+9
Եղանակը Երևանում
Հայ
ԵԽԽՎ-ն մոնիտորինգային հանձնաժողովի նիստերում չի ցանկանում քննարկել Հայաստանի վերաբերյալ որևէ հարց՝ ներառյալ հայ-թուրքական արձանագրությունների ստորագրումը. «Ժառանգություն»
17:52
15 Սեպտեմբերի 2009

Եվրոպայի Խորհուրդը մոնիտորինգային հանձնաժողովի նիստերում չի ցանկանում քննարկել Հայաստանի վերաբերյալ որևէ հարց՝ ներառյալ հայ-թուրքական արձանագրությունների ստորագրումը, կարծում է «Ժառանգություն» խմբակցության պատգամավոր Զարուհի Փոստանջյանը:

«ԵԽԽՎ-ն որոշել է չմիջամտել Հայաստանին վերաբերող որևէ հարցի, որպեսզի հնարավորություն տա իշխանություններին ստորագրել արձանագրությունները»,- երեքշաբթի մամուլի ասուլիսում ասաց Փոստանջյանը` ընդգծելով, որ ներկա տեսքով «Ժառանգություն» կուսակցության համար հայ-թուրքական հարաբերությունների կարգավորման արձանագրություններն անընդունելի են:

Փոստանջյանը նշեց, որ ԵԽԽՎ մոնիտորինգային հանձնաժողովի ղեկավարի հրավերով ինքն անձամբ երկու անգամ մասնակցել է հանձնաժողովի նիստերին «Դաշնակցություն» կուսակցության ներկայացուցիչի հետ միասին, որպեսզի հնարավորություն ունենա կարծիք արտահայտել Հայաստանի կողմից Վեհաժողովի բանաձևերի կատարման վերաբերյալ:

«Այս անգամ ես նամակ եմ ստացել ԵԽԽՎ մոնիտորինգային հանձնաժողովի նախագահից այն մասին, որ հանձնաժողովը չունի «Ժառանգություն» կուսակցության ներկայացուցչի մասնակցության կարիքը, քանի որ ընդդիմությունից ներկա է «Դաշնակցություն» կուսակցության ներկայացուցիչը»,- հայտնեց Փոստանջյանը: 
 
Բացի այդ, ըստ նրա, պարզվել է, որ Հայաստանին վերաբերող, մասնավորապես, ԵԽԽՎ բանաձևերի կատարման հարցերը, հանված են օրակարգից:

Փոստանջյանը հայտնեց, որ ԵԽԽՎ մարդու իրավունքների հանձնաժողովի կողմից ընդունվել է միայն Թուրքիայում բնակվող քրիստոնյաների իրավունքների բանաձևերի նախագիծը, որտեղ անուղղակիորեն անդրադարձ է կատարվել նաև հայերի իրավունքներին, որն էլ ընդգրկվել է լիագումար նիստի օրակարգում:

«Սակայն հետագայում պարզվել է, որ այդ հարցն էլ հանվել է օրակարգից»,- տեղեկացրեց պատգամավորը:

ԵԽԽՎ մոնիտորինգային հանձնաժողովի նիստը տեղի է ունեցել սեպտեմբերի 9-ին՝ Փարիզում:

Իր հերթին «Ժառանգություն» խմբակցութոյան ղեկավար Ստեփան Սաֆարյանը նշեց, որ կուսակցությունը դիմել է Հայաստանի Ազգային Ժողովի արտաքին կապերի մշտական հանձնաժողով` հայ-թուրքական հարաբերությունների վերաբերյալ խորհրդարանական լսումների կազմակերպման նպատակով, ինչպես նաև Հայաստանի Ազգային անվտանգության խորհրդի քարտուղար Արթուր Բաղդասարյանին՝ կոչ անելով քննարկել այդ հարցը ոչ միայն մամուլի ասուլիսներում և ԶԼՄ-ների միջոցով, այլ նաև պետական կառույցներում:

Սաֆարյանի խոսքերով` ուժի մեջ է մնում «Ժառանգություն» կուսակցության պահանջը արձանագրությունների վերաբերյալ, որի համաձայն` այդ խնդրով պետք է արտահայտվի ինքը` հասարակությունը հանրաքվեի միջոցով: Ըստ նրա` անհրաժեշտ է նկատի առնել նաև սփյուռքի կարծիքը: --0--

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: