486.32
+0.4
519.1
+4.61
8.21
+0.05
-1
Եղանակը Երևանում
Հայ
Եվրոպական կինոյի օրեր կանցկացվեն «Ոսկե ծիրան» կինոփառատոնի շրջանակներում
17:21
30 Հունիսի 2009

ԵՐԵՎԱՆ, 30 հունիսի. /Նովոստի-Արմենիա/. «Ոսկե ծիրան» երևանյան միջազգային կինոփառատոնի շրջանակներում կանցկացվեն եվրոպական կինոյի օրեր, երեքշաբթի լրագրողներին հայտնեց կինոփառատոնի գեղարվեստական ղեկավար Սուսաննա Հարությունյանը։  

«Այս տարի, ինչպես և նախորդ տարիներին, մենք կունենանք եվրոպական ֆիլմերի ծրագիր, որը կոչվում է «Մեկ օր Եվրոպայում»։ Այս ծրագրում ընդգրկված են ֆրանսիացի, լեհ, հոլանդացի և գերմանացի ռեժիսորների աշխատանքները»,- ասաց Հարությունյանը։

Նա նաև նշեց, որ փառատոնի արդեն ձևավորված ձևաչափով կանցկացվեն տարբեր երկրների օրեր։

«Եվրոպական կինեմատոգրաֆի օրերի անցկացումն ավանդույթ է։ Հուլիսի 14-ին կանցկացվի «ֆրանսիական օր», հուլիսի 16-ին՝ «լեհական», հուլիսի 17-ին՝ «գերմանական»»,- նշեց Հարությունյանը։

Իր հերթին Հայաստանում Ֆրանսիայի դեսպանության ներկայացուցիչ Ժան-Պոլ Մարտենը նշեց, որ Ֆրանսիայի արտաքին գործերի նախարարությունը և Հայաստանում Ֆրանսիայի դեսպանությունն արդեն մի քանի տարի աջակցում է «Ոսկե ծիրան» փառատոնին։

Նա նշեց նաև, որ փառատոնին ներկա կլինի ևս երկու ֆրանսիացի ռեժիսոր, նրանց աշխատանքները նույնպես ներկայացված կլինեն փառատոնին։ «Ես շատ ուրախ եմ, որ փառատոնը կբացի ֆրանսիացի կինոռեժիսոր Լորեն Թյուելի (Laurent Tuel) ֆրանսիական ֆիլմը (Le Premier cercle)»,- ասաց Մարտենը։

Միևնույն ժամանակ Հայաստանում ԱՄՆ դեսպանության ներկայացուցիչ Թոմաս Միթնախտն ասաց, որ «Ոսկե ծիրան» փառատոնի կարևորագույն առանձնահատկություններից է «Ռեժիսորներ առանց սահմանների» համաժողովի անցկացումը։

«Արդեն երրորդ տարին է, ինչ մենք աշխատում ենք փառատոնի և «Ռեժիսորներ առանց սահմանների» համաժողովի հետ, և այս տարի ուրախ եմ նշել, որ վեց ռեժիսոր ու պրոդյուսեր կժամանի ԱՄՆ-ից։ Նրանց թվում են նաև փորձագետներ, ովքեր դասընթացներ կանցկացնեն համաժողովի մասնակիցների հետ, ինչը թույլ կտա երիտասարդ հայ ռեժիսորներին պահպանել և զարգացնել 50-ամյա պատմություն ունեցող հայկական կինոյի անադույթները»,- ասաց Միթնախտը։

«Ռեժիսորներ առանց սահմանների» ծրագիրը համատեղ արտադրության համաժողով է տարածաշրջանում, որն իրականացվում է «Ոսկե ծիրան» երևանյան կինոփառատոնի շրջանակներում։

Իր հերթին Հայաստանում Լեհաստանի դեսպանության ներկայացուցիչ Կատաժինա Խորնեցկան ասաց, որ լեհական պատվիրակության ներկայացուցիչները շատ ուրախ են, որ կարող են մասնակցել նման խոշոր փառատոնի։

«Մենք շատ ուրախ ենք, որ լեհական ֆիլմերից մեկը կմասնակցի մրցութային ծրագրին։ Մենք հույս ունենք, որ սա մեր վերջին ներդրումը չի լինի տվյալ միջոցառմանը, և հաջորդ տարիներին մենք նույնպես ներկայացված կլինենք «Ոսկե ծիրան» փառատոնին»,- նշեց Խորնեցկան։

«Ոսկե ծիրան 2009» փառատոնը կնշանավորվի համաշխարհային կինոարտադրության պատվավոր հյուրերի ժամանումով. առաջին անգամ իր պատմական հայրենիք կայցելի Ալան Թերզյանը, ում «Մոտեցված շրջան» ֆիլմը կբացի փառատոնը։

Կժամանի նաև արևմտյան ինտելեկտուալ կինոյի ներկայացուցիչ Ռոբ Նիլսոնը և փառատոնի ամենապատվավոր հյուրերից մեկը՝ լեհ հռչակավոր կինոռեժիսոր Եժի Սկոլիմովսկին, ով կներկայացնի 2008-ին նկարահանված իր «Չորս գիշեր Աննայի հետ» ֆիլմը։

Մրցույթին ներկայացված կլինեն ինչպես հայտնի, այնպես էլ անհայտ ռեժիսորների աշխատանքներ։

Փառատոնի շրջանակներում կանցկացվեն վարպետության դասընթացներ անվանի հյուրերի մասնակցությամբ։

«Ոսկե ծիրան» կինոփառատոնն այս տարի անցկացվում է 6-րդ անգամ` հուլիսի 12-19-ը, ՀՀ մշակույթի նախարարության աջակցությամբ: Կինոփառատոնը, ըստ ավանդույթի, կունենա երեք հիմնական ծրագիր՝ խաղարկային և վավերագրական ֆիլմի միջազգային մրցույթ, ինչպես նաև «Հայկական համայնապատկեր» մրցույթ։

Փառատոնին մասնակցելու է շուրջ 300 ֆիլմ՝ 60 երկրից։ Փառատոնի գլխավոր հովանավորն է ՎիվաՍել-ՄՏՍ ընկերությունը:-0-

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։