481.73
+0.23
568.97
+3.45
8.37
-0.02
+7
Եղանակը Երևանում
Հայ
Ռուսաստանը Հայաստանի ռազմավարական դաշնակիցն ու հուսալի գործընկերն է. նախագահ Սարգսյան
16:47
16 Սեպտեմբերի 2009

Ռուսաստանը Հայաստանի ռազմավարական դաշնակիցն ու հուսալի գործընկերն է, չորեքշաբթի ասաց ՀՀ նախագահ Սերժ Սարգսյանը Ուլյանովսկի մարզի նահանգապետ Սերգեյ Մորոզովի հետ հանդիպման ժամանակ:

Մորոզովի գլխավորած պատվիրակությունը Հայաստան է ժամանել Շիրակի մարզի հետ հաստատված փոխգործակցության շրջանակում:

«Ռուսաստանը Հայաստանի ռազմավարական դաշնակիցն է, հուսալի գործընկերը, և մենք շահագրգռված ենք բոլոր ուղղություններով մեր հարաբերությունների զարգացմամբ»,- նախագահ Սարգսյանի խոսքերը մեջբերեցին երկրի ղեկավարի մամուլի ծառայությունից:
 
Երկրի ղեկավարը միջմարզային փոխգործակցությունը համարել է երկկողմ կապերի կարևոր բաղկացուցիչը:

«Պատահական չէ, որ ես սկսել եմ Ռուսաստանի Դաշնության սուբյեկտներ այցելությունների շարք: Նման այցերը մեծ ներուժ ունեն հայ-ռուսական տնտեսական կապերը խթանելու առումով, նաև լուրջ ազդակ են մեր հայրենակիցներին ոգևորելու և Հայաստանի հետ նրանց կապն ամրապնդելու համար»,- ընդգծել է նախագահը:

Հանրապետության նախագահը հատկապես կարևորել է Շիրակի մարզի հետ գործակցությունը և ընդգծել, որ մարզի զարգացումն առաջնահերթություն է նաև կառավարության համար:

Նշելով, որ դեռևս չի հաջողվել լիովին հաղթահարել 1988թ. ավերիչ երկրաշարժի հետևանքները, Սերժ Սարգսյանն ասել է, որ Հայաստանը շնորհակալ է բոլոր նրանց, ովքեր օգնել են և այսօր էլ շարունակում են աջակցության ձեռք մեկնել:

Իր հերթին նահանգապետ Մորոզովը տեղեկացրել է, որ իր հետ Հայաստան են ժամանել երկրաշարժից անմիջապես հետո աղետյալներին օգնության շտապելիս ավիավթարի ենթարկված օդաչուների հարազատները: «Մենք երախտապարտ ենք ու զգացված զոհված օդաչուների հիշատակի նկատմամբ դրսևորվող վերաբերմունքից»,- ասաց Մորոզովը:

Խոսելով փոխգործակցության հեռանկարի մասին` կողմերն առաջնային են համարել տնտեսական առկա ներուժի համադրումը, մտքեր են փոխանակել գործակցության հնարավոր ուղղությունների, տարբեր ոլորտներ ընդգրկող կոնկրետ ծրագրերի շուրջ:

Նախագահ Սարգսյանը դրանց իրագործումը կարևոր է համարել նաև նոր աշխատատեղերի ստեղծման և մարզում զբաղվածության խնդրի լուծման տեսանկյունից:

Սերգեյ Մորոզովը նշել է, որ Ուլյանովսկի մարզում բնակվում են 15000 հայեր, և բարձր է գնահատել նրանց ներդրումը մարզի սոցիալ-տնտեսական զարգացման, մշակութային կյանքի հարստացման գործում:

Նա ասել է, որ մտադիր են հաջորդ տարի մարզում կառուցել հայկական ազգային-մշակութային խոշոր կենտրոն, իրականացնել կրթական ծրագրեր:

Նահանգապետը հրավիրել է Հայաստանի նախագահին` այցելելու Ուլյանովսկի մարզ:-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: