487.29
-0.01
568.08
+2.76
8.23
+0.01
+13
Եղանակը Երևանում
Հայ
Հայաստանի ավելի քան 10 քաղաքական ուժեր միացել են հայ-թուրքական արձանագրությունների ստորագրմանը դեմ հայտարարությանը
19:43
06 Հոկտեմբերի 2009

Հայաստանի ավելի քան 10 քաղաքական ուժեր երեքշաբթի միացել են ՀՅԴ-ի նախաձեռնած հայտարարությանը՝ պահանջելով չստորագրել հայ-թուրքական հարաբերությունների նորմալացման արձանագրությունները: 

«Արձանագրությունները չպետք է ստորագրվեն ներկայիս տեսքով: Անհրաժեշտ են որոշակի փոփոխություններ, որոնք կչեզոքացնեն դրանցում առկա վտանգավոր դրույթները»,- նշեց ՀՅԴ խմբակցության ղեկավար Վահան Հովհաննիսյանը:  Փաստաթղթում նշվում է, որ հաստատումն այն մասին, որ արձանագրությունները թուրքական կողմի նախապայմանները չեն պարունակում, ուղղված են մեր ժողովրդի զգոնությունը թուլացնելուն:  

Հայտարարության համաձայն` արձանագրություններով փաստացիորեն ընդունվում է Թուրքիայի հիմնական նախապայմաններից մեկը՝ Հայաստանի ներկայիս սահմանների ճանաչումը: Կուսակցության ներկայացուցիչների մոտ մտահոգություն  առաջացնող հաջորդ կետը վերաբերում է պատմական հարթության վրա քննարկումներ իրականացնող ենթահանձնաժողով ստեղծելուն: «Տվյալ դրույթը փաստորեն խոչընդոտում է 1915 թ.-ի Հայոց ցեղասպանության փաստի միջազգային ճանաչման գործընթացին և պատմական արդարության վերականգնմանը»,- նշվում է հայտարարության մեջ:

«Հայ-թուրքական հարաբերությունների և Ղարաբաղյան հակամարտության կարգավորման գործընթացների ժամանակային առումով փաստացի փոխպայմանավորումը, տարածքային ամբողջականության սկզբունքի ամրագրմանը զուգահեռ ազգերի ինքնորոշման իրավունքի հարգման պարտավորության բացակայությունը լայն ճանապարհ են հարթում վերոնշյալ գործընթացների փոխկապակցման և դրանց հանգուցալուծման գործում Թուրքիայի դերակատարության մեծացման համար: Այսպիսով` Թուրքիան հնարավորություն է ձեռք բերում հասնելու իր հաջորդ նախապայմանի բավարարմանը` պահանջելով Հայաստանից և միջնորդներից իրեն ձեռնտու զարգացումներ ապահովել Ղարաբաղյան հակամարտության կարգավորման գործընթացում»,- ասվում է ուղերձում:

Փաստաթղթում նշվում է նաև, որ միակողմանիորեն փակելով սահմանները և այն բացելու երկկողմ որոշում արձանագրելով` Թուրքիան սահմանների մինչ օրս փակ լինելու պատասխանատվությունը, փաստորեն, կիսում է Հայաստանի հետ:

ՀՅԴ-ից բացի հայտարարության տակ, մասնավորապես, ստորագրել են նաև Ժողովրդական կուսակցությունը, ՀՌԱԿ, «Նոր Ժամանակներ», «Ժառանգություն», «Գոյամարտ», «Մայր Հայրենիք», ՀԱՍԿ, «Միավորված Հայեր», «Ազգային միասնության Ուխտ», Հայաստանի դեմոկրատական կուսակցությունները, Արիական Միաբանությունը:

«Արդեն 13 կուսակցություն է միացել ՀՅԴ հայտարարությանը, սակայն, հաշվի առնելով, որ փաստաթուղքը բաց է ստորագրման համար, այդ թիվը կարող է աճել: Չնայած առաջադրված խնդրի լուծման մոտեցումներում որոշ տարաձայնություններին` սկսած ավելի զուսպ դիրքորոշումից, մինչև ավելի արմատականը` վերջնական արդյունքում մեզ բոլորիս միավորում է այս հայտարարությունը և արձանագրությունները ստորագրումը թույլ չտալու ձգտումը»,- «Նովոստի-Արմենիա» գործակալության թղթակցին հայտնեց ՀՅԴ խմբակցության ղեկավար Վահան Հովհաննիսյանը:

Նա ընդգծեց, որ եթե անգամ արձանագրությունները հոկտեմբերի 10-ին ստորագրվեն, ՀՅԴ-ն չի դադարի պայքարել արձանագրությունների հետագա վավերացման դեմ խորհրդարանում:

Հայաստանում ՀՅԴ Գերագույն մարմնի ներկայացուցիչ Արմեն Ռուստամյանի խոսքով` Դաշնակցության և հայտարարությանը միացած բոլոր կուսակցությունների խնդիրն է ամեն կերպ խոչընդոտել արձանագրությունների իրավական ուժ ստանալուն:    

«Հարկ է գիտակցել, որ սա իշխանության պայքար չէ: Անկախ քաղաքական նկատառումներից` մեզ միավորում է մեկ միասնական բարձր նպատակ՝ թույլ չտալ Հայաստանի շահերին հակասող արձանագրությունների ստորագրումը»,- ասաց Ռուստամյանը: -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։