478.82
+0.2
557.59
+7.08
8.14
+0.04
+22
Եղանակը Երևանում
Հայ
Հայաստանի գլխավոր դատախազն ընդհանուր առմամբ բավարարված է իրավապահ մարմինների աշխատանիքց՝ հանցագործությունների բացահայտման առումով
10:31
12 Օգոստոսի 2009

Հայաստանի գլխավոր դատախազ Աղվան Հովսեփյանը, նախօրեին ելույթ ունենալով դատախազության կոլեգիայի ընդլայնված նիստում, ընդհանուր առմամբ գոհունակություն հայտնեց իրավապահ մարմինների աշխատանիքց՝ հանցագործությունների բացահայտման առումով:

2009թ. առաջին կիսամյակում երկրում գրանցված հանցագործությունների թիվն աճել է 2851-ով կամ 71,3%-ով՝ կազմելով ՝ 6849 հանցագործություն՝ անցյալ տարվա առաջին կիսամյակի 3998-ի դեպքի դիմաց,  «Նովոստի-Արմենիա» գործակալությանը հայտնեցին դատախազության լրատվական ծառայությունից:

ՀՀ գլխավոր դատախազ Աղվան Հովսեփյանը անդրադառնալով հանցավորության դեպքերի առանձին տեսակների աճին, մասնավորապես նշեց, որ թմրամիջոցների իրացման, ապօրինի զենք-զինամթերքի շրջանառության, կոռուպցիոն բնույթի հանցագործությունների դեպքերով գրանցված բարձր ցուցանիշը վկայում է իրավապահ մարմինների արդյունավետ աշխատանքի մասին, քանի որ վերը նշված հանցագործությունները լինելով լատենտային բնույթի` բացահայտման առումով մեծ դժվարություն են ներկայացնում:

«Իսկ արձանագրված աճը հենց վկայում է, որ այդ հանցագործությունների բացահայտման ուղղությամբ զգալի աշխատանքներ են տարվել և դրական ցուցանիշներ գրանցել:  «Իսկ եթե այդ հանցագործությունների գրանցման և բացահայտման ցուցանիշը ցածր լիներ,  դա կվկայեր իրավապահ մարմինների վատ աշխատանքի, այլ ոչ թե այդ հանցագործություններով կատարված  դեպքերի նվազման արդյունք», ասաց Հովսեփյանը:

Միաժամանակ Հովսեփյանը նշեց, թե հեռու է այն մտքից, թե օրինակ թմրամիջոցների իրացման դեպքերով բոլոր հանցագործություններն են բացահայտվել:

  Գլխավոր դատախազը ցուցում տվեց դատավարական հսկողություն իրականացնող դատախազներին չհաստատել այն բոլոր մեղադրական եզրակացությունները, որտեղ թմրամիջոցների կամ զենք-զինամթերքի հայտնաբերման աղբյուրները կոնկրետ, առարկայական նշված չեն, այլ ձևակերպված են ընդհանրական և անորոշ ձևակերպումներով, թե դրանք գտել են այսինչ տեղից կամ ձեռք են բերվել քննությամբ չպարզված անձից:

«Այն տպավորությունն է ստացվում,- շեշտեց գլխավոր դատախազը,- որ հանրապետության տարածքի ամեն մի անկյունում թմրամիջոց կամ զենք-զինամթերք է դրված», ասաց գլխավոր դատախազը::
 

Գլխավոր դատախազը հանցագործությունների աճի հետ կապված  մտահոգություն հայտնեց ավազակային հարձակումների, կողոպուտների, և անչափահասների մասնակցությամբ կատարված հանցագործությունների դեպքերով:

Նա նաև նշեց, որ գլխավոր դատախազության ձեռնարկած միջոցների արդյունքում ՀՀ կառավարության որոշմամբ սահմանվեց հանցագործությունների հաշվառման կարգ և ՀՀ ոստիկանապետի ցուցումով 2009 թ. հունվարից ոստիկանության Ինֆորմացիոն կենտրոնում սկսեցին հաշվառել նաև ՀՀ քրեական դատավարության օրենսգրքի 183 հոդվածով սահմանված այն հանցագործությունները, որոնց վերաբերյալ քրեական գործի հարուցումը մերժվել էր   տուժողի բողոքի բացակայությամբ:

Գլխավոր դատախազի կարծիքով այժմ արձանագրված հանցավորության վիճակը առավելագույնս մոտեցված է վիճակագրական տվյալներին:

Կոլեգիայի նիստում քննարկվեցին Հայաստանի Հանրապետության դատախազության 2009 թվականի աշխատանքի  արդյունքները: Ըստ աշխատանքի ուղղությունների` զեկուցումներով հանդես եկան ՀՀ գլխավոր դատախազի տեղակալներ Մնացական Սարգսյանը, Արմեն Դանիելյանը, Արամ Թամազյանը, ՀՀ զինվորական դատախազ, ՀՀ գլխավոր դատախազի տեղակալ Արմեն Խաչատուրյանը:--0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: