478.42
-0.15
561.67
-0.12
8.1
+0.05
+24
Եղանակը Երևանում
Հայ
Կոմիի դատարանը բավարարել է մեկուսարաններում կացության պայմանների վերաբերյալ ՀՀ քաղաքացու բողոքը
13:02
07 Հուլիսի 2009

Կոմիի դատարանը բավարարել է ՀՀ քաղաքացի Աշոտ Կիրակոսյանի բողոքը, որը վերաբերում էր երկու ոստիկանական մեկուսարաններում նրա կացության տանջալի պայմաններին, «Նովոստի-Արմենիա» գործակալությանը տեղեկացրեցին Կոմիի «Մեմորիալ» իրավապաշտպան կազմակերպությունից:

Կոմիի Հանրապետության Գերագույն դատարանը նախօրեին ավարտել է քաղաքացիական գործի քննությունը, որի շրջանակներում ՀՀ քաղաքացին վիճարկում էր Կոմիի Հանրապետության ոստիկանության մարմինների գործողությունները, տեղեկացրեցին գործակալությանը:

Սպասելով ՌԴ-ից վտարվելուն՝ հայցվորն ավելի քան չորս ամիս, նախորդ տարվա հունիսի 26-ից մինչև նոյեմբերի 8-ը, գտնվել է Սիկտիվկար քաղաքի Ներքին գործերի վարչության ոստիկանական հատուկ մեկուսարանում:

«Գերագույն դատարանն աջակցել է Սիկտիվկարի դատավոր Իվան Օլեյնիկին, ով ընդունել է, որ հատուկ մեկուսարանում միգրանտի կացության պայմանները խախտել են Մարդու իրավունքների պաշտպանության վերաբերյալ Եվրոպական կոնվենցիայի 3-րդ հոդվածը, որն արգելում է խոշտանգումները: Դատարանը նաև ընդունել է, որ հայցվորը 2008թ.-ի հունիսին երկու օր շարունակ անօրինական պահվել է Կոմիի Պրիլուզկի շրջանի Ներքին գործերի բաժնի ժամանակավոր մեկուսարանում», - տեղեկացրեցին «Մեմորիալ» իրավապաշտպան կազմակերպությունից:

Դատարանում Կիրակոսյանի շահերի պաշտպանությունը կազմակերպել էին «Քաղաքացիական աջակցություն» Միգրանտների աջակցության մոսկովյան կոմիտեն և Կոմիի «Մեմորիալ» իրավապաշտպան առաքելությունը: 

2008թ.-ի հունիսի 24-ին Պրիլուզսկի շրջանային դատարանը վճռել էր վտարել Աշոտ Կիրակոսյանին Հայաստան՝ Ռուսաստանի տարածքում օտարերկրյա քաղաքացիների գտնվելու իրավունքների խախտման համար: Երկու օր անց դատարանի թույլտվությամբ Կիրակոսյանը տարվել էր Սիկտիվկարի ՆԳՎ-ին առընթեր վարչական իրավախախտումների համար ձերբակալված անձանց հատուկ մեկուսարան:

Մոտավորապես երեք ամիս անց այս դեպքի մասին տեղեկացել են «Մեմորիալ» կազմակերպությունում: Իրավապաշտպաններին վրդովվեցրել էր այն փաստը, որ օտարերկրյա քաղաքացուն երկար ժամանակ պահում են ոստիկանության հաստատությունում, որը նախատեսված է 15 օրից ոչ ավել ազատազրկման համար: «Քաղաքացիական աջակցություն» կոմիտեի օգնությամբ հաջողվել է կազմակերպել սիկտիվկարցի փաստաբան Վլադիսլավ Կոսնիրևի և ձերբակալվածի հանդիպումը:

2008 թ.-ի հոկտեմբերի 23-ին Կոմիի «Մեմորիալ» իրավապաշտպանության կազմակերպությունը դիմել է Մոսկվայում Հայաստանի հյուպատոս Հայկ Հակոբյանին: Իրավապաշտպանները կարծիք են հայտնել, որ հատուկ մեկուսարանում Կիրակոսյանի կացության պայմանները ստորացնում են նրա մարդկային արժանապատվությունը, ինչով խախտվում է Մարդու իրավունքների պաշտպանության վերաբերյալ Եվրոպական կոնվենցիայի 3-րդ հոդվածը: Միաժամանակ «Մեմորիալը» հղում է արել 2006թ.-ին ընդունված «Կայենը ընդդեմ Հունաստանի» գործի վերաբերյալ Մարդու իրավունքների եվրոպական դատարանի վճռին:

Այդ որոշման մեջ Ստրասբուրգի դատարանն աջակցել է Խոշտանգումների կանխարգելման եվրոպական կոմիտեի դիրքորոշմանը, որի համաձայն՝ ոստիկանական մեկուսարանները նախատեսված չեն մի քանի ամիս շարունակ միգրանտներին պահելու համար: «Մեմորիալը» խնդրել է հյուպատոսին կազմակերպել իր հայրենակցի իրավունքների պաշտպանությունը:

Հյուպատոսին դիմելն արագացրել է Կիրակոսյանի վտարումը: Նա վտարվել է Ռուսաստանից արդեն նոյեմբերի 8-ին: Սիկտիվկարից մեկնելու նախօրեին Կիրակոսյանը դատարան է ներկայացրել հայց, որում կասկածի տակ է դրել պայմանների օրինականությունը, որոնցում նա պահվել է ավելի քան չորս ամիս:

«2009թ.-ի մարտի 4-ին Սիկտիվկարի քաղաքային դատարանի դատավոր Իվան Օլեյնիկովը վճիռ է կայացրել Կիրակոսյանի բողոքի կապակցությամբ: Միլիցիան չի կարողացել հերքել հայցվորի փաստարկն այն մասին, որ վատ սարքավորված հատուկ մեկուսարանում նման երկար կացությունը մարդկային արժանապատվությունը ստորացնող վերաբերմունք է», - ասվում է տեղեկատվության մեջ:

Նշելով մեկուսարանում նեղվածքի և վատ լուսավորության, սպիտակեղենի, երեքանգամյա սնունդի բացակայության և մի շարք այլ բացթողումների վրա՝ դատարանը վճռել է, որ ՀՀ քաղաքացու նկատմամբ խախտվել է Մարդու իրավունքների պաշտպանության մասին Եվրոպական կոնվենցիայի 3-րդ հոդվածը:

Դատարանը նաև վճռել է, որ կոնվենցիայի 3-րդ հոդվածը խախտվել է նաև Պրիլուզկի շրջանի Ներքին գործերի բաժնի ժամանակավոր մեկուսարանում ՀՀ քաղաքացու երկօրյա կացության ժամանակ (2008թ.-ի հունիսի 24-ից 26-ը), որտեղ նա տարվել է, ըստ դատավոր Օլեյնիկի, առանց որևէ օրինական հիմնավորումների:

Կոմիի Հանրապետության ՆԳՆ-ն և Պրիլուզսկի շրջանի Ներքին գործերի բաժինը վիճարկել են քաղաքային դատարանի վճիռը Վճռաբեկ դատարանում: Սակայն Կոմիի Հանրապետության Գերագույն դատարանը հիմքեր չի գտել դատավոր Իվան Օլեյնիկի վճիռը վերանայելու համար:

«Կիրակոսյանի գործով դատավարության ֆոնի ներքո՝ վտարմանը ենթակա օտարերկրացիների կացության պայմանները Սիկտիվկարի ՆԳՎ-ի հատուկ մեկուսարանում բարելավվել են: Նրանց հատկացրել են լավ նորոգված բանտախուց, սկսել են պարբերաբար դուրս հանել զբոսնելու, ինչպես նաև տրամադրել են սպիտակեղեն: Այնուամենայնիվ, Խոշտանգումների կանխարգելման եվրոպական կոմիտեի հետ միասին մեր կազմակերպությունը պնդում է, որ վարչական բանտը չպետք է օգտագործվի ՌԴ-ում կացության իրավունքները խախտած անձանց պահելու համար: Այս դիրքորոշումը «Մեմորիալի» իրավաբանները պաշտպանելու են մեկ այլ քաղաքացիական գործի ժամանակ, որը հարուցվել է Վրաստանի քաղաքացի Գոչի Գալոգրեի բողոքի հիման վրա, ով արդեն շուրջ չորս ամիս է հատուկ մեկուսարանում սպասում է ՌԴ-ից վտարման», - ավարտված դատական գործընթացը մեկնաբանել է «Մեմորիալ» կազմակերպության ներկայացուցիչ Իգոր Սաժինը:-0-

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։