486.95
+0.14
513.34
-3.7
8.4
-0.03
-2
Եղանակը Երևանում
Հայ
ՀՀ նախկին նախագահ Ռոբերտ Քոչարյանն ընգրկվել է «Սիստեմա» ԲՖԿ տնօրենների խորհրդի կազմում
17:20
29 Հունիսի 2009

ԵՐԵՎԱՆ, 29 հունիսի. /Նովոստի-Արմենիա/. ՀՀ նախկին նախագահ Ռոբերտ Քոչարյանն ընդգրկվել է «Սիստեմա» /«Համակարգ»/ ԲՖԿ ԲԲԸ տնօրենների խորհրդի կազմում, ասվում է հունիսի 27-ին բաժնետերերի ընդհանուր տարեկան ժողովի արդյունքում ընկերության կայքում տեղակայված հաղորդագրության մեջ:

Ժողովի արդյունքում տնտեսության տարբեր ոլորտներում ընկերություններ կառավարող Ռուսաստանի և ԱՊՀ խոշորագույն հանրային դիվերսիֆիկացված ֆինանսական կորպորացիայի՝ «Սիստեմա» ԲՖԿ-ի տնօրենների խորհրդի կազմը համալրվել է 3-ով՝ 10-ից դառնալով 13-ը:

Կորպորացիայի տնօրենների խորհրդում երեք նոր անդամ է ընտրվել՝ «Սիստեմա» ԲՖԿ նախագահ Լեոնիդ Մելամեդը, Sistema Shyam Teleservices տնօրենների խորհրդի անդամ Ռաջիվ Մեհրոթրան և անկախ տնօրեն Ռոբերտ Քոչարյանը:

Անկախ տնօրենները «Սիստեմա» ԲՖԿ տնօրենների խորհրդում 13-ից զբաղեցնում են 4 տեղ:  
 
Տնօրենների խորհրդում են. Գոնչարուկ Ալեքսանդրը, Գորբատովսկի Ալեքսանդրը, Եվտուշենկով Վլադիմիրը, Զոմեր Ռոնը, Զուբով Դմիտրին, Կոպև Վյաչեսլավը, Քոչարյան Ռոբերտը, Մելամեդ Լեոնիդը, Մեհրոթրա Ռաջիվը, Նովիցկի Եվգենին, Նյուհաուս Ստիվենը, Սկիդելսկի Ռոբերտը, Չերյոմին Սերգեյը: 

Անմիջապես բաժնետերերի ժողովից հետո կայացած տնօրենների խորհրդի նիստի ժամանակ Վլադիմիր Եվտուշենկովն ընտրվեց տնօրենների խորհրդի նախագահ:

Ընդհանուր ժողովի ժամանակ հաստատվել են նաև 2008 թ.-ի տարեկան և հաշվապահական հաշվետվությունները, ինչպես նաև որոշում է ընդունվել 2008 թ.-ի արդյունքներով շահաբաժիններ վճարել: 

Ռոբերտ Քոչարյանը տասը տարի զբաղեցրել է ՀՀ նախագահի պաշտոնը, իսկ Ռաջիվ Մեհրոթրան հիմնադրել է Shyam Group of Indiի հնդկական ընկերությունը, որը «Սիստեմա»-ի հետ միասին Sistema Shyam TeleServices բջջային օպերատորի սեփականատերն է։

Բացի այդ Կորպորացիայի տնօրենների խորհրդի կազմում են առաջադրվել կորպորացիայի տնօրեն և СЕО Լեոնիդ Մելամեդը, ինչը ևս «Սիստեմայումե ընդունված պրակտիկա է։

Ռոբերտ Քոչարյանը ծնվել է 1954 թվականի օգոստոսի 31-ին Լեռնային Ղարաբաղի ինքնավար մարզի Ստեփանակերտ քաղաքում։ 1982 թ.-ին գերազանցության դիպլոմով ավարտել է Երևանի պոլիտեխնիկական ինստիտուտի էլեկտրատեխնիկական ֆակուլտետը: Աշխատել է Ստեփանակերտի էլեկտրատեխնիկական գործարանում, տարբեր պաշտոններ է զբաղեցրել Լեռնային Ղարաբաղի կոմերիտական և կուսակցական մարմիններում։

1989 և 1990թթ. ընտրվել է Հայաստանի Գերագույն խորհրդի պատգամավոր,ապա Գերագույն խորհրդի նախագահության անդամ: 1991թ. ընտրվել է ԼՂՀ առաջին գումարման Գերագույն խորհրդի պատգամավոր: 1992 թ.-ից զբաղեցրել է Լեռնային Ղարաբաղի Հանրապետության Պաշտպանության պետական կոմիտեի նախագահի պաշտոնը, իսկ 1994 թ.-ից՝ ԼՂՀ նախագահի պաշտոնը։

1997 թ.-ին Ռոբերտ Քոչարյանը նշանակվել է ՀՀ վարչապետ, իսկ 1998-2008 թթ.-ին ընտրվել է ՀՀ նախագահի պաշտոնում։

«Սիստեմա» բաժնետիրական-ֆինանսական կորպորացիան Ռուսաստանում և ԱՊՀ-ում ծառայություններ է մատուցում ավելի քան 100 միլիոն սպառողի։ Այն աշխատում է այնպիսի ոլորտներում, ինչպիսք են հեռահաղորդակցությունը, բարձր տեխնոլոգիաները, ՎԷՀ-ը (վառելիքաէներգետիկ համալիր) և նավթաքիմիան, ռադիո և տիեզերական տեխնոլոգիաները, բանկային բիզնեսը, անշարժ գույքը, մանրածախ առևտուրը, մեդիան, զբոսաշրջությունն ու բժշկական ծառայությունները։-0-

Loading...
Թեմատիկ նյութեր
Բաժնի այլ նյութեր
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը: