+19
Եղանակը Երևանում
Հայ
Թուրքիային ձեռնտու չէ Հայաստանի հետ հարաբերությունների բարելավման գործընթացի կտրուկ դադարեցումը. փորձագետ
16:41
24 Օգոստոսի 2009

Թուրքիային ձեռնտու չէ Հայաստանի հետ հարաբերությունների բարելավման գործընթացի կտրուկ դադարեցումը, կարծում է Կովկասի ինստիտուտի տնօրեն Ալեքսանդր Իսկանդարյանը։

«Թուրքիային ձեռնտու չէ հայ-թուրքական գործընթացի կտրուկ դադարեցումը։ Եթե գործընթացը դադարեցվի կողմերից մեկի մեղքով, ապա դա վատ կանդրադառնա նրա միջազգային վարկանիշի վրա»,- երկուշաբթի մամուլի ասուլիսի ժամանակ հայտնեց քաղաքագետը։

Իսկանդարյանի խոսքերով, ներկայում հայ-թուրքական հարաբերությունների և թուրքական «գազային» կոմպլեմենտարիզմի շուրջ բազմաթիվ գործընթացներ են տեղի ունենում, իսկ Թուրքիան փորձում է ինքնատիպ գազային հանգույց դառնալ Եվրոպայի, Ռուսաստանի և Ասիայի միջև, փորձում է լուրջ դեր խաղալ տարածաշրջանում։

«Այստեղ շատ բան է ցուցադրում Թուրքիայի արտաքին գործերի նախարար Դավութօղլու կարգախոսը՝ «զրո խնդիր հարևանների հետ»։ Թուրքիայի համար դա հեշտ չէ. ունենալով կայսերական անցյալ՝ Թուրքիան խնդիրներ ունի բոլոր հարևանների՝ Հունաստանի, Բուլղարիայի, Կիպրոսի, Հայաստանի հետ»,- ասաց քաղաքագետը։

Սակայն, փարձագետի խոսքերով, տարածաշրջանում ուժեղ դիրքեր ունենալու համար Թուրքիան փորձում է լուծել այդ խնդիրները, փորձում է խաղալ միանգամից «երկու դաշտում»՝ Ռուսաստանի և ՆԱՏՕ-ի։

Խոսելով հայ-թուրքական գործընթացի մասին՝ Իսկանդարյանը նկատեց, որ Թուրքիայի իշխանություններն այդ հարցում ավելի բարդ վիճակում են, քան հայկական իշխանությունները։ Քաղաքագետի կարծիքով, չնայած որ Հայաստանն ունի Թուրքիայի հետ հարաբերությունների բարելավման կողմնակիցներ և հակառակորդներ, պետական դիրքորոշումն այս հարցում մեկն է. Հայաստանը  կողմ է հարաբերությունների բարելավմանն առանց նախապայմանների։

իաժամանակ Թուրքիայում Հայաստանի հետ հարաբերությունների հարցում հասարակական տարաձայնությունների առկայության դեպքում նմանատիպ տարակարծություններ կան նաև պետական աշխատակազմի ներսում, ինչն, Իսկանդարյանի խոսքերով, ակնհայտ ցուցադրում է երկրի արտաքին գործերի նախարարության օրինակը։

«Թուրքական իշխանությունների առջև դրված է այդ տարաձայնությունները հաղթահարելու խնդիրը, և եթե նրանք կարողանան հասնել դրան, ապա հայ-թուրքական գործընթացը կշարունակվի»,- հայտնեց քաղաքագետը։

Հայաստանի և Թուրքիայի միջև բացակայում են դիվանագիտական հարաբերությունները՝ Թուրքիայի առաջ քաշած նախապայմանների պատճառով։ Մասնավորապես, Թուրքիան Հայաստանից պահանջում է հրաժարվել հայոց Մեծ Եղեռնի միջազգային ճանաչման գործընթացից։

Թուրքիան նաև ադրբեջանամետ քաղաքականություն է վարում ղարաբաղյան հիմնահարցի կարգավորման գործում։

Հայ-թուրքական սահմանը փակ է 1993թ.-ից՝ պաշտոնական Անկարայի նախաձեռնությամբ։

Հարաբերություններում առաջին տեղաշարժերը նկատվեցին 2008 թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: