483.51
+0.04
521.51
-0.3
8.36
-0.1
0
Եղանակը Երևանում
Հայ
Ադրբեջանն արագ կլուծի ԼՂՀ միջազգային ճանաչման խնդիրը, եթե ընտրի ուժային տարբերակը. Քոչարյան
13:49
25 Օգոստոսի 2009

ՀՀ ԱԳ փոխնախարար Շավարշ Քոչարյանը կարծում է, որ Ադրբեջանն արագ կլուծի Լեռնային Ղարաբաղի Հանրապետության միջազգային ճանաչման խնդիրը, եթե որոշի ընտրել հակամարտության կարգավորման ուժային տարբերակը:

Նման կարծիք է հայտնել Քոչարյանը, «Էխո Մոսկվի» ռադիոկայանի եթերում մեկնաբանելով ադրբեջանցի լրագրողի խոսքերն այն մասին, թե «Ադրբեջանն արագ կլուծի խնդիրը ռազմական ճանապարհով, եթե Հայաստանն այդպես երկար ժամանակ դիմադրի խաղաղ լուծմանը»:

«Առաջին հերթին, այդ դեպքում Ադրբեջանը շատ արագ կլուծի Լեռնային Ղարաբաղի Հանրապետության միջազգային ճանաչման խնդիրը: Դա ակնհայտ է: Երկրորդը, ինչ վերաբերում է արագ լուծմանը, ապա ինձ մնում է ևս մեկ անգամ հիշեցնել՝ նրանք այդպես էին մտածում մինչև 1994 թվականը, մինչև իրենք խաղաղություն խնդրեցին: Եվ խաղաղության եռակողմ պայմանագիրը, ավելի ճիշտ հրադադարի մասին պայմանագիրը, որը կնքվել է Ռուսաստանի միջնորդությամբ, գործում է մինչ այժմ: Կարծում եմ՝ դա բոլոր ժողովուրդների բարօրության համար է», - ընդգծել է ՀՀ ԱԳ փոխնախարարը:

Նրա խոսքերով, Ադրբեջանը մշտապես սպառնում է պատերազմով՝ հարցը դնելով հետևյալ կերպ՝ կամ նա ստանում է ամեն ինչ կամ տարածաշրջանը ստանում է պատերազմ:

Մասնավորապես ՀՀ ԱԳ փոխնախարարը հիշեցրել է, որ ուժային ճանապարհով խնդրի լուծման մասին բազմաթիվ անգամ հայտարարել է բարձրագույն ղեկավարությունը՝ ի դեմս նախագահի՝ չնայած Մայնդորֆյան հռչակագրի ստորագրմանը, որում կողմերը պարտավորվել են փնտրել հակամարտության կարգավորման ոչ ուժային ուղիներ:

Այնուամենայնիվ, Քոչարյանը հույս է հայտնել, որ Ադրբեջանի ղեկավարությանը կբավականացնի խելամտությունը՝ չկրկնելու համար արդեն մեկ անգամ կատարած սխալները:

«Հակամարտության ռազմական փուլը կառուցվել է թվաբանության հիման վրա: Իսկ թվաբանությունը հիմնված էր նյութական, մարդկային պաշարների, սպառազինության, տեխնիկայի վրա. ակնհայտ էր, որ գերազանցությունն Ադրբեջանի կողմն էր: Եվ ամեն անգամ, երբ նրանք սկսում էին ռազմական գործությունների նոր փուլ, նոր պարտություն էին կրում», - ասել է Քոչարյանը:

Պատասխանելով այն հարցին, «թե նրանց կողմից ռազմական ճանապարհով գնալու դեպքում, ինչպիսի՞ գործություններ կձեռնարկի Հայաստանը»՝ Քոչարյանն ասել է, որ «այնպիսի գործողություններ, ինչպիսին ձեռնարկվեցին 90-ականներին՝ հակամարտության ռազմական փուլի ժամանակ»:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։