483.75
+0.09
568.65
+1.41
8.21
+0.06
+2
Եղանակը Երևանում
Հայ
ՀՀ նախագահը հայ-բրազիլական համագործակցության զարգացման մեծ ներուժ է տեսնում
18:44
10 Հուլիսի 2009

ՀՀ նախագահ Սերժ Սարգսյանը հայտարարել է, որ հայ-բրազիլական հարաբերությունների հետագա զարգացման համար մեծ ներուժ կա:

Ինչպես «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից, այս մասին նախագահն ասել է Բրազիլիայի նորանշանակ դեսպան տիկին Մարսելա Մարիա Նիկոդեմոսից հավատարմագրերն ընդունելու ժամանակ:

Շնորհավորելով դեսպանին պաշտոնը ստանձնելու առթիվ՝ ՀՀ նախագահն ասել է, որ Հայաստանը շահագրգռված է խորացնել հարաբերությունները Բրազիլիայի հետ, և դրա համար կան լուրջ հիմքեր ու մեծ ներուժ:

Սարգսյանի խոսքերով, կարելի է թվարկել առնվազն չորս նախադրյալ, որոնք թույլ են տալիս ընդլայնել հայ-բրազիլական փոխգործակցությունը:

Մասնավորապես, ՀՀ նախագահի խոսքով, երկու երկրները չունեն տարաձայնություններ, Բրազիլիան հզոր երկիր է` հզոր տնտեսությամբ, երկու երկրներում արտադրվում են ապրանքներ, որոնք կարող են պահանջարկ ունենալ միմյանց շուկաներում, և վերջապես` Հայաստանը և Բրազիլիան կապող կարևորագույն օղակ է բրազիլահայ համայնքը:

ՀՀ նախագահը շնորհակալություն է հայտնել այդ երկրի կառավարությանը` ստեղծած բոլոր այն հնարավորությունների համար, որոնք հայկական համայնքի ներկայացուցիչներին թույլ են տվել հաստատվել, զարգանալ` պահպանելով ազգային ինքնությունն ու մշակույթը:

«Մենք մշտապես երախտապարտ ենք բոլոր այն երկրներին, որոնք մեր ժողովրդի համար ծանր պահերին ձեռք են մեկնել, բարենպաստ պայմաններ ստեղծել ապրելու ու արարելու համար» - ընդգծել է երկրի ղեկավարը:

Դեսպան Նիկոդեմոսն իր հերթին գոհունակությամբ նշել է, որ Բրազիլիան առաջին լատինաամերիկյան երկիրն է, որ դեսպանատուն է բացել Հարավային Կովկասում` մասնավորապես` Հայաստանում: Դիվանագետի խոսքերով, Բրազիլիան մտադիր է  գործուն քայլեր ձեռնարկել համագործակցությունը զարգացնելու ուղղությամբ:

Նա հատուկ ընդգծել է ոչ մեծաթիվ, սակայն ներկայանալի բրազիլահայ համայնքի ներդրումը երկրի զարգացման գործում: Կողմերը համակարծիք են եղել, որ վերջին տարիների ընթացքում Հայաստանի և Բրազիլայի միջև ապրանքաշրջանառությունը տպավորիչ աճ է արձանագրել՝ կարևորելով հետագա աշխատանքն այդ ուղղությամբ:

ՀՀ նախագահ Սարգսյանը ողջունել է նաև երկու երկրների արդյունավետ գործակցությունը միջազգային կառույցների շրջանակում և Բրազիլիայի հավասարակշիռ մոտեցումը տարածաշրջանի զգայուն խնդիրների նկատմամբ:

Սարգսյանը վստահեցրել է, որ դեսպանն իր պաշտոնավարման ընթացքում ամենայն աջակցություն կստանա Հայաստանի պետական կառավարման մարմինների կողմից:

Բրազիլիայի հետ Հայաստանի արտաքին առևտրաշրջանառությունը 2009 թ.-ի հունվար-մայիս ամիսներին ավելացել է 7,6 տոկոսով և կազմել է 22,7 միլիոն դոլար: ՀՀ Ազգային վիճակագրական ծառայության տվյալների համաձայն՝ նշված ժամանակահատվածում Հայաստանից դեպի Բրազիլիա արտահանում չի կատարել, այն դեպքում, երբ նախորդ տարվա նույն ժամանակահատվածում այդ ցուցանիշը կազմել էր 151,2 հազար դոլար:

Հայաստան ներկրված բրազիլական արտադրության ապրանքների ծավալը հաշվետու ժամանակաշրջանում կազմել է 22,7 միլիոն դոլար՝ ավելանալով 8,4 տոկոսով: Միաժամանակ Բրազիլիայի տարածքից իրականացված ներկրման ընդհանուր ծավալը կազմել է 2,98 միլիոն դոլար (76,2 տոկոսի աճ):-0-

Loading...
Թեմատիկ նյութեր
Բաժնի այլ նյութեր
18:25
22 Նոյեմբերի 2017
Էրդողանը կարծում է, որ Պուտինն ի վիճակի է կարգավորել ղարաբաղյան հակամարտությունը
Ռուսաստանն ի վիճակի է կարգավորել ղարաբաղյան հիմնախնդիրը, հայտարարել է Թուրքիայի նախագահ Ռեջեփ Թայիփ Էրդողանը:
19:24
20 Նոյեմբերի 2017
ՌԴ ԱԳ նախարարը ժամանեց Երևան (ՖՈՏՈ)
ՌԴ ԱԳ նախարար Սերգեյ Լավրովը ժամանեց Երևան։
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։