484.68
+0.06
530.14
+2.1
8.5
-0.03
+11
Եղանակը Երևանում
Հայ
Ամերիկացի կոնգրեսականները կարծում են, որ Թուրքիան արգելակում է Հայաստանի հետ հարաբերությունների կարգավորման գործընթացը
13:29
31 Հուլիսի 2009

Դեմոկրատական և Հանրապետական կուսակցությունները ներկայացնող 82 ամերիկացի կոնգրեսականներ նամակ են հղել ԱՄՆ նախագահ Բարաք Օբամային, որում նշվում է, որ Թուրքիան չի կատարում Հայաստանի հետ առանց նախապայմանների հարաբերությունները կարգավորելուն ուղղված պարտավորությունները, հաղորդում է Ամերիկայի հայկական համագումարը:

Նամակը կազմվել է Կոնգրեսի հայկական հարցերի խմբի համանախագահներ Ֆրենք Փալոնեի և Մարկ Քիրքի, ինչպես նաև կոնգրեսականներ Ադամ Շիֆի և Ջորջ Ռադանովիչի ղեկավարությամբ:

«Մենք մեր մտահոգությունն ենք արտահայտում Թուրքիայի կողմից հայ-թուրքական հարաբերությունների կարգավորմանն ուղղված համաձայնեցված «ճանապարհային քարտեզի» արգելակման կապակցությամբ», - ասվում է նամակում:

Հիշեցնելով, որ ԱՄՆ-ն կողմ է առանց նախապայմանների և խելամիտ ժամկետներում հայ-թուրքական հարաբերություների նորմալացման քաղաքականությանը՝ ուղերձի հեղինակներն ընդգծել են, որ Հայաստանն այդ հարցում կառուցողական դիրքորոշում ունի, և մտահոգություն են արտահայտել Թուրքիայի հակակառուցողական գործողությունների կապակցությամբ:

Նամակում նաև նշվում է, որ ՀՀ կառավարությունը վաղուց է առաջարկել Թուրքիայի հետ հարաբերություններ հաստատել առանց նախապայմանների, այն դեպքում, երբ պաշտոնական Անկարայի հրապարակային հայտարարություններն ու գործողությունները կտրուկ տարբերվում են ձեռք բերված պայմանավորվածություններից և ձախողում են առանց նախապայմանների հարաբերությունների կարգավորմանն ուղղված ԱՄՆ-ի քաղաքականությունը:

Ամերիկայի հայկական համագումարի գործադիր տնօրեն Բրայան Արդունին բարձր է գնահատել կոնգրեսականների նախաձեռնությունը՝ նշելով, որ «Հայաստանը բազմիցս առաջարկել է կարգավորել հարաբերությունները Թուրքիայի հետ առանց նախապայմանների, սակայն ստացել է միայն կտրուկ մերժում թուրքական կողմից»:

«Մենք նաև աջակցում ենք կոնգրեսականների դիրքորոշմանն այն հարցում, որ ԱՄՆ վարչակազմը պետք է հստակ տարբերի հայ-թուրքական հարաբերությունների կարգավորման և Հայոց ցեղասպանության ճանաչման հարցերը», - ասել է Արդունին՝ ավելացնելով, որ հայ-թուրքական հարաբերությունները կարգավորումը չպետք է խոչընդոտի ԱՄՆ-ի կողմից Հայոց ցեղասպանության ճանաչմանը:

Ամերիկայի հայկական համագումարը ստեղծվել է 1972 թ.-ին և Վաշինգտոնում գործող խոշորագույն համազգային կազմակերպությունն է, որը զբաղվում է հայկական խնդիրներով:

Հայաստանի և Թուրքիայի արտգործնախարարությունները, ինչպես նաև Շվեյցարիայի արտաքին գործերի դաշնային դեպարտամենտը ապրիլի 22-ին հանդես են եկել հարաբերությունների կարգավորման վերաբերյալ համատեղ հայտարարությումբ, որում խոսվում է «ճանապարհային քարտեզի» սահմանման մասին:

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը փակ է 1993 թ.-ից՝ պաշտոնական Անկարայի նախաձեռնությամբ:

Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, ղարաբաղյան հակամարտության կարգավորման գործում ադրբեջանական դիրքորոշումներին Անկարայի աջակցության, ինչպես նաև Օսմանյան կայսրությունում 1915 թ.-ին տեղի ունեցած Հայոց ցեղասպանության միջազգային ճանաչման գործընթացի նկատմամբ Թուրքիայի կտրուկ արձագանքի հետ:

.Հարաբերություններում առաջին տեղաշարժերը նկատվեցին 2008 թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները:-0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: