486.78
+0.12
515.5
+2.27
8.41
+0.01
-2
Եղանակը Երևանում
Հայ
Երևան-Բաթումի կանոնավոր գնացքը կգործի հուլիսի 15-ից մինչև սեպտեմբերի 15-ը. ՀԿԵՈՒ
16:18
02 Հուլիսի 2009

Երևան-Բաթումի ուղղությամբ կանոնավոր գնացքը կսկսի երթևեկել հուլիսի 15-ից մինչև սեպտեմբերի 15-ը, հինգշաբթի «Նովոստի» միջազգային մամուլի կենտրոնում մամուլի ասուլիսի ժամանակ ասաց «Հարավկովկասյան երկաթուղի» ՓԲԸ գլխավոր տնօրենի առաջին տեղակալ Մարատ Խակովը:

Նրա խոսքերով, գնացքը կմեկնի Երևանից կենտ օրերին Երևանի ժամանակով 22.00-ին և հաջորդ օրը կհասնի Բաթումի Վրաստանի ժամանակով 16.00-ին: Ընդ որում այս տարի 1 ժամ 20 րոպեով կկրճատվի գնացքի` ճանապարհին լինելու ժամանակը: 

Խակովը հայտնեց նաև, որ ՀԿԵՈՒ ուղևորատար գնացքի հիմնանորոգում է անցկացվել, որի շնորհանդեսը կկայանա հուլիսի 8-ին:

«Վագոնների ներկայիս վիճակը կբավարարի բոլոր ուղևորներին, ընդ որում փոխադրման արժեքը չի փոփոխվի, տոմսի արժեքը երկտեղանոց վագոնում շուրջ 20-21 հազար դրամ կլինի /55-58 ԱՄՆ դոլար/, իսկ կուպեում` 9-10 հազար դրամ /25-27 ԱՄՆ դոլար/»,- ասաց Խակովը` հավելելով, որ ընդհանուր վագոններ չի նախատեսվում:

Նրա խոսքերով, ուղևորներին գնացքում կառաջարկվի սնունդ և անկողնային սպիտակեղեն, ինչպես նաև կմատուցվեն այն բոլոր ծառայությունները, որ կկամենա ինքը ուղևորը` թերթեր, ըմպելիք, խաղեր` նարդի, շախմատ, իսկ վագոնի իրադրությունը նման կլինի տնայինին: 

ՀԿԵՈՒ ներկայացուցիչը հայտնեց, որ գնացքին կմիացվի նաև VIP-վագոն կամ մեծ հարմարավետություն ունեցող սրահ` նախատեսված 7 մարդու համար, որում վագոնի կեսը զբաղեցնում են բարն ու ռեստորանը: Այնտեղ դրված է նաև մեծ սեղան ու հեռուստացույց, երկտեղանոց մահճակալներ: Վագոնի արժեքն ընդհանուր առմամբ 500 հազար դրամ է կազմում սնունդի և խմիչքների կազմակերպմամբ: 

Ընդ որում, նա նշեց, որ նման վագոնով մեկնելու հետաքրքրություն արդեն ցուցաբերել են բիզնեսի և կոմերցիոն կազմակերպությունների ներկայացուցիչները:

Իր հերթին ՀԿԵՈՒ ուղևորափոխադրումների տնօրինության պետ Սամվել Ղալեչյանը նշեց, որ ուղևորների սահմանային ստուգումները վրացի սահմանապահների հետ պայմանավորվածության համաձայն կանցկացվի գնացքի ընթացքին զուգահեռ: 

 

Նա հատկապես նշեց, որ այս տարի վրացական կողմը անձնագրերի պարտադիր ներկայացում է պահանջել անչափահասների համար, ինչպես նաև սննդամթերքի տեղափոխման որոշակի սահմանափակումներ, որոնց ցուցակը տվյալ պահին հստակեցվում է: 

«Սնունդի ներկրման համար արգելված տեսակների ցուցակը հնարավորինս կհստակեցնենք արդեն երկաթուղային դրամարկղերում տոմսերը գնելիս և պետք է որ դժվարություններ առաջ չգան հայ ուղևորների` Վրաստանում հանգստանալու առնչությամբ»,- ասաց Ղալեչյանը: 

Նա հայտնեց նաև, որ մինչև 5 տարեկան երեխաների փոխադրումն անվճար կլինի, 5-10 տարեկան երեխաներին զեղչով տոմս կհասնի, իսկ 10 տարեկանից բարձր երեխաների համար արդեն անհրաժեշտ կլինի վճարել տոմսի ամբողջական արժեքը: 

Միևնույն ժամանակ Ղալեչյանն ընդգծեց, որ այն ուղևորները, ում անձնագրերում դրված է Ադլերի հսկիչ անցակետի մուտքի կամ ելքի մասին կնիքը, չեն կարող մտնել Վրաստանի տարածք: 

Նա տեղեկացրեց նաև, որ 2008թ.-ի ողջ ամառային ժամանակահատվածում Երևան-Բաթումի ուղղությամբ տեղափոխվել է 8600 մարդ 2007 թ.-ի նույն ժամանակհատվածի 12200-ի փոխարեն, ինչը պայմանավորված է Վրաստանում օգոստոսյան իրադարձություններով, որոնց առնչությամբ օգոստոսի 15-ից գնացքն այդ ուղղությամբ դադարեց երթևեկել: 

«Այս տարի մենք պատրաստ ենք մեկանգամյա երթով մինչև 500 ողևոր տեղափոխել 12 վագոնից կազմված գնացքով և անհրաժեշտության դեպքում ավելացնել ընդհանուր վագոններ»,- ասաց Ղալեչյանը: 

Երևան-Բաթումի ուղղությունը գործարկվում է հիմնականում ամռանը Վրաստանի սևծովյան հանգստավայրեր մեկնող հայ զբոսաշրջիկների համար:

«Հարավկովկասյան երկաթուղիներ» ՓԲԸ-ն «Ռուսական երկաթուղիներ» ԲԲԸ-ի 100 տոկոսանոց դուստր ընկերությունն է, որը հուլիսի 1-ից իրականացնում է Հայկական երկաթուղիների կոնցեսիոն կառավարումը։-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։