478.62
+0.08
550.51
-1.2
8.1
+0.01
+35
Եղանակը Երևանում
Հայ
Հայաստանի կառավարությունը հաստատել է ճանապարհային երթևեկության անվտանգության ազգային ռազմավարությունը
18:12
13 Օգոստոսի 2009

Հայաստանի կառավարությունը հինգշաբթի նիստում հաստատեց Հայաստանում և Երևանում ճանապարհային երթևեկության անվտանգության ազգային ռազմավարությունն, ինչպես նաև գործողությունների հնգամյա ծրագիրը։

Ինչպես հայտնեց տրանսպորտի և կապի նախարար Գուրգեն Սարգսյանը, որոշման ընդունումը պայմանվորված է երթևեկության կանոնների անվտանգության մակարդակի բարձրացման անհրաժեշտությամբ Հայաստանում ընդհանուր առմամբ և մայրաքաղաքում մասնավորապես։

«Ծրագիրը պատրաստ է եղել դեռևս 2008 թվականին և քննարկումների երկար ճանապարհ է անցել հասարակական կազմակերպություններում, ԶԼՄ-ներում, շահագրգիռ անձանց մոտ»,- հայտարարեց տրանսպորտի նախարարը։  

Իր հերթին Հայաստանի վարչապետ Տիգրան Սարգսյանը հայտարարեց, որ ընդունվող ռազմավարության իրականացումը պետք է Հայաստանի բոլոր գերատեսչությունների ուշադրության կենտրոնում լինի, քանի որ երթևեկության անվտանգությունը երկրում պատշաճ մակարդակի վրա չէ։

«Ճանապարհատրանսպորտային պատահարների թիվն, այդ թվում մահացու ելքով, Հայաստանում մի քանի անգամ գերազանցում է մյուս երկրների ցուցանիշները։ Դրա հիմնական պատճառը ճանապարհային երթևեկության անվտանգութայն կանոնների խախտումն է»,- նշեց կառավարության նախագահը։

Նրա խոսքերով՝ անհրաժեշտ է պահանջկոտ լինել վարորդների նկատմամբ երթևեկության անվտանգության, անվտանգության գոտիների օգտագործման առումով։ «Բայց անվտանգության գոտիները չեն օգտագործում անգամ ոստիկանները։ Այս իսկ պատճառով մենք պետք է սկսենք մեզանից, իսկ այնուհետև պահանջենք վարորդներին»,- ասաց վարչապետը։

Սարգսյանը հայտնեց, որ ճանապարհային երթևեկության անվտանգության ազգային ռազմավարության իրականացումից հետո Հայաստանում էապես կնվազի ՃՏՊ-ների թիվը, այդ թվում մահացու ելքով, ինչպես նաև վթարների ժամանակ ծանր վիրավորների թիվը։

«Այս որոշումով մենք կարող ենք մարդկային հազարավոր կյանքեր պահպանել։ Մենք պետք է հանրությանը ներկայացնենք ռազմավարության օգուտը, կենսականորեն կարևոր նշանակությունը»,- նշեց կառավարության ղեկավարը։

Հայաստանի տրանսպորտի նախարարը կառավարական ճեպազրույցի ընթացքում լրագրողներին հայտնեց, որ 10 մլն դոլար արժողությամբ տվյալ ծրագրի իրականացման արդյունքում նախատեսվում է մահացու ելքով ճանապարհատրանսպորտային պատահարների թիվը կրճատել 10 տոկոսով։ Սարգսյանի ներկայացրած տվյալներով՝ 2008 թվականին Հայաստանում գրանցվել է ավելի քան 2,2 հազար ՃՏՊ, որոնցում զոհվել է 4,7 մարդ և ավելի քան 3,1 հազար մարդ վիրավորվել է։ Միաժամանակ վարչապետը նշեց, որ ՃՏՊ-ների 25 տոկոսը տեղի է ունենում Երևանում։

«ՃՏՊ-ների թիվն ամեն տարի կայուն աճում է, և մեր նպատակն է նվազեցնել ՃՏՊ-ների և առավել ևս մահացու ելքով դեպքերի թիվը։ Մարդկային կյանքը գնահատել հնարավոր չէ, բայց անհրաժեշտ է նշել նաև ՃՏՊ-ների ազդեցությունը երկրի տնտեսության վրա, որի վնասը դրանցից կազմում է Հայաստանի ՀՆԱ-ի 1 տոկոսը»,- հայտնեց տրանսպորտի նախարարության ղեկավարը։

Ներկայացված տվյալներով՝ մահացու ելքով ՃՏՊ-ների վնասն ամեն տարի կազմում է 6-7,5 մլրդ դրամ (16-20 մլն դոլար), իսկ ծանր վնասվածքներով ՃՏՊ-ների թիվը՝ 14,5-21,5 մլրդ դրամ (39-58 մլն դոլար)։ «Այսպիսով՝ ՃՏՊ-ներից ստացված տարեկան վնասը կազմում է մոտ 30 մլրդ դրամ (81 մլն դոլար), և մեր նպատակն է նվազեցնել այդ վնասը»,- ասաց նախարարը։

Նրա խոսքերով՝ ՃՏՊ-ները նաև աղքատության աճի պատճառներից են Հայաստանում, քանի որ վթարում կերակրողի մահվան դեպքում ընտանիքն ինքնաբերաբար հայտնվում է աղքատության շեմին։ Սարգսյանն ուշադրություն դարձրեց անվտանգության գոտիների օգտագործման կարևորությանը և հայտնեց, որ 40-60 կմ/ժ արագության դեպքում դրանց արդյունավետությունը կազմում է 100 տոկոս։ «Այսպիսով՝ եթե վթարը տեղի ունենա այդ արագության դեպքում, ապա ՃՏՊ-ն մահացու ելք չի ունենա»,- ասաց Սարգսյանը։

ՃՏՊ-ների մեծ թվի պատճառների թվում տրանսպորտի նախարարը նշեց նաև երկրի ավտոպարկի մաշվածությունը, որի տարիքը կազմում է 10-12 տարի։ Նախարարի տվյալներով՝ նոր ավտոմեքենաների ներկրումը դեպի Հայաստան հանգեցնում է ավտոպարկի թվաքանակի աճին և ճանապարհների գերբեռնվածությանը։ Սարգսյանը նշեց, որ, մասնավորապես, Երևանի փողոցները նախատեսված չեն ավտոտրանսպորտի նման մեծ թվի համար։ -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: