485.25
-0.08
569.44
-2.72
8.18
-0.02
+4
Եղանակը Երևանում
Հայ
Հայաստանի նախագահը օժանդակություն է խոստանում տաղանդավոր երիտասարդությանը որակյալ կրթություն ստանալու հարցում
15:52
11 Օգոստոսի 2009

ՀՀ նախագահ Սերժ Սարգսյանը «Լույս» կրթական հիմնադրամի կրթաթոշակառուների հետ հանդիպման ընթացքում հայտարարել է, որ պետությունը կօժանդակի տաղանդավոր երիտասարդությանը բարձրորակ կրթություն ստանալու հարցում, տեղեկացրեցին երկրի ղեկավարի մամուլի ծառայությունից: Զրույցին մասնակցել է նաև վարչապետ Տիգրան Սարգսյանը:

«Լույս» հիմնադրամը ստեղծվել է 2008 թվականի ապրիլին Հայաստանի նախագահ Սերժ Սարգսյանի բարձր հովանու ներքո, ով հիմնադրամի Հոգաբարձուների խորհրդի նախագահն է: «Լույսի» նպատակն է ուսանողների ուսուցման ֆինանսավորումը օտարերկրյա առաջատար բուհերում:
   

Նախագահ Սարգսյանը շնորհավորել է ուսանողներին` աշխարհի առաջնակարգ բուհեր ընդունվելու, հետևաբար նաև «Լույս» հիմնադրամի ֆինանսական օժանդակությունը ստանալու կապակցությամբ:

Նշելով, որ տարիներ շարունակ այսպիսի հնարավորությունը շատ-շատ երիտասարդների համար երազանքի նման մի բան է եղել, Սերժ Սարգսյանն ասել է, որ այսօր այն իրականություն է դարձել, և պետությունը ոչ միայն հայտարարում է բարձրակարգ կրթություն ստանալու կարևորությունը, այլև փաստացիորեն ֆինանսավորում է այն:

«Դուք առաջիններն եք, ովքեր «Լույս» հիմնադրամի օժանդակությամբ ընդունվել են աշխարհի բարձրակարգ 25 ուսումնական հաստատություններից մեկը: Կարծում եմ, ձեր օրինակը ոգևորելու է շատ ու շատ երիտասարդների, և տարեցտարի աշխարհի առաջնակարգ բուհերում ավելի ու ավելի մեծ թվով հայեր են սովորելու»,- ասաց Հայաստանի նախագահը:

Նախագահը պետության հիմնական գործառույթներից մեկը համարել է իր քաղաքացիների համար բարձրակարգ գիտելիք, բարձր որակի կրթություն ստանալու պայմանների ստեղծումը:

Այդ նպատակին հասնելու համար նա առանձնացրել է երկու ուղղություն: «Մեկն այն է, ինչով զբաղվում է «Լույս» հիմնադրամի կրթական ծրագիրն` օժանդակելով շնորհաշատ երիտասարդներին, իսկ երկրորդը` մեր կրթական համակարգի բարեփոխումն է և այն միջազգային չափանիշներին համապատասխանեցնելը»,- ասաց նախագահը:

Սերժ Սարգսյանն ընդգծել է, որ հիմնադրամի գործունեությունը գնահատվելու է ոչ միայն արտերկրի լավագույն բուհերում սովորող երիտասարդների քանակով, այլև այդ նույն երիտասարդների մասնակցությամբ այսօր մեր հասարակության առջև ծառացած խնդիրների լուծմանը, որոնցից մեկն էլ հենց կրթական ոլորտի բարեփոխումներն են:

«Մեր բուհերը պարտավոր են տալ ժամանակակից կրթություն և լինել մրցունակ»,- ընդգծել է երկրի ղեկավարը:

Նրա խոսքերով` հայկական ազգային բնավորության գծերից մեկը գիտելիքի, կրթության մշտական ձգտումն է: «Ի վերջո պետք է հիշենք, որ Հայոց այբուբենի ստեղծումից հետո Մեսրոպ Մաշտոցի առաջին աշակերտներն ուղարկվեցին աշխարհի չորս ծայրերը` գիտելիք ստանալու և այն Հայաստան բերելու: Այսօր առանց չափազանցության պետք է ասեմ, որ նույն առաքելությունն են կատարում մեր բոլոր այն երիտասարդները, ովքեր ստանում են լավ կրթություն և վերադառնում են Հայաստանի Հանրապետություն»,- ասել է նախագահը:

Ըստ նրա` բոլորին հայտնի է, որ 21-րդ դարում ունենալ ցածր կրթական մակարդակ նշանակում է ունենալ ցածր կենսամակարդակ:

«Ես մշտապես ասել եմ, որ Հայաստանի Հանրապետության նախագահը պարտավոր է հանդիպել և սեղմել ձեռքն այն երիտասարդի, ով լավ գիտելիք ու կրթություն է ստանում, քանի որ այն ոչ միայն իր անձի համար է, այլ նաև ծառայում է մեր հասարակությանը»,- ընդգծել է նախագահը:

Կրթաթոշակառուներն իրենց հերթին շնորհակալություն են հայտնել նախագահին, որ շատ երկրների նման` Հայաստանը ևս արդեն ունի ուսանողներին աջակցելու հիմնադրամային ծրագիր:

Նախագահն ասել է, որ «Լույս» հնարավորությունները գնալով մեծանալու են, և, բացի այդ, ակնկալվում է, որ այս նախաձեռնությունը օրինակ կծառայի, որպեսզի նմանատիպ այլ հիմնադրամներ ևս ստեղծվեն:

Ուսանողները հետաքրքրվել են, թե երկրի ղեկավարն ինչպիսին է տեսնում «Լույս» կրթաթոշակառուների ապագան: Նրանց դիտարկմամբ` լավ կրթություն ունենալու դեպքում էլ երաշխավորված չէ լավ աշխատանք կամ պաշտոն ստանալը:

Սերժ Սարգսյանն ասել է, որ ներկայում որակյալ կադրերի պակասը մեծ խնդիր է, ուստի լավ կրթված երիտասարդ կադրերի մեծ պահանջարկ կա: «Բայց պետք է նաև չմոռանանք, որ լավ կրթությունը պետք է նաև կիրառելի լինի, պետք է կարողանալ սովորածը կիրառել, պրակտիկա ունենալ: Պետությունը շահագրգիռ է կառավարման մարմիններում ընդգրկելու երիտասարդ որակյալ մասնագետների: Մենք լայնածավալ բարեփոխումներ ենք իրականացնում և ցանկանում ենք այդ գործընթացում կիրառել թե «Լույս»-ի կրթաթոշակառուների, թե տարբեր հիմնադրամների աջակցությամբ արտերկրում սովորող երիտասարդների և թե հայրենի բուհերի լավագույն ուսանողների գիտելիքներն ու փորձառությունը»,- նշել է երկրի ղեկավարը:

Սերժ Սարգսյանը ողջունել է կրթաթոշակառուների մտադրությունը` ուսմանը զուգահեռ ակտիվորեն հանդես գալ միջմշակութային շփումներում` ներկայացնելու Հայաստանն ու հայ ժողովրդին:

Նախագահն ասել է, որ արտերկրում ուսանելով` նրանք կամա թե ակամա ստանձնում են նաև Հայաստանի դեսպանների առաքելություն, քանի որ նրանցով են այնտեղի իրենց միջավայրում կարծիք կազմելու Հայաստանի ու հայերի մասին:

Երկրի ղեկավարը «Լույս»-ի կրթաթոշակառուներին հանձնել է վկայագրեր, հաջողություն մաղթել և վստահեցրել, որ նրանք իրենց թիկունքում մշտապես կզգանպետության աջակցությունը:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։