478.23
-0.15
574.4
+0.97
8.26
+0.03
+29
Եղանակը Երևանում
Հայ
Ղարաբաղի վերաբերյալ ՌԴ, ԱՄՆ և Ֆրանսիայի նախագահների համատեղ հայտարարությունը ձեռնտու է ԼՂՀ–ի և Հայաստանի համար. ՀՀԿ
20:25
11 Հուլիսի 2009

Ղարաբաղի վերաբերյալ ՌԴ, ԱՄՆ և Ֆրանսիայի նախագահների համատեղ հայտարարությունը հավասարակշռված է և ձեռնտու է Հայաստանի, Լեռնային Ղարաբաղի Հանրապետության և Ղարաբաղի ժողովրդի համար, «Նովոստի–Արմենիա» գործակալությանը տված հարցազրույցում ասաց իշխող Հայաստանի Հանրապետական կուսակցության խորհրդարանական խմբակցության քարտուղար Էդուարդ Շարմազանովը:

Ռուսաստանի, ԱՄՆ–ի և Ֆրանսիայի նախագահներ Դմիտրի Մեդվեդևը, Բարաք Օբաման և Նիկոլյա Սարկոզին նախօրեին հանդես են եկել հայտարարությամբ, որում ասվում է, որ Երևանին և Բաքվին կներկայացվի Լեռնային Ղարաբաղի վերաբերյալ վերջին առաջարկությունների տարբերակը:

Նրա խոսքերով՝ հայտարարության մեջ նշված մադրիդյան սկզբունքները, որոնց մասին խոսվում է 2007 թ.–ից, և դրանց թարմացված տարբերակը ցույց են տվել, որ ՀՀ նախագահ Սերժ Սարգսյանի վարած արտաքին քաղաքականությունը բավականին շահավետ է, քանի որ այնտեղ ակնհայտ են հստակ կետեր, որոնց մասին բազմիցս խոսել է հայկական կողմը:

«Նախ` թարմացված տարբերակում հստակ խոսվում է Լեռնային Ղարաբաղի անկախության փաստացի ամրագրման մասին, երկրորդ` նախատեսվում է հանրաքվեի միջոցով ԼՂՀ ժողովրդի ինքնորոշման իրավունքի իրագործումը, այսինքն՝ Լեռնային Ղարաբաղի դե–ֆակտո գոյություն ունեցող իրավական կարգավիճակի դե–յուրե սահմանումը», – ընդգծեց խմբակցության քարտուղարը:

Բացի այդ, նրա խոսքերով, փաստաթղթում նշվում է Հայաստանի և Լեռնային Ղարաբաղի միջև ընդհանուր սահմանի առկայության անհրաժեշտությունը:

«Մի բան էլ, ինչի մասին մշտապես խոսել է հայկական կողմը, այն է, որ պետք է ապահովվի Լեռնային Ղարաբաղի անվտանգության և պատերազմի չվերսկսման երաշխիքը, ինչը ևս չափազանց կարևոր է», – ընդգծես Շարմազանովը:

Նրա խոսքերով՝ այն փաստը, որ ադրբեջանական կողմը՝ Վաֆա Գուլուզադեի (ադրբեջանցի քաղաքագետ – «Նովոստի–Արմենիա») գլխավորությամբ աղմուկ բարձրացրեց՝ պնդելով, որ խնդիրը չի կարելի լուծել հայտարարությունների միջոցով, խոսում է այն մասին, որ երեք նախագահների հայտարարությունը շահավետ է հայկական կողմի համար:

Շարմանազովն ավելացրեց, որ այն ընդդիմադիր ուժերը, որոնք չտեսնելով և չիմանալով «մադրիդյան սկզբունքների» մասին՝ հանդես էին գալիս քննադատական հայտարարություններով, այժմ կարող են համոզվել, որ «մադրիդյան սկզբունքների» վրա հիմնված բանակցությունների գլխավոր հարցը Լեռնային Ղարաբաղի անկախության հարցն է, ինչի մասին խոսել է ՀՀ նախագահը:

«Նախագահների հայտարարությունն արդեն որոշադի դրական ազդակ է հաղորդել, և կարծում եմ, որ այս գործընթացը շարունակական պետք է լինի: Մենք գիտենք, թե ինչ են իրենց մեջ ներառում «մադրիդյան սկզբունքները», և, ամենակարևորը, որ ղարաբաղյան հարցի վերաբերյալ Հայաստանի իշխանությունների արտաքին քաղաքականությունն արդարացված է», – ընդգծեց խմբակցության քարտուղարը:

Հայտարարության մեջ նախագահները հանձնարարում են իրենց միջնորդներին Ադրբեջանի և Հայաստանի նախագահներին ներկայացնել 2007 թվականի նոյեմբերի 29-ի մադրիդյան փաստաթղթի թարմացված տարբերակը, որը պարունակում է համանախագահների հիմնական սկզբունքների ձևակերպումների վերաբերյալ վերջին առաջարկությունները:

 «Մենք կոչ ենք անում Ադրբեջանի և Հայաստանի նախագահներին վերացնել իրենց միջև առկա որոշ տարաձայնությունները և ավարտել այդ հիմնական սկզբունքների համաձայնեցումը, որը կկազմի կարգավորման համապարփակ ծրագիրը»,- ասվում է Աքվիլայում ընդունված փաստաթղթում:

Հայտարարությունում Դմիտրի Մեդվեդևը, Բարաք Օբաման և Նիկոլյա Սարկոզին հաստատել են «Ադրբեջանի և Հայաստանի ղեկավարներին՝ նրանց կողմից ղարաբաղյան հակամարտության կարգավորման հիմնական սկզբունքների համաձայնեցումն ավարտելու գործում օժանդակություն ցուցաբերելու պարտավորությունը»։

Դիվանագիտական աղբյուրներից «Նովոստի–Արմենիա» գործակալության ունեցած տեղեկատվության համաձայն՝ «մադրիդյան առաջարկությունները», որոնց մասին խոսվում է երեք նախագահների համատեղ հայտարարության մեջ, նախատեսում են հանրաքվեի միջոցով ԼՂՀ ժողովրդի ինքնորոշման իրավունքի իրագործումն ու Լեռնային Ղարաբաղի Հանրապետության անկախության իրավական ամրագրումը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին:

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց:

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ:

 1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները: Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը:

Զինադադարի ռեժիմի մասին համաձայնությունը պահպանվում է մինչ այժմ:

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան:-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: