486.67
+0.35
520.49
+1.39
8.22
+0.01
-3
Եղանակը Երևանում
Հայ
Ընդդիմադիր թերթի խմբագրի իրավապաշտպանը հորդորում է դատավորին ինքնաբացարկ հայտնել
14:42
20 Հոկտեմբերի 2009

Իշխանության ներկայացուցչի նկատմամբ ուժի կիրառման և զանգվածային անկարգությունների կազմակերպման մեջ մեղադրվող՝«Հայկական ժամանակ» ընդդիմադիր թերթի խմբագիր Նիկոլ Փաշինյանի իրավապաշտպան Լուսինե Սահակյանը դատավորի ինքնաբացարկի մասին միջնորդություն է ներկայացրել:

Փաշինյանի գործով դատավարությունը սկսվել է երեքշաբթի Կենտրոն և Նորք-Մարաշ վարչական շրջանների առաջին ատյանի դատարանում:

Ինչպես հաղորդում է «Նովոստի-Արմենիա» գործակալության թղթակիցը դատարանի դահլիճից, Փաշինյանի իրավապաշտպանը հայտարարել է, որ դատավոր Մնացական Մարտիրոսյանը չի կարող անկախ և անաչառ լինել, քանի որ ավելի վաղ արդեն քննել է Ալիկ Արզումանյանի և Սուրեն Սիրունյանի (հայկական արմատական ընդդիմության ակտիվիստներ) դեմ հարուցված նմանատիպ գործերը և կայացրել է մեղադրական վճիռ:

Իրավապաշտպանի կարծիքով, Մարտիրոսյանը «թույլ է տվել բազմաթիվ ընթացակարգային խախտումներ և գործի առնչությամբ ձևավորված ներքին համոզմունք ունի»: Միջնորդությանն աջակցել է նաև Փաշինյանը, ով ևս կասկած է արտահայտել դատավորի անաչառության կապակցությամբ:

Սակայն մեղադրող կողմը՝ ի դեմս դատախազ Հարություն Հարությունյանի, ներկայացված միջնորդությունը համարել է անհիմն և առաջարկել է մերժել այն:

Դատախազը նշել է, որ պաշտպանող կողմը որևէ իրական հիմնավորումներ չի ներկայացրել՝ նշելով, որ հասկանում է պաշտպանության «նյարդային լարվածությունը»: Միաժամանակ Հարությունյանը կոչ է արել չքաղաքականացնել գործն ու չստեղծել մեղադրող կողմի բացասական կերպար, ինչը, նրա կարծիքով, օգուտ չի բերի դատավարությանը:

Դատական նիստը սկսվել է Փաշինյանի հայտարարությամբ, ով դատավարությունն ու «յոթի գործը» զավեշտախաղ է համարել:

«Յոթի գործով» դատավարությանը 2008 թ.-ի մարտյան զանգվածային անկարգություններում մեղադրվողների նկատմամբ իրականացվող դատական գործընթաց էր: Մեղադրվողների թվում էին խորհրդարանի երեք պատգամավոր և ՀՀ ԱԳ նախկին նախարարը: «Յոթի գործի» գրեթե բոլոր դերակատարները համաներմամբ ազատ էին արձակվել:

Փաշինյանը նշելէ, որ «յոթի գործով» դատավարության ընթացքում խորհրդարանը վերանայել է Քրեական օրենսգիրքն ու որպես դատապարտյալների նկատմամբ պատժամիջոցի կիրառման տեսակ նախատեսել է հեռացում դատարանի դահլիճից, ինչպես նաև ներդրել է պարտադիր պաշտպանի ինստիտուտը:

Դատապարտյալը նշել է, որ եթե իրեն հեռացնեն դատական նիստերի դահլիճից, ապա կհրաժարվի ցանկացած պաշտպանից, այդ թվում նաև՝ դատարանի կողմից նշանակվող իրավապաշտպանից:

Դատարանի բակում հավաքվել են Փաշինյանի մի քանի տասնյակ կողմնակիցներ՝ նրա դիմանկարով և պաստառներով:

Այժմ երկուժամանոց ընդմիջում է հայտարարվել՝ պաշտպանության կողմի միջնորդությունը քննարկելու նպատակով:

Ընդդիմադիր թերթի խմբագիրը մեղադրվում է 2007 թ.-ի հոկտեմբերի 23-ին ոստիկանության աշխատակցի դեմ կյանքին վտանգ չներկայացնող բռնություն կիրառելու և մի խումբ անձանց հետ Երևանում 2008 թ.-ի մարտի 1-2-ին զանգվածային անկարգություններ կազմակերպելու մեջ:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվեցին անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվեց տասը և վիրավորվեց 265 քաղաքացի:-0-

Loading...
Թեմատիկ նյութեր
Բաժնի այլ նյութեր
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը: