478.85
+0.03
558.1
+0.51
7.99
-0.15
+23
Եղանակը Երևանում
Հայ
«Տղամարդիկ և կանայք։ Չհորինված պատմություններ» գրքի շնորհանդեսն անցկացվեց Երևանում
18:05
19 Օգոստոսի 2009

ԵՐԵՎԱՆ, 19 օգոստոսի. /Նովոստի-Արմենիա/. «Տղամարդիկ և կանայք։ Չհորինված պատմություններ» գրքի շնորհանդեսն անցկացվեց չորեքշաբթի «Նովոստի» միջազգային մամուլի կենտրոնում։

Գիրքը հրապարակված է «Չհորինված պատմություններ» նախագծի շրջանակներում։ Այս շարքի առաջին երկու գրքերը «Չհորինված պատմություններ» և «Հարավային Կովկասի կանանց ձայները։ Չհորինված պատմություններ» խորագրերով հրապարակվել են համապատասխանաբար 2006 և 2008 թվականներին։

«Լրագրողները խոսել են մարդկանց հետ, ովքեր պարզապես նրանց պատմել են հետաքրքիր սյուժեներ, կյանքից վերցրած պատմություններ, որոնք, ինչպես օրագրում, կամենում ես հիշատակել և հիշել մի քանի տարի անց»,- լրագրողներին հայտնեց նախագծի տնօրեն Թամարա Բալավաձեն՝ մեկնաբանելով գրքի բովանդակությունը։

Նա հավելեց, որ բոլոր երեք գրքերը «Հարավային Կովկասի ձայնային օրագրեր» ռադիոնախագծի շարունակությունն են, որն անցկացվել է 2002-ից 2006 թվականները տարածաշրջանի քսան ռադիոկայանների լրագրողների մասնակցությամբ, և այս ժամանակահատվածի ընթացքում հավաքվել է ավելի քան 1800 բանավոր պատմություն։

Բալավաձեն հայտնեց, որ երրորդ գրքում ընդգրկվել է 300 պատմություն, ինչպես նաև ներդիր սկավառակ գրքում զետեղված 12 ձայնային օրագրերով։

Բալավաձեն նշեց, որ այս գիրքը ծրագրելիս հեղինակները ցանկացել են անցկացնել վերլուծություն՝ զուգահեռաբար ներկայացնելով տղամարդկանց և կանանց պատմություններ՝ տեսնելու համար, թե ինչպիսի՞ հայացք ունեն նրանք սիրո, ընտանիքի, ընկերության, ընդհանրապես կյանքի նկատմամբ, և տարբերվում է այն, արդյո՞ք, նրանց մոտ։ «Մեզ մոտ ոչինչ չստացվեց։ Իրականում որևէ գենդերային տարբերություններ չկան, կա պարզապես մարդկային հայացք, մարդկային պատմություն։ Անհնար էր որևէ սահման անցկացնել»,- նշեց նա։

Ղարաբաղի մասի համակարգող Կարինե Օհանյանն իր հերթին ընդգծեց, որ նախագծին մասնակցող լրագրողները որևէ ճնշում չեն գործադրել պատմությունների հեղինակների վրա:

«Մարդիկ իրենք էին որոշում, թե ինչ պատմել, ինչն է, իրենց կարծիքով, ամենահետաքրքիրը»,- նկատեց նա։

Հայաստանի մասի համակարգող Ալեքսեյ Մանվելյանը նշեց, որ այդ նախագիծը «ժողովրդական դիվանագիտության փոքրիկ կտորն է», որը թույլ է տալիս տարածաշրջանի՝ միջէթնիկական հակամարտություններ կիսող բնակիչներին հասկանալու, որ հակառակ կողմում իրենց նման մարդիկ են ապրում։

Բալավաձեն հավելեց, որ ձայնային օրագրերի ընտրության ժամանակ հատուկ ուշադրություն է դարձվել դրանց հանդուրժողականությանը։

Նա նշեց նաև, որ այս նախագիծը սկսվել է որպես խաղաղարար, որպես վրաց-աբխազական նախագիծ, սակայն դրա հաջողությունն այնքան մեծ է եղել, որ երկու տարի անց նախագծին են միացել Հարավային Կովկասի ինչպես ճանաչված, այնպես էլ չճանաչված բոլոր տարածաշրջանների ներկայացուցիչները։

«Ձայնային օրագրերը Հարավային Կովկասում» նախագիծն իրականացվել է բրիտանական «Հաշտեցման ռեսուրսներ» ոչ կառավարական կազմակերպության օժանդակությամբ, նախագծին մասնակցել են Հայաստանը, Ադրբեջանը, Վրաստանը, Լեռնային Ղարաբաղը, Աբխազիան և Հարավային Օսեթիան։

«Ձայնային օրագիրը» 90-ականների սկզբում բրիտանական ВВС հեռուստաընկերությունում ծնված ինքնատիպ ժանր է։ Դրա նպատակը եթերում հազվադեպ հնչող մարդկանց՝ փախստականներին, հաշմանդամներին, տարբեր փոքրամասնություններին, թոշակառուներին արտահայտվելու հնարավորություն տալն է։ -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: