485.16
+0.79
562.93
-1.22
8.23
-0.05
+11
Եղանակը Երևանում
Հայ
Հայաստանի նախագահը պետք է ավարտին հասցնի հայ-թուրքական հարաբերությունների կարգավորման վերաբերյալ իր որոշումը. հայ ձեռներեց
17:17
05 Հոկտեմբերի 2009

Չնայած սփյուռքի դիմակայությանը, Հայաստանի նախագահը պետք է ավարտին հասցնի իր որոշումը՝ հայ-թուրքական հարաբերությունների բարելավման վերաբերյալ, կարծում է ամերիկահայ ձեռներեց Վահագն Հովնանյանը։

«Չեմ կարծում, թե նախագահը պետք է փոխի իր որոշումը։ Նա պետք է ցույց տա ամբողջ աշխարհին, որ առաջնորդ է, և ավարտին հասցնի իր որոշումը։ Եվ դա ճիշտ է»,- երկուշաբթի լրագրողներին ասաց նա։

Հովնանյանը հավանություն տվեց Թուրքիայի հետ հարաբերությունների բարելավման ուղղությամբ նախագահի ծրագրերին, հավելելով, որ «մենք հարևաններ ենք, ցանկանանք, թե ոչ»։ Ինչ վերաբերում է Սարգսյանի համահայկական շրջայցի ընթացքում սփյուռքահայության բողոքի ակցիաներին, ապա, Հովնանյանի խոսքերով, դա նորմալ երևույթ է։

«Նորմալ երևույթ է։ Թուրքերը պետք է հասկանան, որ դա ազատության դրսևորում է։ Թուրքերը պետք է հասկանան, որ ոչ բոլորն են այդ հարցում սատարում նախագահին»,- ասաց նա։

Ըստ նրա, ճիշտ է, որ Սերժ Սարգսյանը մեկնել է սփյուռք, որպեսզի սփյուռքի ներկայացուցիչներին բացատրի  իր դիրքորոշումը։

Խոսելով Հայաստանի և սփյուռքի միջև հարաբերությունների հնարավոր վատացման մասին՝ Հովնանյանն ասաց, որ «ժամանակը լավագույն սպեղանին է»։

Նրա խոսքերով, նախագահ Սարգսյանի համահայկական շրջայցի ժամանակ սփյուռքի ներկայացուցիչների բողոքի ակցիաները ազդանշան են Թուրքիայի համար, որ Հայաստանի հետ հարաբերությունների բարելավումը չի նշանակում, «թե սփյուռքն ամեն ինչ մոռացել է»։

Հոկտեմբերի սկզբին ՀՀ նախագահը սկսեց իր մեկշաբաթյա համահայկական շրջայցը՝ հայ-թուրքական հարաբերությունների կարգավորման հարցի վերաբերյալ սփյուռքի կարծիքին և մոտեցումներին ծանոթանալու համար:

Ինչ վերաբերում է հայ-թուրքական արձանագրությունների ստորագրումից հետո Ցեղասպանության ճանաչման գործընթացին սպառնող հնարավոր վտանգին, Հովնանյանն ասաց, որ «սահմանների բացման հարցը և ցեղասպանության ճանաչումը երկու տարբեր խնդիրներ են»։ 

Օգոստոսի 31-ին Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դեպարտամենտը հայտարարեցին, որ պայմանավորվածություն է ձեռք բերվել քաղաքական խորհրդակցություններ սկսել բանակցությունների ընթացքում շվեյցարական միջնորդությամբ նախնական ստորագրած երկու արձանագրությունների` «Երկու երկրների միջև դիվանագիտական հարաբերությունների հաստատման մասին արձանագրության» և «Երկկողմ հարաբերությունների զարգացման մասին արձանագրության» շուրջ»:

Հայաստանի և Թուրքիայի միջև բացակայում են դիվանագիտական հարաբերությունները, իսկ 1993 թվականից պաշտոնական Անկարայի նախաձեռնությամբ փակվել է հայ-թուրքական սահմանը:

Թուրքիան առաջ է քաշում մի շարք նախապայմաններ՝ երկկողմ հարաբերությունների հաստատման համար, մասնավորապես, Հայաստանի կողմից Առաջին համաշխարհային պատերազմի տարիներին Օսմանյան կայսրությունում Հայոց ցեղասպանության միջազգային ճանաչման քաղաքականությունից հրաժարվելը, երբ սրի էր քաշվել շուրջ մեկուկես միլիոն հայ, Հայաստանի կողմից Թուրքիայի սահմանների ճանաչումը։

Հարաբերություններում առաջին տեղաշարժերը նկատվեցին 2008 թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։- 0-

Loading...
Թեմատիկ նյութեր
Բաժնի այլ նյութեր
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։