478.82
+0.2
557.59
+7.08
8.14
+0.04
+23
Եղանակը Երևանում
Հայ
Երկկողմ հարաբերությունների կարգավորմանը վերաբերող որևէ փաստաթուղթ Հայաստանի և Թուրքիայի միջև դեռ չի ստորագրվել. ԱԳՆ
10:36
21 Հուլիսի 2009

Երկկողմ հարաբերությունների կարգավորմանը վերաբերող որևէ փաստաթուղթ Հայաստանի և Թուրքիայի միջև դեռ չի ստորագրվել, երկուշաբթի Եվրամիության «Եռյակի» պատվիրակության հետ բանակցություններից հետո կազմակերպված ճեպազրույցի ժամանակ ասել է ՀՀ ԱԳ նախարար Էդվարդ Նալբանդյանը:

«Հայաստանի և Թուրքիայի միջև որևէ փաստաթուղթ չի ստորագրվել, կա միայն ճանապարհային քարտեզը», - ասել է Նալբանդյանը:

Նա ընդգծել է, որ չկա նաև որևէ համաձայնագիր պատմաբանների հայ-թուրքական համատեղ հանձնաժողովի ստեղծման մասին:

«Բազմիցս հայտարարվել է, որ եթե երկու կողմերը համաձայնության գան և ստորագրվեն համապատասխան փաստաթղթեր, ապա խոսքը հարաբերությունների կարգավորման, դիվանագիտական կապերի հաստատման, սահմանների բացման և միջկառավարական հանձնաժողովի ստեղծման մասին կլինի, որը կզբաղվի տարբեր հարցերով, այդ թվում նաև երկու երկրների ժողովուրդների միջև վստահության վերականգնման հարցերով», - ասել է Նալբանդյանը:

Ինչ վերաբերում է նման պայմանավորվածությունների ձեռքբերման հնարավոր ժամկետների մասին, ապա ինչպես նշել է նախարարը, «ինքը բավականին լավատես է»:

«Միշտ անհրաժեշտ է լավատեսորեն տրամադրվել, կարծում եմ, որ երկու կողմերի կողմից հարաբերությունների հաստատմանը գնալու հնարավորությունը դեռևս կորսված չէ, և դա բխում է ոչ միայն երկու ժողովուրդների և պետությունների, այլև ողջ տարածաշրջանի շահերից, և չկա երկիր, որ չողջունի այս գործընթացը», - ասել է Նալբանդյանը:

Ինչպես նշել է դիվանագետը, հայ-թուրքական երկխոսության հաստատման շուրջ որոշակի դժգոհություն էր նկատվում ադրբեջանական կողմից, սակայն նրա կարծիքով, «դա այդքան էլ խելամիտ չէ, քանի որ հայ-թուրքական հարաբերությունների կարգավորումը բարենպաստ կերպով կանդրադառնա ողջ տարածաշրջանի վրա, իսկ Ադրբեջանը մեր տարածաշրջանի մասնիկն է»:

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը պաշտոնական Անկարայի նախաձեռնությամբ փակ է 1993 թվից։

Հարաբերություններում առաջին տեղաշարժերը նկատվեցին 2008 թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։

Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դաշնային դեպարտամենտն ապրիլի 23-ի գիշերը հարաբերությունների կարգավորման համատեղ հայտարարություն են արել: Հայտարարության մեջ ասվում է, որ կողմերը համաձայնության են հանգել իրենց երկկողմ հարաբերությունների կարգավորման համապարփակ շրջանակի շուրջ երկու կողմերին գոհացնող կերպով: Այս համատեքստում սահմանվել է ճանապարհային քարտեզ:-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: