482.01
-0.12
540.96
+2.13
8.56
+0.01
+13
Եղանակը Երևանում
Հայ
Հայաստանի իշխանությունները պետք է հրաժարվեն Կարսի պայմանագրից. ԼՂՀ ԱԳՆ նախկին ղեկավար
16:20
20 Հոկտեմբերի 2009

Հայաստանի իշխանությունները պաշտոնապես պետք է հրաժարվեն Կարսի պայմանագրից՝ հետագա բացասական հետևանքներից խուսափելու համար, կարծում է ԼՂՀ արտաքին գործերի նախկին նախարար, փորձագետ Արման Մելիքյանը։

1921 թ.-ին Թուրքիայի և Խորհրդային Ռուսաստանի միջև կնքված Կարսի պայմանագրով սահմանվում էր Թուրքիայի և Անդրկովկասի հանրապետությունների միջև սահմանը։

Պայմանագրի 5-րդ հոդվածի համաձայն՝՝ Թուրքիայի, Ադրբեջանի և Հայաստանի կառավարությունները համաձայնում էին, որ Նախիջևանի մարզը ինքնավար հանրապետություն է կազմում Ադրբեջանի հովանավորությամբ։

«Ի սկզբանե հայ-թուրքական արձանագրությունների ստորագրումը հայկական կողմի սխալն էր։ Բայց գործընթացը սկսվել է, և մնում է միայն օգտագործել ակնհայտ բոլոր սպառնալիքների կանխմանն ուղղված հնարավոր քայլերը։ Առաջին հերթին՝ անհրաժեշտ է չեղյալ համարել Կարսի պայմանագիրը, որի որոշ սկզբունքներ փաստորեն արտացոլվել են այդ արձանագրություններում»,- երեքշաբթի մամուլի ասուլիսում հայտարարեց Մելիքյանը։

Մելիքյանի խոսքերով՝ Հայաստանը, վավերացնելով այդ արձանագրությունները խորհրդարանում, պաշտոնապես կճանաչի Լեռնային Ղարաբաղի ինքնավար կարգավիճակն Ադրբեջանի կազմում՝ զրկվելով ցանկացած հնարավորությունից ոչ միայն պահել «ստատուս-քվոն», այլև հասնել ԼՂՀ անկախությանը միջազգային մակարդակով։

«Հայաստանի պետք է պաշտոնապես հրաժարվի Կարսի պայմանգրից և Թուրքիայի հետ զուտ անկախ պայմանագրեր ստորագրի»,- ընդգծեց ԼՂՀ արտաքին գործերի նախարարության նախկին ղեկավարը։

Միաժամանակ փորձագետը հայ-թուրքական հարաբերությունների բարելավումն անմիջականորեն շաղկապեց ղարաբաղյան խնդրի լուծման հետ։

«Բացելով սահմանները՝ Թուրքիան բանակցային գործընթացում Հայաստանի վրա ճնշում գործադրելու մեծ լծակներ կստանա։ Բայց ամենից մեծ, առանցքային դեր կխաղան գերտերությունները։ Հավանաբար ԼՂՀ շրջակա ազատագրված հողերը կվերահսկի երրորդ կողմը, որի դերում կարող են լինել Ռուսաստանը, ԵՄ կամ ԱՄՆ-ն»,- ասաց Մելիքյանը։

Ըստ նրա՝ ում որ հաջողվի իր վրա վերցնել այդ պատասխանատվությունը, նա էլ կլուծի ղարաբաղյան հարցն՝ իր շահերից ելնելով։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություներ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան:--0--

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։