480.39
+0.17
536.6
+0.48
8.07
+0.03
+29
Եղանակը Երևանում
Հայ
ՀՀ խորհրդարանի պատգամավորները քննարկում են ԵվրԱզԷՍ-ի հակաճգնաժամային հիմնադրամի ստեղծման մասին պայմանագրի վավերացման հնարավորությունը
15:02
28 Հոկտեմբերի 2009

ՀՀ ԱԺ պատգամավորները չորեքշաբթի նիստի ժամանակ քննարկել են Եվրասիական տնտեսական համագործակցության (ԵվրԱզԷՍ) հակաճգնաժամային հիմնադրամի ստեղծման մասին պայմանագրի և «Եվրասիական տնտեսական համագործակցության հակաճգնաժամային հիմնադրամի միջոցների կառավարման մասին» համաձայնագրի վավերացմանն առնչվող հարցերը:

Ինչպես նշեց ՀՀ ֆինանսների փոխնախարար Վարդան Արամյանը, հակաճգնաժամային հիմնադրամի ստեղծման մասին պայմանագիրը կնքվել է Մոսկվայում 2009 թ.-ի հունիսի 9-ին և ստորագրվել վեց երկրների՝ Ռուսաստանի, Ղազախստանի, Ղրղզստանի, Տաջիկստանի, Բելառուսի և Ուզբեկստանի կողմից՝ Հայաստանի մասնակցությամբ:

ԵվրԱզԷՍ-ը միջազգային տնտեսական կազմակերպություն է, որն ունի գործառույթներ, որոնք կապված են նրա կազմի մեջ մտնող երկրների արտաքին մաքսային ընդհանուր սահմանների ձևավորման, միասնական արտաքին-տնտեսական քաղաքականության, սակագների, գների և ընդհանուր շուկայի գործունեության այլ բաղկացուցիչների մշակման հետ, կազմակերպությունը ստեղծվել է 2000 թ.-ին: Այժմ կազմակերպության անդամներն են Բելառուսը, Ղազախստանը, Ղրղզստանը, Ռուսաստանը, Տաջիկստանն ու Ուզբեկստանը, դիտորդ երկրի կարգավիճակ ունեն Հայաստանն ու Մոլդովան:

Ինչպես պարզաբանեց Հակոբյանը, ԵվրԱզԷՍ-ի հակաճգնաժամային հիմնադրամի չափը կազմում է 10 միլիարդ դոլար, որոնցից Ռուսաստանին բաժին է հասնում 7,5 միլիարդ դոլարը, Բելառուսին՝ 10 միլիոն դոլարը, Ղազախստանին՝ 1 միլիարդ դոլարը, իսկ մնացած երկրներին, այդ թվում նաև Հայաստանին՝ մեկական միլիոն դոլար:

Փոխնախարարը տեղեկացրեց, որ հակաճգնաժամային հիմնադրամը կոչված է աջակցել մասնակից-երկրներին ազգային տնտեսությունների վրա համաշխարհային ֆինանսատնտեսական ճգնաժամի բացասական ազդեցությունը հաղթահարելու, հետճգնաժամային վերականգնման ապահովման և երկրների հետագա զարգացմանն աջակցելու համար:

Արամյանի խոսքերով, պայմանագրի համաձայն՝ հակաճգնաժամային հիմնադրամի միջոցները տրամադրվելու են կայունացնող վարկերի, միջպետական ներդրումների տեսքով:

Ըստ «Եվրասիական տնտեսական համագործակցության հակաճգնաժամային հիմնադրամի միջոցների կառավարման մասին» համաձայնագրի, որը ուղղակիորեն կապված է հիմնադրման պայմանագրի հետ, կարգավորվում է հիմնադրամի միջոցների կառավարման կարգը՝ դրանք իրավաբանական անձին փոխանցելու միջոցով: Ինչպես տեղեկացրեց ՀՀ ֆինանսների փոխնախարարը, միջոցները կփոխանցվեն Զարգացման եվրասիական բանկի կառավարմանը, որի անդամ է նաև Հայաստանը:

Բանկը սկսել է գործել 2006 թ.-ի հունիսից: Այժմ Զարգացման եվրասիական բանկի կանոնադրական կապիտալը կազմում է 1,5 միլիարդ դոլար: Այն ձևավորվել է մասնակից-պետությունների կողմից կատարված վճարների հաշվին՝ Ռուսաստան՝ 1 միլիարդ դոլար, Ղազախստան՝ 500 միլիոն դոլար, Հայաստան՝ 100 հազար դոլար, Տաջիկստան՝ 500 հազար դոլար:-0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։