484.53
+0.08
528.09
+0.81
8.57
-0.08
+14
Եղանակը Երևանում
Հայ
ԵԱՀԿ ՄԽ համանախագահները հույս ունեն, որ Հայաստանի և Ադրբեջանի նախագահները կհամաձայնեն հանդիպել Քիշնևում
19:48
02 Հոկտեմբերի 2009

ԵՐԵՎԱՆ, 2 հոկտեմբերի. /Նովոստի-Արմենիա/. ԵԱՀԿ ՄԽ համանախագահները հույս ունեն, որ Հայաստանի և Ադրբեջանի նախագահները կհամաձայնեն հոկտեմբերի 8-ին հանդիպել Քիշնևում:

«Մենք հույս ունենք, որ Բաքվում, ինչպես և Երևանում կընդունվի հոկտեմբերի 8-ին՝ Քիշնևում ԱՊՀ ղեկավարների վեհաժողովի նախօրեին, երկու երկրների նախագահների հերթական հանդիպումը անցկացնելու մեր առաջարկը»,- ասել է Ղարաբաղյան հակամարտության հարցով ԵԱՀԿ ՄԽ ռուս համանախագահ Յուրի Մերզլյակովը:   

Նա նշել է, որ սովորականի նման Ստեփանակերտի ղեկավարության հետ քննարկվել են Լեռնային Ղարաբաղի հակամարտության կարգավորման հարցերը:  

«Քանի որ վերջին անգամ մենք այստեղ եղել ենք ընթացիկ տարվա մարտին, մեզ մոտ խոսակցության շատ թեմաներ են կուտակվել: Մասնավորապես, այս ընթացքում Ղարաբաղյան կարգավորման գործընթացում կայացել են ՀՀ և Ադրբեջանի նախագահների երեք կարևոր հանդիպումներ, գործընթացի դինամիկան դրական է եղել, այն պահպանվում է»,- ասել է Մերզլյակովը: 

Նրա խոսքերով, ԼՂՀ նախագահ Բակո Սահակյանը միջնորդներին պատմել է այն մասին, թե ինչպես է այս ընթացքում զարգացել իրավիճակը Լեռնային Ղարաբաղում, ինչպես նաև թե ինչպես են ընթանում տնտեսական ու սոցիալական ծրագրերը:    

«Սա շատ հետաքրքիր էր, և մենք պատրաստվում ենք շարունակել զրույցը այսօր երեկոյան: Մենք հույս ունենք, որ վաղը օրվա երկրորդ կեսին կվերադառնանք Երևան, հետո՝ հոկտեմբերի 4-ին, կմեկնենք Բաքու և այնտեղ հանդիպումից հետո, եթե հանդիպում անցկացնելու առաջարկն ընդունվի, մենք կմեկնենք Քիշնև՝ անցկացնելու երկու նախագահների հանդիպումը»,- ասել է ռուս համանախագահը:

Խոսելով Ղարաբաղը բանակցային գործընթացին միացնելու մասին՝ Մերզլյակովը նշել է, որ համանախագահները միշտ կարծել են, որ անպայման կգա այն պահը, երբ Ղարաբաղը կվերադառնա բանակցությունների սեղանի շուրջ: 

«Իմ կարծիքով, եթե դա ավելի վաղ տեղի չունենա, ապա տեղի կունենա այն ժամանակ, երբ համաձայնագիր կմշակվի, այսպես կոչված, մադրիդյան առաջարկների հիման վրա»,- ասել է նա:

«Սա համաձայնագիր կլինի Ղարաբաղյան հակամարտության խաղաղ կարգավորման մասին, և, իհարկե, այնտեղ, որտեղ խոսքը ԼՂՀ բնակչության ու կարգավիճակի մասին է, Լեռնային Ղարաբաղի ներկայացուցիչների մասնակցությունը պարտադիր կլինի»,- ընդգծել է Մերզլյակովը:

Ընդ որում նա ասել է, թե որ կետերն են արդեն համաձայնեցված՝ նշելով, որ բանակցային գործընթացը դեռ ընթանում է, այն ավարտված չէ: «Քանի դեռ ամեն ինչ համաձայնեցված չէ, այդ մասին խոսելը վաղ է: Շատ բան չի մնացել»,- նշել է Մերզլյակովը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրեցին նրան, որ վերացավ հսկողությունը ոչ միայն Լեռնային Ղարաբաղում, այլև հարակից յոթ շրջանում:

1994թ. մայիսի 12-ին զինադադարի վերաբերյալ կնքված եռակողմ համաձայնագրից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ մահացավ շուրջ 25-30 հազար մարդ, և մոտ մեկ միլիոնն ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվայանից ի վեր հակամարտության խաղաղ կարգավորման ուղղությամբ բանակցություներ են տարվում ԵԱՀԿ Մինսկի խմբի շրջանակներում, որոնց համանախագահներն են ԱՄՆ-ն, Ռուսաստանը և Ֆրանսիան:-0-

Loading...
Թեմատիկ նյութեր

Բաժնի այլ նյութեր
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։