487.98
-0.05
577.67
+5.94
8.09
-0.1
+3
Եղանակը Երևանում
Հայ
Ավելի քան 300 սփյուռաքահայ երիտասարդ «Արի տուն» ծրագրին մասնակցելու հայտ է ներկայացրել
14:36
14 Հուլիսի 2009

Արդեն ավելի քան 300 սփյուռքահայ երիտասարդ «Արի տուն» ծրագրին մասնակցելու հայտ է ներկայացրել, երեքշաբթի «Նովոստի» միջազգային մամուլի կենտրոնում տեղի ունեցած մամուլի ասուլիսի ժամանակ ասաց ՀՀ սփյուռքի նախարարության «Արի տուն» ծրագրի ղեկավար Ժենյա Ազիզյանը:

ՀՀ սփյուռքի նախարարությունը մի շարք հասարակական կազմակերպությունների կառույցների հետ մշակել և գործարկել է «Արի տուն» ծրագիրը, որը նախատեսում է տարբեր երկրներում ստեղծել երիտասարդների խմբեր, որոնց մասնակիցները կկարողանան այցելել Հայաստան և բնակվել հայկական ընտանիքներում: Ծրագրին կարող են մասնակցել հայկական սփյուռքի 14-25 տարեկան ներկայացուցիչներ: Ծրագիրը նպատակ ունի ակտիվացնել պատանիների և երիտասարդների այցերը Հայաստան, որտեղ նրանք կբնակվեն հայկական ընտանիքներում, կկարողանան գտնել իրենց ընկերներին և մտերիմներին, ծանոթանալ ավանդույթներին ու կենցաղին:

Ինչպես նշեց Ազիզյանը, ծրագրում ներկայացված երկրների շրջանակը բավականին լայն է և ներառում է 14-25 տարեկան երիտասարդներ այնպիսի երկրներից, ինչպիսիք են Եգիպտոսը, Սիրիան, Իրանը, Թուրքիան, Վրաստանը, Ֆրանսիան, Ռուսաստանը, Ուկրաինան:

Միաժամանակ նա ընդգծեց, որ ամեն օր նախարարությունը շարունակում է ստանալ մինչև տասը հայտ՝ ավելացնելով, որ ծրագրին մասնակցելու համար չկան որևէ աշխարհագրական սահմանափակումներ:

«Թեպետ ծրագրի համաձայն՝ նախատեսվում է սփյուռքից ընդունել շուրջ 500 երեխայի, մենք չենք ուզում ոչ ոքի մերժել և հույս ունենք, որ հովանավորների ներգրավման հաշվին՝ կկարողանանք ապահովել բոլոր ցանկացողների այցելությունը», - ասաց Ազիզյանը:

Նա հիշեցրեց, որ պետությունը բյուջետային միջոցների հաշվին հոգում է Հայաստանում ծրագրի մասնակիցների կացության բոլոր ծախսերը՝ ներառյալ մուտքի արտոնագիրը, տրանսպորտը, թանգարանների և պատմական հուշարձանների այցելությունները:

«Հուլիսի 15-ին մեկնարկող առաջին փուլի ժամանակ երեխաները կտեղավորվեն ընդունող ընտանիքներում՝ Երևանում, Արարատի, Արմավիրի, Արագածոտնի և Կոտայքի մարզերում, իսկ ապագայում ծրագրվում է ընդլայնել երեխաների տեղավորման հնարավորությունները Հայաստանի բոլոր մարզերում և Ղարաբաղում և նույնիսկ քննարկվում է երեխաներին պատմական Հայաստանի տարածքում տեղավորելու հնարավորությունը», - ասաց Ազիզյանը:

Ծրագրի ղեկավարը նշեց, որ արդեն գրանցվել է ավելի քան 500 ընտանիք, որոնք անհատույց պատրաստ են երկու շաբաթով ընդունել սփյուռքի երիտասարդներին:

Նրա խոսքերով, ընտանիքների բոլոր կոմունալ և սոցիալական պայմանները հատուկ ստուգում են անցնում, որպեսզի ընտանիքը, առաջին հերթին, ի վիճակի լինի հոգալ համապատասխան ծախսերը, ինչպես նաև, որպեսզի ապահովվեն անհրաժեշտ նվազագույն կոմունալ պայմանները:

«Մենք չենք պատրաստվում գունազարդել Հայաստանի մասին սփյուռքի երիտասարդների պատկերացումը՝ փորձելով նրանց ներկայացնել միայն լավ ապահոված ընտանիքները, ինչի կապակցությամբ կացության պայմանները բոլորի համար տարբեր կլինեն և կհամապատասխանեն ժամանակակից հայկական իրողություններին», - ասաց Ազիզյանը:

Կառավարության կողմից հաստատված ծրագրի համաձայն՝ 2009 թ.-ին «Արի տուն» ծրագրի իրագործման համար պետբյուջեից հատկացվել է ավելի քան 68 հազար դոլար (25 միլիոն դրամ):

Ծրագիրն իրագործում է ՀՀ սփյուռքի նախարարությունը՝ իշխանության տեղական մարմինների համագործակցությամբ, ինչպես նաև ՀՀ մշակույթի նախարարության և Մայր Աթոռ Սուրբ Էջմիածնի աջակցությամբ:

Ծրագրի հովանավորներն են Ամերիկայի իրաքահայերի միությունը, Երևանի կոնյակի գործարանը, «ԱրմենՏել» (ապրանքանիշը՝ Beeline) հայկական հեռահաղորդակցական ընկերությունն ու VivaCell-MTS բջջային օպերատորը:-0-

Loading...
Թեմատիկ նյութեր
Բաժնի այլ նյութեր
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։