484
-0.04
526.01
+2.91
8.52
+0.08
+7
Եղանակը Երևանում
Հայ
Step Logic ռուսական ընկերությունը հաղթել է Հայաստանում ազգային տրանսպորտային ցանցի կառուցման մրցույթում
11:29
26 Հունիսի 2009

ԵՐԵՎԱՆ, 26 հունիսի. /Նովոստի-Արմենիա/. Ռուսական Step Logic ընկերությունը հաղթել է GNC-Alfa ընկերության համար Հայաստանում ազգային տրանսպորտային ցանցի կառուցման մրցույթում, հինգշաբթի «Նովոստի-Արմենիա» գործակալությանը հայտնեց  Step Logic ընկերության մարքեթինգի գծով տնօրեն Իննա Օզերովան:

Մրցույթին մասնակցում էին ինչպես հեռահաղորդակցման սարքավորումների գրեթե բոլոր առաջատար արտադրողները (Ericsson, ECI, Alcatel), այնպես էլ մի քանի խոշոր համակարգային ինտեգրատորներ: 

«Ընտրված տեխնոլոգիական լուծումները հիմնված են Cisco Systems ընկերության սարքավորումների վրա: Step Logic ընկերությունը, որը Cisco Systems ընկերության Ոսկե գործընկերն է, ունի երկարամյա փորձ նախագծման, մատակարարման և Cisco Systems լուծումների ուղղորդման ոլորտում: Մի շարք միջազգային պարգևները, ինժեներների պատրաստվածության բարձր աստիճանը թույլ են տալիս  Step Logic ընկերությանը հաջողությամբ կիրառել այդ լուծումները Հայաստանի հեռահաղորդակցության զարգացող շուկայում», - ասվում է տեղեկատվության մեջ։

Ծրագիրը նպատակ ունի ստեղծել և շահագործման հանձնել օպտիկամանրաթելային կապուղի (ВОЛС)՝ կառուցված Իրան-Հայաստան գազատարի երկարությամբ:

Շինարարության առաջին փուլը ներառում է հարավային ուղղությունը` Երևան-Մեղրի։ Արդյունքում մագիստրալային ցանցը Իրանի միջոցով դուրս կգա դեպի համաշարհային հեռահաղորդակցման ցանցեր։

Երկրորդ փուլը նախատեսում է մագիստրալային ցանցի կառուցում նաև երկրի հյուսիսում` մինչև Վրաստանի սահման: Դա թույլ կտա միացնել միգեստրալը նաև Վրաստանի հեռահաղորդակցման ցանցին: Այդպիսով նոր ցանցը կինտեգրվի գլոբալ համաշխարհային ցանցերի մեջ։ Հաջորդ փուլում նախատեսվում է ցանցի ճյուղավորումը խոշոր քաղաքների և հիմնական համայնքների ուղղությամբ, որոնք տեղակայված են մագիստրալի մոտակայքում։

Ծրագրի չորրորդ փուլը նախատեսում է բաժանորդային ցանցի ստեղծում` հասցնելով օպտիկական կապուղիները բաժանորդային տարածքներին:

Օգտագործելով մագիստրալային ցանցի հնարավորությունները՝ GNC-Alfa-ն տրամադրելու է ծառայությունների հետևյալ հիմնական խմբերը`«Մուգ մանրաթելերի» տրամադրումը տեղական և արտասահմանյան հեռահաղորդակցման օպերատորներին IRU (Indefeasible Right of Use) և DDP (Droit de Passage) պայմաններով, ինչպես նաև տրամադրելու է IP տարանցիկ ծառայություններ (Ինտերնետի մեծածախ ծառայություններ) հայկական ինտերնետ պրովայդերներին։

Ընկերությունը ծառայություններ է տրամադրելու տարանցիկ կապի ծառայություն արտասահմանյան հեռահաղորդակցման օպերատորներին և մագիստրալային կապի ծառայություն տեղական հեռահաղորդակցման օպերատորներին (կապուղիների վարձակալություն)։

Բացի այդ կտրամադրվեն նաև VPN ծառայություններ կորպորատիվ հաճախորդների համար, ինտերնետ ծառայություններ վերջնական օգտագործողներին FTTB (Fiber to the building)-ի հիման վրա, հետագա միացումով հեռախոսակապի ծառայությունների փաթեթին (IP-հեռախոսակապ) և IP-TV, WEB-TV և այլն։

Step Logic ռուսական ընկերությունը մարտի 27-ին Հայաստանում տարածաշրջանային գրասենյակ է բացել՝ «Step Logic-South»։

Step Logic ընկերությունը ռուսական շուկայում տրամադրում է ցանցային և համակարգային ինտեգրացիայի ծառայություններ՝ զբաղեցնելով առաջատար դիրքը տեղեկատվական տեխնոլոգիաների ռուսական շուկայում։ Ընկերության գլխավոր գրասենյակը բացվել է 1992 թ.-ին Մոսկվայում։ Ընկերության հեռանկարային ուղղությունն է նոր սերնդի տեղեկատվական ցանցերի ստեղծմանն ու ապահովմանն ուղղված ծառայությունների մի ողջ համալիր։

Ընկերությունն ունի ավտորիզացման բարձր աստիճան այնպիսի արտադրողների կողմից, ինչպիսիք են Alcatel, APC, Avaya, Cisco Systems, EMC, FSC, HP, Huawei, IBM, Nortel, Siemens, SUN և այլ ընկերությունները։ Ընկերությունն ունի ավելի քան 650 աշխատակից, գրասենյակները տեղակայված են Մոսկվայում, Սանկտ-Պետերբուրգում, Կազանում և Երևանում։

ՀՀ հանրային ծառայությունները կարգավորող հանձնաժողովը 2008 թ.-ի դեկտեմբերի 10-ի N 686A որոշմամբ GNC-Alfa ընկերությանը Հայաստանի ամբողջ տարածքում ֆիքսված հեռահաղորդակցական ցանցի կառուցման և շահագործման լիցենզիա է տրամադրել։ Լիցենզիան տրամադրվել է տասը տարով և գործում է Հայաստանի ողջ տարածքում։

GNC-Alfa ընկերությունը ստեղծվել է 2007 թ-ին։ Ընկերության գործունեության հիմնական ուղղություններն են մագիստրալային հեռահաղորդակցական ցանցերի կառուցումն ու շահագործումը, ինչպես նաև տրանսպորտային ցանցի ծառայությունների տրամադրումը։-0-

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։