483.99
+0.93
563.46
+1.42
8.32
+0.02
+11
Եղանակը Երևանում
Հայ
Ավարտվել է Հայաստանի նախագահի այցը Օրենբուրգի մարզ
23:36
04 Օգոստոսի 2009

Ավարտվել է  Հայաստանի նախագահի այցը Օրենբուրգի մարզ, տեղեկացնում է հայկական պետության ղեկավարի մամուլի ծառայությունը։

Այցը տեղի է ունեցել Օրենբուրգի մարզի նահանգապետ Ալեքսեյ Չեռնիշևի հրավերով՝ Հայկական ազգային տան բացմանը մասնակցելու նպատակով։

Օրենբուրգում Հայաստանի նախագահը ծաղիկներ է դրել հայ մեծանուն բանաստեղծ Վահան Տերյանի հուշարձանին, եղել Հաղթանակի այգում, ծաղկեպսակ դրել անհայտ զինվորի հուշարձանին, ծանոթացել Օրենբուրգի պատմությանն ու մշակույթին, 2-րդ համաշխարհային պատերազմին մարզի բազմազգ բնակչության մասնակցությանն ու ժամանակի զինտեխնիկայի ցուցանմուշներին, ծառ տնկել Հաղթանակի զբոսայգու պատվավոր հյուրերի ծառուղում:

ՀՀ նախագահը հանդիպում է ունեցել նաև Օրենբուրգի և հարակից այլ մարզերի հայկական համայնքների ու Ռուսաստանի Դաշնության հայերին  համախմբող կազմակերպությունների ներկայացուցիչների հետ:

Նախօրեին տեղի է ունեցել Սերժ Սարգսյանի և Օրենբուրգի մարզի նախահանգապետ Ալեքսեյ Չեռնիշևի հանդիպումը: Չեռնիշևը շնորհակալություն է հայտնել նախագահ Սարգսյանին՝ իր հրավերն ընդունելու և Օրենբուրգ ժամանելու համար։
 
Չեռնիշևը համոզմունք է հայտնել, որ ռազմավարական գործընկերներ Հայաստանի և Ռուսաստանի միջև առկա դաշնակցային հարաբերություններն ու քաղաքական բարձր մակարդակի երկխոսությունը, ինչպես նաև երկու ժողովուրդների դարավոր բարեկամությունն ու փոխադարձ համակրանքը լավ ազդակ են նաև միջմարզային բնագավառում հայ-ռուսական փոխգործակցությունը խորացնելու, զարգացնելու և նոր որակի հասցնելու համար:

Ալեքսեյ Չեռնիշևը բարձր է գնահատել Օրենբուրգի նահանգի հայ համայնքի դերը և տասնամյակների նշանակալի ներդրումը մարզի սոցիալ-տնտեսական զարգացման և  մշակութային կյանքի հարստացման գործում:

Սերժ Սարգսյանի և Ալեքսեյ Չեռնիշևի հանդիպման ընթացքում քննարկվել են Հայաստանի և Ռուսաստանի սուբյեկետների միջև ուղիղ փոխգործակցության հեռանկարներին, ինչպես նաև ապրանքաշրջանառության ծավալների մեծացմանը վերաբերող հարցեր:
 
Երկուստեք կարևորվել է գործարար շփումների ակտիվացումը և տնտեսական փոխշահավետ համագործակցության առկա ներուժի իրացումը:

Նախագահ Սարգսյանը Օրենբուրգի նահանգապետին և մարզի գործարար շրջանակներին հրավիրել է Հայաստան:

Օրենբուրգի նահանգապետը նկատել է, որ նախագահ Սարգսյանի այցը և մասնակցությունը Հայկական ազգային տան բացման արարողությանը երկարատև ազդեցության դրական և խորհրդանշական ազդակ է կապերի հետագա ընդլայնման և  գործարար շփումների ակտիվացման համար:

Օրենբուրգի նահանգապետը տեղեկացրել է նաև, որ շուտով ավարտին կհասցվի հողահատկացում կատարելու գործընթացը Օրենբուրգում հայկական եկեղեցի կառուցելու համար:

Հայկական տան հանդիսավոր բացման ժամանակ նախագահ Սարգսյանն ընդգծել է, որ Հայաստանում գիտեն Օրենբուրգի հայկական համայնքի, նրա ձեռքբերումների և խնդիրների մասին։

Ըստ նրա՝ ազգային արմատների պահպանումը, ինքնակազմակերպվածությունը, հայոց լեզվի, նախնիների հարուստ մշակութային ժառանգության փոխանցումը երիտասարդ սերնդին հեշտ գործ չէ։

«Բայց դուք կարողանում եք դա անել, և դա շատ մեծ ու կարևոր ձեռքբերում է: Հայաստանը միշտ բաց է ձեզ համար: Ռուսաստանը ձեզ համար դարձել է  երկրորդ հայրենիք, իսկ դուք նրա ակտիվ և օրինապահ քաղաքացիներն եք: Մեկ անգամ չէ, որ ես ասել եմ և չեմ վարանում նորից կրկնել` Սփյուռքի լավ հայը այն հայն է, ով իր կեցության երկրի օրինապահ քաղաքացին է, այդ երկրի քաղաքական, տնտեսական, մշակութային ու սոցիալական կյանքի ակտիվ մասնակիցը»,- ասել է Սարգսյանը։ -0-

Loading...
Թեմատիկ նյութեր
Բաժնի այլ նյութեր
22:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
02:05
01 Նոյեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
19:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
00:49
26 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
03:07
25 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
01:23
25 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
21:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
03:10
20 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
22:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
21:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
02:19
19 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
01:10
17 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: