482.89
-0.16
541.32
+2.38
8.54
+0.08
+13
Եղանակը Երևանում
Հայ
ՀՀ նախագահը շախմատի աշխարհի չեմպիոն Տիգրան Պետրոսյանին անվանել է հայկական ազգային արժանապատվության խորհրդանիշ
11:59
10 Օգոստոսի 2009

ՀՀ նախագահ Սերժ Սարգսյանը կարծում է, որ շախմատի աշխարհի 9-րդ չեմպիոն Տիգրան Պետրոսյանը հայկական ազգային արժանապատվության խորհրդանիշն է:

«Տիգրան Պետրոսյանը մեզ համար ավելին է, քան շախմատային հսկան: Նա մեր ազգային արժանապատվության խորհրդանիշն է, մեր բազմադարյա պատմության ամենավառ անհատականություններից մեկը», - ասել է Սարգսյանը շաբաթ օրը Ջերմուկում մեկնարկած ՖԻԴԵ-ի Գրան-պրի մրցաշարի բացման արարողության ընթացքում, որը նվիրված է չեմպիոնի 80-ամյակին:

ՀՀ նախագահի խոսքերով՝ Տիգրան Պետրոսյանն ապացուցեց, որ հայկական շախմատը կարող է և պետք է ունենա լուրջ նվաճումներ:

«Նրա հաղթանակը, սպորտային հաջողությունները դաստիարակեցին մի քանի սերունդներ: Տիգրան Պետրոսյանի հաղթանակից հետո հայկական բոլոր ընտանիքներում շախմատ էին խաղում», - ընդգծել է ՀՀ նախագահը:

Նրա խոսքերով՝ այս հետաքրքիր երևույթը չէր կարող արդյունք չտալ, որը հայ ժողովուրդը լիաթոք ըմբոշխնում է շուրջ քառասունչորս տարի հետո, երբ Հայաստանի տղամարդկանց հավաքականը դարձավ օլիմպիական չեմպիոն:

«Այսօր մենք հպարտությամբ ասում ենք, որ Հայաստանն օլիմպիական կրկնակի չեմպիոնների հայրենիքն է: Մեր շախմատիստները գրեթե յուրաքանչյուր ամիս հասնում են նոր հաջողությունների, որոնցից վերջինը Լևոն Արոնյանի հաղթանակն էր արագ շախմատում», - ասել է ՀՀ նախագահը:

Հայ գրոսմասյտեր Լևոն Արոնյանը հաղթել է Chess Classic Mainz 2009 արագ շախմատի աշխարհի առաջնության եզրափակչում: Աշխարհի առաջնության եզրափակիչ փուլում Արոնյանը 3:1 հաշվով ջախջախել է Յան Նեպոմնյաշչիին (Ռուսաստան):

«Շնորհակալ եմ, Լևո՛ն ջան: Շնորհավորում եմ, բայց մենք ավելին ենք սպասում», - ասել է նախագահը՝ դիմելով գրոսմայստերին:

ՀՀ նախագահը հիշեցրել է Տիգրան Պետրոսյանի խոսքերն այն մասին, որ շախմատը ձևով խաղ է, բովանդակությամբ` արվեստ, իսկ տիրապետելու բարդությամբ` գիտություն:

«Թող այս օրերին Ջերմուկի վրա թևածեն հետաքրքիր խաղը, գեղեցիկ արվեստը և ֆունդամենտալ գիտությունը», - ասել է նախագահը:

ՖԻԴԵ-ի նախագահ Կիրսան Իլյումժինովն իր հերթին ընդգծել է, որ Տիգրան Պետրոսյանը ոչ միայն աշխարհի չեմպիոն է, այլև ընդօրինակման առարկա՝ շախմատի բազմաթիվ սիրահարների համար: «Ես ինքնս «Երկաթե Տիգրանի» խաղերից եմ սովորել պաշտպանության նրբին արվեստը», - ասել է Իլյումժինովը:

«Հուսով ենք, որ Հայաստանի հողը կծնի ևս մեկ աշխարհի չեմպիոն կամ չեմպիոնուհի», - ավելացրել է նա:

ՖԻԴԵ-ի Գրան-պրի շարքի հինգերորդ մրցաշարն է (Տիգրան Պետրոսյանի հիշատակին) շաբաթ օրը մեկնարկել Ջերմուկում:

Ջերմուկում անցկացվող 19-րդ կատեգորիայի մրցաշարին մասնակցում են գրոսմայստերներ Լևոն Արոնյանը, Դմիտրի Յակովենկոն (Ռուսաստան), Պետեր Լեկոն (Հունգարիա), Բորիս Գելֆանդը (Իսրայել), Էտյեն Բակրոն (Ֆրանսիա), Սերգեյ Կարյակինը (Ուկրաինա), Գատա Կասմկին (ԱՄՆ), Պավել Էլյանովը (Ուկրաինա), Եվգենի Ալեքսեևը (Ռուսաստան), Վլադիմիր Հակոբյանը (Հայաստան), Վասիլի Իվանչուկը (Ուկրաինա), Իվան Չեպարինովը (Բուլղարիա), Էռնեստո Ինարկիևը (Ռուսաստան), Ռուստամ Կասիմջանովը (Ուզբեկստան):

Տիգրան Պետրոսյանը շախմատի աշխարհի 9-րդ չեմպիոնն է (1963-1969 թթ), միջազգային գրոսմայստեր (1952), ԽՍՀՄ սպորտի վաստակավոր վարպետ (1960), փիլիսոփայական գիտությունների թեկնածու, ԽՍՀՄ չեմպիոն (1959, 1961, 1969, 1975):-0-

Loading...
Թեմատիկ նյութեր
Բաժնի այլ նյութեր
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ: