487.29
-0.01
568.08
+2.76
8.23
+0.01
+6
Եղանակը Երևանում
Հայ
Լեռնային Ղարաբաղի հակամարտության վերսկսման հավանականությունը շատ մեծ է. ռուսաստանցի փորձագետ
17:07
27 Հուլիսի 2009

Ադբեջանաղարաբաղյան հակամարտության գոտում պատերազմի վերսկսման հավանակաանությունը շատ մեծ է, կարծում է Աշխարհաքաղաքական գիտությունների ռուսական ակադեմիայի նախագահության անդամ Արայիկ Սարգսյանը։

Նրա խոսքերով՝ գոյություն ունի երկու սցենար, որ կարող է ազդակ հաղորդել Լեռնային Ղարաբաղում պատերազմի վերսկսման գործընթացի զարգացմանը։

«Առաջին սցենարը պայմանավորված է ռուս-ադրբեջանական, իսկ երկրորդը՝ ադրբեջանաբրիտանական համագործակցությամբ»,- երկուշաբթի մամուլի ասուլիսում ասաց Սարգսյանը։

Փորձագետը նշեց, որ ադրբեջանառուսական համագործակցությունը համընկնում է ռուսական «Գազպրոմ» ընկերության շահերի հետ՝ էներգետիկ նախագծերի իրականացման հարցում։

Հունիսի վերջին կայացած  եռակողմ հանդիպման ընթացքում «Գազպրոմի» ղեկավար Ալեքսեյ Միլլերը և Ադրբեջանի պետական նավթային ընկերության ղեկավար Ռովնագ Աբդուլաևը պայմանագիր ստորագրեցին «Շահ-Դենիզ» հանքավայրից գազի մյուս գնորդների նկատմամբ ռուսական ընկերության առավելության վերաբերյալ ։ Հանդիպմանը կողմերը նաև ռուսական ընկերության կողմից Ադրբեջանից 500 մլն. խորանարդ մետր գազ գնելու պայմանավորվածություն ձեռք բերեցին հաջորդ  տարվա հունվարի մեկից՝ ծավալի հետագա  մեծացման հեռանկարով։

Սարգսյանը վստահ է, որ Ռուսաստանը վերջին հաշվով շահագրգռված է Ադրբեջանի նավթային հանքավայրերի ձեռքբերումով, ինչը նվազեցնում է նրա հետաքրքրվածությունը ղարաբաղյան հակամարտության կարգավորման գործում։

«Քանի դեռ Ռուսաստանում չի մշակվել արտաքին քաղաքականության հստակ ռազմավարություն, հակամարտության վերսկսումն Արցախում հավանական է 90 տոկոսով»,- նշեց Սարգսյանը։

Ըստ նրա՝ ղարաբաղյան հակամարտության վերսկսման երկրորդ սցենարը պայմանավորված է բրիտանական նավթային «Բրիթիշ Պետրոլիում» հսկայի շահերով։

«Պատահական չէ, որ երբ հուլիսի 13-ին Անկարայում ստորագրվեց միջկառավարական պայմանագիր «Նաբուկո» նախագծի իրականացման վերաբերյալ, Ադրբեջանի նախագահը գտնվում էր Լոնդոնում և նրա թույլտվությամբ սկսեց սպառնալ հայերին ղարաբաղյան պատերազմի վերսկսմամբ»,- նշեց փորձագետը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։