482.36
-0.38
568.99
-1.66
8.19
-0.05
+2
Եղանակը Երևանում
Հայ
Հայաստանում Եվրամիության խորհրդատվական խումբն արդյունավետ աշխատում է Հայաստանի պետական կառույցների հետ. Ազգային անվտանգության խորհրդի քարտուղար
15:31
20 Հոկտեմբերի 2009

Հայաստանում Եվրամիության խորհրդատվական խումբը բավականին արդյունավետ աշխատում է Հայաստանի պետական կառավարման կառույցների հետ, ասաց Հայաստանի Ազգային անվտանգության խորհրդի քարտուղար Արթուր Բաղդասարյանը։

Եվրամիության՝ 11 հոգուց բաղկացած խորհրդատվական խումբն աշխատում է Հայաստանում 2009 թվականի ապրիլի 1-ից և խորհրդատվություն է տրամադրում Եվրոպական հարևանության քաղաքականության գործողությունների ծրագրի իրականացման և ժողովրդավարական ու տնտեսական կառույցնեևրի հզորացման ուղղությամբ։ Հայաստանն առաջին երկիրն է, որն օգտվում է տեխնիկական աջակցության նպատակով կիրառվող այս ինովացիոն մոտեցումներից։

«Մոտ ապագայում Խորհրդատվական խմբին կմիանան ևս վեց միջազգային փորձագետներ, ինչը նախատեսված բարեփոխումների արդյունավետ իրականացման հնարավորություն կտա»,- երեքշաբթի ասաց Բաղդասարյանը Հայաստանի պետական մարմինների և եվրոպական կառույցների միջև համագործակցության համակարգման միջգերատեսչական հանձնաժողովի նիստի ընթացքում, որին մասնակցել են նաև Հայաստանում Եվրամիության խորհրդատվական խմբի փորձագետները։

Ազգային անվտանգության խորհրդի քարտուղարը հատուկ ընդգծեց Խորհրդատվական խմբի ջանքերը հակակոռուպցիոն ռազմավարության մշակման, Մարդու իրավունքների պաշտպանության ազգային ծրագրի աշխատանքներում, ինչպես նաև Խորը և համապարփակ առևտրի ազատ համաձայնագրի ստորագրմանն ուղղված աշխատանքներում և հարկային ու մաքսային վարչարարության հարցերում։  

Բաղդասարյանը նշեց, որ Միջգերատեսչական հանձնաժողովի որոշմամբ ստեղծվել է 21 աշխատանքային խումբ, որը զբաղվում է ավելի քան 20 ուղղություններով կոնկրետ ռազմավարությունների մշակմամբ և իրականացմամբ։

«Խոսքը, մասնավորապես, դատական համակարգի, Ոստիկանության կառուցվածքի  բարեփոխումների, հարկային և մաքսային կառույցների՝ եվրոպական չափանիշներին  համապատասխանեցման մասին է»,- ասաց նա։

Բաղդասարյանը հույս հայտնեց նաև, որ ԵՄ Խորհրդատվական խումբն առավելագույնս արդյունավետ կաշխատի միջգերատեսչական աշխատանքային խմբերի հետ, ինչը հնարավորություն կտա առաջընթաց ապահովել աշխատանքներում։

ԵՄ խորհրդատվական խումբը համագործակցում է Հայաստանի կառույցների հետ հետևյալ ուղղություններով՝ հակակոռուպցիոն ռազմավարություն, բարեփոխումներ հասարակական կառավարման, մարդու իրավունքների ոլորտում, դիվանագիտական ակադեմիայի ստեղծում, քաղաքական երկխոսություն և աջակցություն Ազգային Ժողովին, ԵՄ-ի հետ «Ազատ առևտրի համաձայնագրի» ստորագրման նախապատրաստում, պետպարտքի կառավարում, աջակցություն բազմառանցքային  կենսաթոշակային համակարգի մշակմանը, պետեկամուտների քաղաքականության արդյունավետության բարձրացում, մաքսային վարչարարության արդյունավետության բարձրացում, ինչպես նաև իրավական համակարգի բարեփոխումներ, այդ թվում՝ Ոստիկանությունում, դատախազությունում և իրավաբանական համակարգում։ 

Իր հերթին Հայաստանում Եվրահանձնաժողովի ղեկավար, դեսպան Ռաուլ դը Լյուցենբերգերը շնորհակալություն է հայտնել Հայաստանում ԵՄ խորհրդատվական խմբի գործունեությանը տված բարձր գնահատականի համար և նշել է, որ Եվրահանձնաժողովն այդ փորձը հաջող է համարում։ «Մենք ենթադրում ենք տարածել այդ փորձը նաև այլ երկրներում»,- ասել է նա։

Միաժամանակ Լյուցենբերգերն ավելացրել է, որ խորհրդատվական խումբն իր աշխատանքում որդեգրել է մի ձևաչափ, որը հետագայում կկիրառվի «Արևելյան գործընկերություն» ծրագրում ընդգրկված երկրների հետ աշխատանքում՝ եվրոպական սկզբունքներին հապատասխանեցում ապահովելու նպատակով։

Մայիսի սկզբին Պրագայում՝ Եվրամիությունում նախագահող Չեխիայի մայրաքաղաքում, կայացել է ԵՄ «Արևելյան գործընկերության» ծրագրի հիմնադիր գագաթնաժողովը, որն ուղղված է ԵՄ-ի հետ Ադրբեջանի, Հայաստանի, Վրաստանի, Մոլդովիայի, Բելառուսի և Ուկրաինայի մերձեցմանը։ Ծրագրով նախատեսված է այդ երկրներին 600 միլիոն եվրոյի տրամադրումը մինչև 2013 թվականը։ Այդ միջոցները նախատեսված են պետական ինստիտուտների ամրապնդմանը, սահմանների վերահսկողությանը և փոքր ընկերություններին աջակցության ցուցաբերմանը։ -0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։