486.67
+0.35
520.49
+1.39
8.22
+0.01
-6
Եղանակը Երևանում
Հայ
Երևանում բացվել է «EXPO-Russia Armenia» երկրորդ ցուցահանդեսը
13:54
29 Հոկտեմբերի 2009
ԵՐԵՎԱՆ, 29 հոկտեմբերի. /Նովոստի-Արմենիա/. Հինգշաբթի Երևանում ՀՀ նախագահ Սերժ Սարգսյանի մասնակցությամբ բացվել է «EXPO-Russia Armenia» երկրորդ ցուցահանդեսը:

Ցուցահանդեսի բացման արարողությանը ՌԴ ԱԳ նախարար Սերգեյ Լավրովի ողջույնի խոսքն ընթերցել է Հայաստանում Ռուսաստանի Դաշնության արտակարգ և լիազոր դեսպան Վյաչեսլավ Կովալենկոն:

«Հայաստանի և Ռուսաստանի ժողովուրդներին միշտ միավորել է հոգևոր մտերմությունը, մշակույթների սերտ փոխկապակցվածությունը, փոխադարձ համակրանքն ու ռազմավարական գործընկերությունը: Երկու երկրների միջև դինամիկ զարգանում են առևտրատնտեսական կապերը, աճում է ապրանքաշրջանառությունը», - ասաց դեսպանը՝ մեջբերելով ՌԴ ԱԳ նախարարի ողջույնի խոսքերը:

Նա նաև նշեց, որ ռուսական ներդրումները մեծ դեր են խաղում հայկական տնտեսության կարևոր ոլորտներում:

Կովալենկոն ընդգծեց, որ Լավրովը կարևորել է փոխգործակցության այնպիսի ձևերը, ինչպիսին «EXPO-Russia Armenia»-ն է, որը նպաստում է համագործակցության ամրապնդմանը:

«Նման միջոցառումները կօգնեն պետական կառույցների, գործարար միջավայրի և քաղաքացիական հասարակության ներկայացուցիչներին փորձ փոխանակել և պայմանավորվել նոր փոխշահավետ նախագծերի շուրջ», - ասաց դեսպանը:

«Համոզված եմ, որ «EXPO-Russia Armenia» ցուցահանդեսն իր ներդրումը կկատարի երկու երկրների միջև համագործակցության խորացման և երկու ժողովուրդների բարեկեցության բարձրացման գործում», - մեջբերեց Կովալենկոն ՌԴ ԱԳ նախարարի խոսքերը:

«EXPO-Russia Armenia» երկրորդ ցուցահանդեսը կտևի մինչև հոկտեմբերի 31-ը: Ցուցահանդեսին կմասնակցեն շուրջ 60 ռուսական և հայկական ընկերություններ: Ցուցահանդեսի նպատակը Ռուսաստանի Դաշնության և Հայաստանի Հանրապետության միջև տնտեսական, գիտատեխնիկական, մշակութային համագործակցության զարգացումն է, կապերի հաստատումն ու ամրապնդումը երկրների միջև, համատեղ բիզնեսի, առևտրատնտեսական և ներդրումային հարաբերությունների զարգացումը:

Ցուցահանդեսին կներկայացվեն նոր տեխնոլոգիաներ էներգետիկայի, մեքենաշինության, մետաղագործության, բարձր տեխնոլոգիաների, շինարարության, ավտոմոբիլային արդյունաբերության, հեռահաղորդակցության և կապի, նավթագազային արդյունաբերության, գյուղատնտեսության և շինարարական տեխնիկայի, բժշկության և դեղագործության բնագավառներում։

Միջոցառման մասնակիցների թվում են այնպիսի ռուսական ընկերություններ, ինչպիսիք են «Սուխոյի քաղաքացիական ինքնաթիռներ» բաժնետիրական կազմակերպությունը, Տիեզերական գործիքաշինության գիտահետազոտական ինստիտուտը, Ուլյանովսկի մեխանիկական գործարանը, «ՌԵՈՒ» ԲԲԸ-ն, «Գոռնիյե մաշինի» ՓԲԸ-ն, «Տիեզերական գործիքաշինության գիտահետազոտական ինստիտուտ» պետական դաշնային միավորված ձեռնարկությունը, «Վիմպելկոմ» ԲԲԸ-ն:

Ցուցահանդեսի աշխատանքի ընթացքում տեղի կունենա կոնֆերանս, կլոր սեղաններ, կկազմակերպվեն այցելություններ Հայաստանի ձեռնարկություններ:

Ցուցահանդեսի կազմակերպիչներն են ԱՊՀ-ի, արտասահմանում բնակվող հայրենակիցների և միջազգային հումանիտար համագործակցության գործերով դաշնային գործակալությունը (Ռոսսոտրուդնիչեստվո),  «Զարուբեժ-Էքսպո» ԲԲԸ-ն, «Մուլտի գրուպ» կոնցեռնը և Խաղաղության հիմնադրամների միջազգային ասոցիացիան (ԽՀՄԱ):

Երևանում առաջին անգամ «EXPO-RUSSIA» արդյունաբերական ցուցահանդեսը տեղի է ունեցել 2008թ.-ի հոկտեմբերի 31-ից նոյեմբերի 2-ը: Դրան մասնակցել է Ռուսաստանի 30 մարզերից ավելի քան 60 ռուսական ընկերություն։-0-

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։