486.67
+0.35
520.49
+1.39
8.22
+0.01
-2
Եղանակը Երևանում
Հայ
Հայ-թուրքական հարաբերությունների կարգավորումը կասկածի տակ չի դնի Հայոց ցեղասպանության փաստն ու կախված չի լինի ղարաբաղյան հակամարտության կարգավորումից
13:30
01 Հոկտեմբերի 2009

Հայ-թուրքական հարաբերությունների կարգավորումը կասկածի տակ չի դնի Հայոց ցեղասպանության փաստն ու կախված չի լինի ղարաբաղյան հակամարտության կարգավորումից, հայտարարեց ՀՀ ԱԳ նախարար Էդվարդ Նալբանդյանը:

«Ազգային ժողովի ամբիոնից ես ցանկանում են պատասխանել վերջերս հնչող մեղադրանքներին: Կա՞ն, արդյոք, հայ-թուրքական հարաբերությունների կարգավորման գործընթացի նախապայմաններ: Ոչ և կրկին ոչ: Կասկածի տակ դրվու՞մ է Հայոց ցեղասպանության փաստը: Ոչ և կրկին ոչ: Կապ կա՞ ղարաբաղյան հակամարտության հետ: Ոչ և կրկին ոչ», - ասաց Նալբանդյանը հինգշաբթի «Նախաստորագրված արձանագրությունները և Հայաստան-Թուրքիա հարաբերությունների կարգավորման գործընթացը» թեմայով խորհրդարանական լսումների ժամանակ:

Նախարարը հիշեցրեց, որ բազմաթիվ անգամ այս հարցերին պատասխանել է Հայաստանի նախագահը՝ նշելով, որ Հայաստանը չի քննարկում Հայոց ցեղասպանության փաստն ու կասկածի տակ չի դնում Լեռնային Ղարաբաղի միջազգային ճանաչման գործընթացը:

Նալբանդյանի կարծիքով, Հայոց ցեղասպանության հարցը քննարկվում է ոչ թե հայ-թուրքական հարաբերությունների համատեքստում, այլ համամարդկային արժեքների տեսանկյունից:

Նախարարը նաև արհեստական է համարում այն տեսակետը, ըստ որի՝ վերջին ժամանակներում ցեղասպանության հարցը քննարկվում է միայն հայ-թուրքական երկկողմ հարաբերությունների տեսանկյունից և կորցրել է իր համամարդկային նշանակությունը:

«Այն, որ ընթանում է հայ-թուրքական հարաբերությունների կարգավորման գործընթացը, չի նշանակում, որ հայ ժողովուրդը կորցնում է արդարության իրավունքը», - ասաց նա:

Նալբանդյանը նշեց, որ նախաստորագրված արձանագրություններում որևէ հիշատակում չկա ղարաբաղյան հակամարտության մասին, ինչի մասին նախօրեին հիշեցրել է նաև ՀՀ նախագահ Սերժ Սարգսյանը Հանրային խորհրդի հետ քննարկումների ժամանակ:

ՀՀ ԱԳ նախարարը նշեց, որ Հայաստանն անկախության ձեռքբերման պահից պատրաստ էր Թուրքիայի հետ հարաբերություններ հաստատել առանց նախապայմանների և այժմ իրագործում է իր այդ ձգտումը:

Նախարարի կարծիքով, հայ-թուրքական հարաբերությունները դուրս են գալիս միջպետական շրջանակներից և իրենց մեջ ընդգրկում են մշակութային, պատմական, բարոյական և հոգեբանական ասպեկտներ, սակայն միաժամանակ Նալբանդյանը հիշեցրեց ղարաբաղյան հակամարտության կարգավորման հարցում Թուրքիայի ադրբեջանամետ քաղաքականությունը:

Հայ-թուրքական հարաբերությունների վերաբերյալ խորհրդարանական լսումները նպատակ ունեն քաղաքական և հասարակական կազմակերպությունների, քաղաքական հետազոտական կենտրոնների ներկայացուցիչների և փորձագետների մասնակցությամբ բազմակողմանի քննարկում իրականացնել հրապարակված փաստաթղթերի հիման վրա Հայաստանի և Թուրքիայի միջև նախաձեռնվող գործընթացի վերաբերյալ:

Հայաստանի և Թուրքիայի միջև բացակայում են դիվանագիտական հարաբերությունները, իսկ 1993 թվականից պաշտոնական Անկարայի նախաձեռնությամբ փակվել է հայ-թուրքական սահմանը:

Թուրքիան առաջ է քաշում մի շարք նախապայմաններ՝ երկկողմ հարաբերությունների հաստատման համար, մասնավորապես, Հայաստանի կողմից Առաջին համաշխարհային պատերազմի տարիներին Օսմանյան կայսրությունում Հայոց ցեղասպանության միջազգային ճանաչման քաղաքականությունից հրաժարվելը, երբ սրի էր քաշվել շուրջ մեկուկես միլիոն հայ, Հայաստանի կողմից Թուրքիայի սահմանների ճանաչումը։

Հարաբերություններում առաջին տեղաշարժերը նկատվեցին 2008 թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները:

Օգոստոսի 31-ին Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դեպարտամենտը հայտարարեցին, որ պայմանավորվածություն է ձեռք բերվել քաղաքական խորհրդատվություններ սկսել բանակցությունների ընթացքում շվեյցարական միջնորդությամբ նախնական ստորագրած երկու արձանագրությունների` «Երկու երկրների միջև դիվանագիտական հարաբերությունների հաստատման մասին արձանագրության» և «Երկկողմ հարաբերությունների զարգացման մասին արձանագրության» շուրջ:

Ներքաղաքական խորհրդատվությունները կավարտվեն վեց շաբաթվա ընթացքում, ինչից հետո երկու արձանագրություն կստորագրվի և կներկայացվի համապատասխան խորհրդարաններին վավերացման համար:

Հայաստանի խորհրդարանում ներկայացված հինգ կուսակցությունից հայ-թուրքական արձանագրություններին աջակցել են իշխող կոալիցիայի կազմի մեջ մտնող քաղաքական ուժերը՝ Հայաստանի Հանրապետական կուսակցությունը, «Բարգավաճ Հայաստան» և «Օրինաց Երկիր» կուսակցությունները:

Արձանագրությունների ստորագրմանը դեմ են կոալիցիայից դուրս եկած Դաշնակցությունը, որը համաձայն չէ թուրքական հարցում երկրի ղեկավարության վարած քաղաքականությանը, և մինչ վերջերս ՀՀ խորհրդարանում միակ ընդդիմադիր «Ժառանգություն» խմբակցությունը:

Անկարան արդեն հայտարարել է, որ Թուրքիայի և Հայաստանի միջև դիվանագիտական կապերի հաստատման մասին համաձայնագիրը կստորագրվի հոկտեմբերի 10-ին:

Գյուլը հրավիրել է Սարգսյանին 2009 թ.-ի հոկտեմբերի 14-ին այցելել Թուրքիա՝ երկու երկրի ֆուտբոլային հավաքականների միջև պատասխան խաղը դիտելու նպատակով: Սակայն Սարգսյանը վերջերս հայտարարել է այն պայմանները, որոնց դեպքում նա կընդունի իր թուրք գործընկերոջ հրավերը և կմեկնի Թուրքիա-Հայաստան ֆուտբոլային հանդիպումը դիտելու՝ բաց սահմանի կամ Թուրքիայի կողմից Հայաստանի ապաշրջափակման դեպքում:-0-

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։