼՂՀ անկախության ճանաչմանը կողմ կարտահայտվեն»,- ընդգծեց Բախշյանը:

Հայաստանի կողմից ԼՂՀ անկախության ճանաչման փաթեթը «Ժառանգություն» խմբակցության կողմից խորհրդարան է ներկայացվել դեռևս 2007 թ.-ին, սակայն բոլոր քաղաքական ուժերը, բացառությամբ «Ժառանգության», դեմ արտահայտվեցին, և փաթեթը մերժվեց:

Ներկայում ՀՀ խորհրդարանում մեծամասնություն կազմող Հայաստանի Հանրապետական կուսակցությունը և «Բարգավաճ Հայաստանը» չեն սատարում ԼՂՀ անկախության ճանաչման գաղափարին՝ համարելով այն վաղաժամ: 

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան:

-0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։