486.66
-0.08
513.23
+1.81
8.4
-0.01
+1
Եղանակը Երևանում
Հայ
«Երիտասարդ Ռուսաստանի» ներկայացուցիչներն օժանդակում են Հայաստանում «Սելիգերի» տեղական նմանօրինակը ստեղծելու գործում
15:00
27 Օգոստոսի 2009

ԵՐԵՎԱՆ, 27 օգոստոսի. /Նովոստի-Արմենիա/. «Երիտասարդ Ռուսաստան» շարժման ներկայացուցիչներն աջակցում են հայ երիտասարդական «Միասին» շարժմանը Հայաստանում «Սելիգերի» նմանությամբ երիտասարդական հավաք անցկացնելու գործում, «Նովոստի-Արմենիա» գործակալությանը հայտնեց «Երիտասարդ Ռուսաստան» շարժման առաջնորդ, ՌԴ Պետդումայի պատգամավոր Մաքսիմ Միշչենկոն։

Հայաստանում Միշչենկոն մասնակցում է «Միասին» երիտասարդական շարժման հավաքին Սևանա լճի մերձակայքում գտնվող Նորաշեն գյուղում։

«Սելիգեր» համառուսական երիտասարդական կրթական համաժողովը մի հարթակ է, որը 2005 թվականից ի վեր ամեն տարի հավաքում է Ռուսաստանի ավելի քան 50 շրջանի երիտասարդներին։ Համաժողովն անցկացվում է Տվերի մարզում՝ Օստաշկով քաղաքի մոտ (Նիլովի անապատի մոտ, 24 կմ)։

««Միասին» շարժումն ամեն ինչ հիանալի կազմակերպեց, մեզ հրավիրեց որպես հյուրերի և հրահանգիչների, որպեսզի առաջին անգամ օգնենք կազմակերպչական աշխատանքներին»,- նշեց Միշչենկոն։

Նա հայտնեց, որ «Երիտասարդ Ռուսաստան» և «Միասին» երիտասարդական շարժումների միջև բարեկամությունը ծնվել է 2008 թվականին, երբ «Միասին»-ի ներկայացուցիչները 25 մարդու կազմով մասնակցեցին «Սելիգեր-2008»-ին, իսկ 2009 թվականին ժամանեց նոր խումբ, և նմանատիպ ճամբար նաև Հայաստանում ստեղծելու գաղափար հղացավ։

Ինչ վերաբերում է «Միասին»-ի հավաքին, ապա Միշչենկոն հայտնեց, որ «երիտասարդները շատ խելացի և աշխույժ են»։

«Սկզբում ես կարծում էի, թե Հայաստանն ունի իր մտածելակերպը, դա մի ուրիշ ժողովուրդ է, և մի փոքր վախենում էի, որ չի ստացվի ներդնել այն ծրագիրը, որն ունենք «Սելիգերում»։ Բայց այժմ տեսնում եմ, որ մարդիկ շատ ուրախ են, շատ կենսուրախ, և ամեն ինչ ստացվում է։ Ամեն ինչ գերազանց է, և ես շատ գոհ եմ»,- ընդգծեց Միշչենկոն։

Նա նշեց, որ Հայաստանում ի սկզբանե, ինչպես և «Սելիգերում», ընթանում է մարդկանց բաժանումը խմբերի, նրանց միաբանումը, մասնակիցների ծանոթությունը միմյանց հետ։

«Ամեն մարդ պետք է ծանոթանա մյուսի հետ։ Շատ կարևոր է բոլոր ժամանող և միմյանց անծանոթ մարդկանցից ստեղծել մի մեծ միասնական կոլեկտիվ»,- ընդգծեց նա։

Միշչենկոյի խոսքերով, «Երիտասարդ Ռուսաստանի» մասնակցությունը չի սահմանափակվի կազմակերպչական փորձի փոխանակմամբ։ «Կլինի նաև կրթական մասը, մենք դասախոսություններ կկարդանք աշխարհաքաղաքական իրավիճակի, Ռուսաստանի և Հայաստանի միջև փոխհարաբերությունների մասին, ինչպես նաև տեխնոլոգիական թեմաներով, որոնք պետք են ցանկացած երիտասարդ ակտիվիստի, մասնավորապես, ինչպես ճիշտ կազմակերպել միջոցառումներ, ակցիաներ, ինչպես դրսևորվել դրանց ընթացքում։ Կլինի նաև առաջնորդի հատկանիշներին նվիրված դասընթաց»,- տեղեկացրեց նա։

«Միասին» երիտասարդական շարժման հավաքն անցկացվում է Սևանա լճի մերձակա Նորաշեն գյուղում օգոստոսի 24-28-ը, մասնակցում է շուրջ 500 մարդ։

«Միասին» երիտասարդական շարժումը ստեղծվել է 2008 թվականի հուլիսին։ Շարժման նպատակն է գտնել ամենատարբեր արդիական խնդիրների լուծումներ։ -0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։