487.29
-0.01
568.08
+2.76
8.23
+0.01
+14
Եղանակը Երևանում
Հայ
Եվրոպայի խորհուրդը կենսական կարևորություն ունի Հայաստանում ժողովրդավարության կառուցման գործընթացում. խոսնակ
14:06
25 Հունիսի 2009

Եվրոպայի խորհրդի դերը Հայաստանում ժողովրդավարության կառուցման գործընթացում կենսական կարևորություն է ունեցել և ունի նաև այսօր, ասել է ՀՀ ԱԺ խոսնակ Հովիկ Աբրահամյանը՝ ելույթ ունենալով Ստրասբուրգում անցկացվող ԵԽԽՎ նստաշրջանին:

«Ես բարձր եմ գնահատում զեկուցողների, Վեհաժողովի զեկուցողների, Մարդու իրավունքների Հանձնակատարի, այս մարմնի բարձրակարգ փորձագետների և Եվրոպայի խորհրդում ու Վեհաժողովում մեր բոլոր բարեկամների իմաստնությունը և նվիրվածությունը Հայաստանին», - հինգշաբթի մեջբերում են Աբրահամյանի խոսքերը ՀՀ խորհրդարանի հասարակայնության հետ կապերի վարչությունից:

Ինչպես ընդգծել է Աբրահամյանը, այս Վեհաժողովում նրա ներկայությունը նշանավորում է Հայաստանում 2008 թ. մարտից ի վեր տեղի ունեցող զարգացումների շրջադարձը:

Նա արժևորում է Եվրոպայի խորհրդի և, մասնավորապես, Վեհաժողովի կարևոր դերը մեր երկրի ներքին քաղաքականության էջերում ողբերգական իրադարձությունների հետևանքների հաղթահարման գործում: Խոսնակը շնորհակալություն է հայտնել Վեհաժողովին և վերջինիս անդամներին անցնող մեկ տարում Հայաստանում ակտիվ դերակատարման համար:

Խոսնակը հատկապես ընդգծել է Վեհաժողովի նախագահի, և Հայաստանի վերաբերյալ համազեկուցողների` պարոնայք Ջոն Պրեսկոտի և Ժորժ Կոլոմբիեի կարևոր դերը:  «Ձեր քննադատությունը, հաստատակամությունը, բայց նաև` դրսևորած համբերատարությունն ու աջակցությունը, երկխոսության մեջ ներգրավվելու ունակությունը էական էին լուծումներ գտնելու գործում», - նշել է խորհրդարանի խոսնակը:

Միաժամանակ Աբրահամյանը հայտարարել է, որ չարժե պատրանքներ ունենալ, քանի որ  Հայաստանում քաղաքական գործընթացն «իրադարձությունների շարունակական հոսք է, որն առավել հաճախ բնորոշվում է առճակատումներով, սուր մրցակցությամբ և իրենց ոչ փոխզիջումային բնույթով»: 

Խոսնակի կարծիքով, ապացույցներ ստանալու համար կարելի է պարզապես զրուցել Վեհաժողովում հայկական խորհրդարանական պատվիրակության անդամների և արտախորհրդարանական քաղաքական ուժերի` ներկա գտնվող պատվարժան ներկայացուցիչների հետ, ովքեր ներկայացնում են Հայաստանի քաղաքական լայն սպեկտրը և բազմազան քաղաքական կարծիքները:

«Ինձ վստահություն է ներշնչում հենց այն հանգամանքը, որ ներկայանում ենք այստեղ` մեր ողջ բազմակարծությամբ, քաղաքական կարծիքների ու դիրքորոշումների տարակարծություններով: Հայաստանի խորհրդարանը հանդիսանում է դրա վառ օրինակը: Հենց այս բազմակարծությունների համատեքստում ենք մենք կառուցում և զարգացնում մեր ժողովրդավարությունը և մեր արժեքային համակարգը: Անցյալ տարվա սեպտեմբերից, խորհրդարանի նախագահ ընտրվելու առաջին իսկ օրվանից բազմիցս կոչ եմ արել բոլոր քաղաքական ուժերին, այդ թվում նաև արմատական ըննդիմությանը, օգտագործելու խորհրդարանի ամբիոնը քաղաքական տարաձայնությունների արտահայտման և  երկխոսության համար», - հիշեցրել է նա:

Միաժամանակ խոսնակն ընդգծել է, որ որ բանավեճի ենթակա են ոչ թե ժողովրդավարությունը կամ դրա համար պահանջվող ինստիտուցիոնալ համակարգերի անհրաժեշտությունը, ոչ թե քաղաքացիների իրավունքների և ազատությունների շրջանակը, այլ դրանց իրականացման  որակը: Նրա խոսքերով, Հայաստանի հանրապետական կուսակցությունը, որի ղեկավարներից մեկն է ինքը, կոալիցիոն գործընկերների հետ մեկտեղ, ներկայում քաղաքական պատասխանատվություն է ստանձնել  հասարակության առջև:

«Մենք չենք կոծկում խնդիրները և թերությունները, սակայն ընտրողների կողմից մեզ հատկացված ժամանակահատվածում հավատարիմ ենք լինելու ժողովրդավարության ամրապնդմանը, իրավունքների հիմնավոր պաշտպանությանը և օրենքի գերակայության երաշխավորմանը: Մենք գործում ենք Հայաստանի քաղաքական իրողությունների կոնկրետ համատեքստում և հստակ գիտակցում ենք, որ մեր գործունեությունը անհրաժեշտ է բարելավել: Իշխող կոալիցիայի հիմնական պարտավորությունը դա է, և այդ նպատակին պետք է հետամուտ լինի երկրի յուրաքանչյուր քաղաքական ուժ: Մեր սկզբունքներից է հանդուրժողականությունն ու համագործակցությունը», - ընդգծել է Աբրահամյանը:

Այս պահի դրությամբ իշխող քաղաքական կոալիցիայի կազմում են Հայաստանի Հանրապետական կուսակցությունը, «Բարգավաճ Հայաստան» և «Օրինաց երկիր» կուսակցությունները:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։