486.78
+0.12
515.5
+2.27
8.41
+0.01
-2
Եղանակը Երևանում
Հայ
Հայ-թուրքական սահմանի բացման դեպքում կվերականգնվի Հայաստանի՝ որպես տարանցիկ երկրի պատմական դերը. ՀԱՁՄ
16:14
11 Սեպտեմբերի 2009

ԵՐԵՎԱՆ, 11 սեպտեմբերի. /Նովոստի-Արմենիա/. Հայ-թուրքական սահմանի բացման դեպքում կվերականգնվի Հայաստանի՝ որպես տարանցիկ երկրի պատմական դերը, ասաց Հայաստանի արդյունաբերողների և ձեռներեցների միության նախագահ Արսեն Ղազարյանը։

Օգոստոսի 31-ին Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դեպարտամենտը հայտարարեցին, որ պայմանավորվածություն է ձեռք բերվել քաղաքական խորհրդատվություններ սկսել բանակցությունների ընթացքում շվեյցարական միջնորդությամբ նախնական ստորագրած երկու արձանագրությունների` «Երկու երկրների միջև դիվանագիտական հարաբերությունների հաստատման մասին արձանագրության» և «Երկկողմ հարաբերությունների զարգացման մասին արձանագրության» շուրջ»: Ներքաղաքական խորհրդատվությունները կավարտվեն վեց շաբաթվա ընթացքում, ինչից հետո երկու արձանագրություն կստորագրվի և կներկայացվի համապատասխան խորհրդարաններին վավերացման համար:

«Հայաստանը միշտ միջազգային առևտրի ուղիների խաչմերուկ է եղել, և ոչ ուշ  հեռանկարում հայ-թուրքական սահմանի բացումից հետո որպես հաջորդ քայլ ես տեսնում եմ ընդհանուր առմամբ բոլոր սահմանների ներդաշնակ բացումը և հարևան շուկաների տարանցիկ սպասարկումը»,- ուրբաթ լրագրողներին ասաց Ղազարյանը։

Այս կապակցությամբ նա ավելացրեց, որ շնորհիվ տարանցիկ փոխադրման` «հարևան Վրաստանն այս տարի մեր հաշվին ապահովում է իր բյուջեի 40-50 տոկոսը»։

Խոսելով այն ոլորտների մասին, որոնք առավել հեռանկարային են երկկողմ և տարածաշրջանային համագործակցության համար, ՀԱՁՄ ղեկավարն ասաց, որ հայ-թուրքական սահմանի բացումը կնպաստի Հայաստանից Թուրքիայի միջով դեպի Միջերկրական ծով, իսկ այնտեղից՝ նշանակման կետ ապրանքների որոշակի խմբերի փոխադրման տրանսպորտային պայմանների բարելավմանը։ 

«Որոշ ապրանքախմբերի համար տրանսպորտային ծախսերը կնվազեն 20-25 տոկոսով»,- ընդգծեց նա։ Բացի այդ, Ղազարյանի խոսքերով, որոշակիորեն աշխուժանում է սահմանամերձ առևտուրը Գյումրիից և Արմավիրից մինչև Կարս և Իգդիր, ինչը կհանգեցնի նոր աշխատատեղերի ստեղծմանը։

«Մենք կունենանք նաև լուրջ համատեղ ծրագրեր իրականացնելու հնարավորություններ, այդ թվում՝ էներգետիկայի ոլորտում։ Մեր երկու ցեմենտի հսկաները, որոնք ներկայումս, ես համոզված եմ, աշխատում են ոչ ամբողջ հզորությամբ, կկարողանան բավարարել թուրքական ինդուստրիայի պահանջարկը»,- ասաց նա։

Ղազարյանը նաև լուրջ ծրագրերի իրագործում է ակնկալում տրիկոտաժի արդյունաբերությունում։ Այդ կապակցությամբ նա նշեց, որ բանակցություններ են տարվում թուրքական խոշոր ձեռնարկությունների հետ Հայաստան հումք ներմուծելու և արտադրություն կազմակերպելու ուղղությամբ։  

«Սպիտակում արդեն գործում է ընկերություն թուրքական կապիտալով, իսկ այս տարվա մարտին մենք Ստամբուլում հանդիպել ենք Տրիկոտաժի ասոցիացիայի ներկայացուցիչների հետ և ստեղծել երկկողմ համաձայնագրի ստորագրումը պատրաստող պայմաններ»,- պարզաբանեց նա։

ՀԱՁՄ ղեկավարը նաև համագործակցության հեռանկար է տեսնում գյուղատնտեսական արտադրանքի վերամշակման գծով, առողջապահության ոլորտում, այդ թվում՝ կիրառական մաթեմատիկայի և տեղեկատվական տեխնոլոգիաների ոլորտներում։

Խոսելով Թուրքիա հայկական արտադրանքի արտահանման հնարավորությունների մասին՝ Ղազարյանը նշեց, որ այդ երկիր կարելի է ներմուծել այնպիսի ապրանքներ, ինչպիսիք են հայկական հանքային ջուրը, լիմոնադը և գարեջուրը։

«Լեռնահանքային հումքի մի մասը, վստահ եմ, կմշակվի Կեսարիայի տարածքում գտնվող խոշոր մետաղագործական ձեռնարկություններում»,- ընդգծեց նա։

Ներկայումս Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Հարաբերություններում առաջին տեղաշարժերը նկատվեցին 2008թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։  Հանդիպման ավարտից հետո Թուրքիայի նախագահը հրավիրել է իր հայ գործընկերոջ Թուրքիա ներկա գտնվելու 2009 թ.- հոկտեմբերի 14-ին կայանալիք երկու երկրների ֆուտբոլի հավաքականների պատասխան խաղին:-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։