487.29
-0.01
568.08
+2.76
8.23
+0.01
+13
Եղանակը Երևանում
Հայ
Հայաստանի հանրային հեռուստաընկերությունը նոր եթերաշրջանում կմաքրի եթերն ու շեշտը կդնի հայկական ֆիլմերի վրա
13:49
16 Սեպտեմբերի 2009

Հայաստանի հանրային հեռուստաընկերությունը նոր եթերաշրջանում կմաքրի եթերն ու շեշտը կդնի հայկական ֆիլմերի և սերիալների վրա, երեքշաբթի մամուլի ասուլիսի ժամանակ ասել է Հայաստանի հանրային հեռուստառադիոընկերության խորհրդի (ՀՀՀՌԸԽ) նախագահ Ալեքսան Հարությունյանը:

Նա հիշեցրել է, որ 2008 թ.-ի սեպտեմբերից ՀՀՀ-ն ղեկավարվում էր նոր տիպի հեռուստատեսության անցնելու նոր քաղաքականությամբ:

«Եթե մինչ այդ մենք այնքան էլ չէինք տարբերվում մասնավոր հեռուստաալիքների ոլորտում գործող ալիքներից և խնդիր էինք դնում ամեն գնով զբաղեցնել առաջին տեղը, ապա այժմ երկու տարվա ընթացքում մենք ծրագրում ենք եթերից բացառել «աղբը» ՝պահպանելով առաջատար դիրքերն ու շեշտը դնելով արտադրանքի որակի վրա», - ասել է Հարությունյանը:

Նա նշել է, որ նոր եթերաշրջանում ալիքը հրաժարվել է լատինաամերիկյան սերիալներից, և ծրագրվում է հրաժարվել նաև էժանագին հայկական սերիալներից:

Նրա խոսքերով՝ նոր եթերաշրջանում հեռուստադիտողին կներկայացվեն նոր գեղարվեստական ֆիլմեր և 5-25 սերիայից բաղկացած մինի-սերիալներ:

Նախատեսված են նաև հանրային բնույթի մի շարք հեռուստահաղորդումներ, որոնք անդրադառնալու են այնպիսի ոլորտների, ինչպիսիք են պատմությունը, մշակույթը, առողջապահությունը, հաղորդումներ երիտասարդների և ընտանիքի համար: Ծրագրվում է նաև անցկացնել բանավիճային հաղորդումներ:

«Ինչ վերաբերում է գեղարվեստական ֆիլմերին, ապա շուտով հեռուստաէկրաններին կհայտնվի «Սպանված աղավնի» ֆիլմը, որն արդեն սահմանել է բոլոր ռեկորդները: Սեպտեմբերի 28-ից եթեր դուրս կգա Էրիխ Մարիա Ռեմարկի «Երեք ընկեր» ստեղծագործության հիման վրա նկարահանված 20-սերիանոց ֆիլմը», - ասել է Հարությունյանը:

Աշխատանքներ են գնում նաև Րաֆֆու «Խաչագողի հիշատակարանը» ստեղծագործության հիման վրա նկարահանվող ֆիլմի վրա, որը ֆինանսավորում է հայ ձեռներեց Հրանտ Վարդանյանը:

Ֆիլմի նկարահանումները ծրագրվում է սկսել մոտ ժամանակներս և ավարտել մինչ տարեվերջ ինչպես կինոյի, այնպես էլ հեռուստատարբերակի պարագայում:

Ծրագրվում է նաև ցուցադրել մի շարք վավերագրական ֆիլմեր, որոնցից առաջինը ՝ «Կիլիկյան թագավորության ֆենոմենը», կցուցադրվի սեպտեմբերի 21-ին: Ֆիլմը բաղկացած է հինգ 30-րոպեանոց մասերից և նկարահանվել է պատմական Կիլիկիայի տարածքում:

Նա նաև տեղեկացրել է, որ նկարահանվում են նաև այլ վավերագրական ֆիլմեր, մասնավորապես, ավարտվում են «Արամ Մանուկյան» ֆիլմի աշխատանքները, որը ծրագրվում է եթեր հանել աշնանը, նկարահանվում է նաև Հայաստանի նորագույն պատմության մասին պատմող ֆիլմերի շարք, որը կանդրադառնա Հայաստանին վերաբերող 20-րդ դարի պատմական կարևորագույն իրադարձություններին, ինչպես նաև ծրագրվում է ցուցադրել Արևմտյան Հայաստանի մասին պատմող Ժիրայր Դադասյանի ֆիլմը, նաև Սամվել Կարապետյանի «Ջուղայի խաչքարերը» ֆիլմը:

«Սկսած սեպտեմբերի վերջից ՀՀՀ-ն ամեն օր կցուցադրի Ազգային կինոկենտրոնի ֆիլմերի, այդ թվում նաև մուլտֆիլմեի պրեմիերաներ», - ասել է Հարությունյանը:

Նրա խոսքերով՝ երեխաների համար կցուցադրվեն Ռոբերտ Սահակյանցի նոր մուլտֆիլմերը, Երվանդ Մանարյանի «Սասունցի Դավիթ» լիամետրաժ մուլտֆիլմը, ինչպես նաև այլ մուլտիպլիկատորների աշխատանքներ:

Բացի այդ, կշարունակվի ցուցադրվել «Գժուկ» հեռուստահաղորդումը:

«Մենք մտադիր ենք շեշտը դնել կենցաղային սերիալների վրա, որոնք չեն պարունակի ոչ քրեական տարրեր, ոչ ժարգոն, այլ հիմնված կլինեն կենցաղային պատմությունների և լավ դրամատուրգիայի վրա», - ասել է Հարությունյանը:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։