480.39
+0.17
536.6
+0.48
8.07
+0.03
+17
Եղանակը Երևանում
Հայ
Ճանաչված հայ գեղանկարիչ Մինասի որմնանկարը վերականգնվել ու տեղադրվել է իր հայրենի գյուղի թանգարանում
14:43
28 Օգոստոսի 2009

ԵՐԵՎԱՆ, 28 օգոստոսի. /Նովոստի-Արմենիա/. Ճանաչված հայ գեղանկարիչ Մինասի «Թորոս Ռոսլինի ծնունդը» որմնանկարը, որը խիստ վնասվել էր 1988թ.-ի երկրաշարժից, արդեն վերականգնվել է իտալացի մասնագետների կողմից ու տեղադրվել Շիրակի մարզի իր հայրենի Ջաջուռ գյուղի թանգարանում:

Ինչպես «Նովոստի» միջազգային մամուլի կենտրոնում ասուլիսի ժամանակ հայտնեց Ջաջուռում Մինասի թանգարանի տնօրեն, նկարչի որդի Արման Ավետիսյանը, վերականգնումը մեկ տարի է տևել ու ավարտվել այս շաբաթ:  

Ավետիսյանի խոսքերով, վերականգնումը տեխնիկապես բավականին բարդ գործընթաց է եղել՝ հաշվի առնելով որմնանկարի չափսերն ու վնասվածության աստիճանը:

«Տեմպերայով արված որմնանկարները չէին կարող չտուժել երկրաշարժից հետո: «Թորոս Ռոսլինի ծնունդը» վնասվել էր 20 տոկոսով: Վերականգնողներն իսկապես հսկայածավալ աշխատանք են արել»,- ասաց Թանգարանի տնօրենը:  

Ավետիսյանն ընդգծեց, որ նկարչի ևս 8 որմնանկար փրկության կարիք ունի: Իտալացի մասնագետ Լորենցո Կասամենտիի խոսքերով, վերականգնման ժամանակ հատկապես դժվար էին գույների հետ կապված մասերը:

«Մինասն օգտագործել է լույսի և ստվերի գունային այնպիսի համադրություններ, որոնք հատուկ են միայն մեծ նկարիչներին և շատ դժվար էր վերարտադրել: Բայց մենք գոհ ենք մեր աշխատանքից»,- ասաց Կասամենտին:

Իր հերթին, ՀՀ Մշակույթի նախարարի խորհրդական Սոնա Հարությունյանը հայտնեց, որ վերականգնման ֆինանսավորումը, որը շուրջ 10 մլն դրամ է կազմել, իր վրա է վերցրել ՀՀ կառավարությունն ու Մշակույթի նախարարությունը:

2008 թ.-ի հունիսին Հայաստան են ժամանել ֆլորենտինական «Պալացո Սպինելի» Արվեստների ու վերականգնման ինստիտուտի երկու նկարիչ-վերականգնող Մինաս Ավետիսյանի «Թորոս Ռոսլինի ծնունդը» որմնանկարը վերականգնելու նպատակով: Այն նկարված է եղել Գյումրի քաղաքի Էլեկտրատեխնիկական ֆաբրիկայի ճաշարանի պատին, ընդ որում այդ շինության պատերը զարդարված են վարպետի ևս հինգ որմնանկարով:

Հայ գեղանկարիչ, գծանկարիչ, թատրոնի նկարիչ, Հայաստանի վաստակավոր նկարիչ (1968) Մինաս Ավետիսյանը ծնվել է 1928 թվականի հուլիսի 20-ին՝ Շիրակի մարզի Ջաջուռ գյուղում։ Սովորել է Թեռլեմեզյանի անվան ուսումնարանում, ավարտել է Երևանի գեղարվեստաթատերական ինստիտուտը, Լենինգրադի Ռեպինի անվան գեղանկարչության, քանդակագործության և ճարտարապետության  ինստիտուտը։

1960 թվականից ապրել է Երևանում։ Մինասի առաջին ցուցահանդեսը տեղի ունեցել 1960 թվականին, բայց նրան մեծ ճանաչում է բերել 1962 թվականին Երևանում անցկացված «Հինգ նկարիչների» ցուցահանդեսը։ 1960-1975 թվականների ընթացքում Մինասը ստեղծել է 500 մեծ ու փոքր կտավներ, գրեթե նույնքան նկարներ, 20 մեծ որմնանկար ու նախագծեր՝ թատերական մեկ տասնյակից ավելի ներակայացումների համար։ Նկարիչը ողբերգական կերպով մահացել է ավտովթարից՝ 1975 թվականի փետրվարի 24-ին Երևանում։ -0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։