480.74
+0.03
511.65
+0.46
7.48
-0.03
+6
Եղանակը Երևանում
Հայ
Հնդկաստանում Հայաստանի դեսպանն իր դիվանագիտական առաքելության ավարտի կապակցությամբ հանդիպում է ունցել հնդկական ղեկավարության հետ
16:56
31 Օգոստոսի 2009

Հնդկաստանում դիվանագիտական առաքելությունն ավարտող Հայաստանի դեսպան Աշոտ Քոչարյանը հրաժեշտի հանդիպումներ է ունեցել երկրի բարձրաստիճան պաշտոնյաների հետ, «Նովոստի-Արմենիա» գործակալությանը հայտնեցին Հայաստանի ԱԳՆ մամուլի ծառայությունից։  

 

Ինչպես նշվում է հաղորդագրության մեջ, հանդիպումն անցկացվել է Լոք Սաբհայի նախագահ տիկին Մեյրա Կումարի, Հնդկաստանի փոխնախագահ Համիդ Անսարիի, Դելիի գլխավոր նախարար Շեյլա Դիքշիթի, ԱԳ պետնախարար տիկին Մահարանի Պրինիտ Կաուրի և ԱԳ նախարարի տեղակալ, հայ-հնդկական միջկառավարական հանձնաժողովի նախագահ Նիլիկանտան Ռավիի հետ:

Հայաստանի դեսպանն ընդգծել է, որ Հնդկաստանից վերադառնում է ջերմ հուշերով, և որ Հայաստանը չափազանց կարևորում է Հնդկաստանը` որպես մեծ ներուժ ունեցող պետություն:

Աշոտ Քոչարյանը երախտագիտություն է հայտնել հնդկական կողմին իր առաքելության ժամանակ ցուցաբերած աջակցության համար:

Դեսպանը նշել է, որ վերջին տարիների ընթացքում երկկողմ հարաբերություններում իրականացվել են բազմաթիվ ծրագրեր գյուղատնտեսության, բարձր տեխնոլոգիաների, կրթական, քիմիական արդյունաբերության և այլ ոլորտներում, տեղի են ունեցել բարձրաստիճան պատվիրակությունների փոխայցելություններ, մի քանի անգամ ավելացել են ապրանքաշրջանառության ծավալները:

Նրա խոսքերով, Հնդկաստանը և Հայաստանը փոխշահավետ և սերտ համագործակցություն են իրականացրել միջազգային ատյաններում: Սերտ և բարեկամական հարաբերությունների շնորհիվ Դելիում անցկացվել են հայկական արվեստի շաբաթներ, հայ-հնդկական միջկառավարական հանձնաժողովի նիստը, հայ-հնդկական բիզնես ֆորում, շախմատի երիտասարդական հավաքականների մրցաշար, բացվել է Հայաստանի փողոցը:

Դեսպանը հույս է հայտնել, որ հետագայում ևս կշարունակվի դինամիկ և հետևողական փոխգործակցություն տարբեր ոլորտներում:

Կարևորելով հնդկահայ համայնքի դերը երկկողմ հարաբերությունների ամրապնդման գործում` Աշոտ Քոչարյանը բարձր է գնահատել Հնդկաստանի իշխանությունների ուշադրությունը և հոգատար վերաբերմունքը հայկական համայնքի և Հնդկաստանում գտնվող հայկական պատմամշակութային հուշարձանների հանդեպ:

Իր հերթին, խորհրդարանի նախագահ Մեյրա Կումարն ընդգծել է դարավոր պատմություն ունեցող հայ-հնդկական հարաբերությունների փաստը: Նա նշել է, որ Հայաստանը հարուստ մշակույթով երկիր է և  կարևորել  մշակութային և կրթական փոխանակումների անհրաժեշտությունը:

Կումարը բարձր է գնահատել Հայաստանի բարձրագույն կրթության մակարդակը` կարևորելով հնդիկ ուսանողների ուսումնառությունը Երևանի պետական բժշկական համալսարանում:

Դեսպանը Մեյրա Կումարին է հանձնել ՀՀ Ազգային ժողովի նախագահի շնորհավորական նամակների բնօրինակները Հնդկաստանի Անկախության օրվա և Լոք Սաբհայի նախագահի պաշտոնում ընտրվելու կապակցությամբ:

Հանդիպումների ընթացքում հնդկական կողմը նշել է, որ Աշոտ Քոչարյանը ՀՀ դեսպանի պաշտոնում իր գործունեության ընթացքում զգալի նպաստ է բերել հայ-հնդկական հարաբերությունների զարգացման գործում: Ընդգծվել է, որ Հնդկաստանի ղեկավարությունն ուշադրության կենտրոնում է պահում Հայաստանի հետ հարաբերությունները` կարեւորելով երկկողմ տնտեսական համագործակցության խորացումը:

«Հայդերաբադ Հաուս» պաշտոնական ընդունելությունների տանը ՀՀ դեսպանի պատվին Հնդկաստանի արտգործնախարարությունը կազմակերպել է պաշտոնական ճաշ, որին ներկա են գտնվել Հնդկաստանի ԱԳՆ բարձրաստիճան պաշտոնյաներ,

Նյու-Դելիում հավատարմագրված դիվանագիտական ներկայացուցչությունների ղեկավարներ, Հնդկաստանի հասարակական-քաղաքական շրջանակների ներկայացուցիչներ:

Հնդկաստանի նախագահ Պրատիբհա Պատիլի նստավայրում անցկացված ընդունելության ժամանակ Հայաստանի դեսպանը կարճատև զրույց է ունեցել վարչապետ Մանմոհան Սինգհի հետ և փոխանցել ՀՀ ղեկավարության ջերմ շնորհավորանքներն ու բարեմաղթանքները երկրի Անկախության օրվա կապակցությամբ: -0-

Loading...
Թեմատիկ նյութեր
Բաժնի այլ նյութեր
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ:
14:24
28 Նոյեմբերի 2016
Հայաստանի բնակչությունը կզգա նախագահի և վարչապետի համագործակցության արդյունքը
Հայաստանի բնակչությունը որոշ ժամանակ հետո կզգա ՀՀ նախագահ Սերժ Սարգսյանի և վարչապետ Կարեն Կարապետյանի համագործակցության արդյունքը, երկուշաբթի լրագրողներին ասաց ՀՀԿ փոխնախագահ Արմեն Աշոտյանը։
19:37
26 Նոյեմբերի 2016
Հայաստանի քաղաքական ուժերը կհամախմբվեն խորհրդարանական ընտրությունների նախաշեմին. պատգամավոր
Հայաստանի քաղաքական ուժերը խորհրդարանական ընտրությունների նախաշեմին կհամախմբվեն:
15:18
26 Նոյեմբերի 2016
ՀՀԿ–ում կլինի առաջին փոխնախագահի պաշտոն և Ավագանու խորհուրդ
Առաջին փոխնախագահի պաշտոն կգործարկվի ՀՀԿ–ում, շաբաթ օրը լրագրողներին ասաց ՀՀ արդարադատության նախարար, ՀՀԿ անդամ Արփինե Հովհաննիսյանը։