478.23
-0.15
574.4
+0.97
8.26
+0.03
+28
Եղանակը Երևանում
Հայ
Հայկական կազմակերպությունը կոչ է անում Վրաստանի իշխանություններին դադարեցնել Ջավախքի հայերի հետապնդումները
16:35
23 Հունիսի 2009

Հասարակական կազմակերպությունների «Երկիր» միությունը կոչ է անում վրացական իշխանություններին դադարեցնել Ջավախքի հայերի հետապնդումները, ասվում է  «Նովոստի-Արմենիա» գործակալությանը միության տրամադրած հայտարարության մեջ։ 

«Հալածանքների դադարեցման, ջախահայությունը ներկայացնող հասարակական-քաղաքական շրջանակների հետ երկխոսության և ջավախահայության առջև ծառացած լեզվական, կրթական, կրոնական և մշակութային խնդիրներին իրական լուծում տալուն որևէ այլընտրանք գոյություն չունի»,- ասվում է հաղորդագրության մեջ:

Կազմակերպությունից նշեցին, որ Հայաստանի իշխանությունները, հայաստանյան ու սփյուռքյան կառույցները, միջազգային կազմակերպությունները պարտավոր են գործուն քայլեր ձեռնարկել Ջավախքում հետզհետե խորացող ճգնաժամը կանգնեցնելու և ջավախահայության խնդիրներին մարդու և փոքրամասնությունների իրավունքների պաշտպանության միջազգային նորմերին համապատասխան լուծում տալու ուղղությամբ:

«Երկիր» միությունը կոչ է անում վրացական իշխանություններին հասկանալ, որ հալածանքները միմիայն խորացնում են առկա դժգոհությունը` Հայաստանում և Սփյուռքում էլ ավելի արմատավորելով այն գիտակցությունը, որ  ջավախահայության օրինական իրավունքների համար պայքարը համահայկական պայքար է: Հետևաբար, ջավախահայության խնդիրը միջպետական հարաբերությունների ոլորտ տեղափոխելը և այդ հարթության վրա ճնշման տնտեսական լծակների օգտագործման միջոցով դրանց «լուծում» տալու վրացական իշխանությունների փորձերը դատապարտված են ձախողման»,- ասվում է հաղորդագրության մեջ:

Ընդ որում կազմակերպությունից նշեցին, որ վրացական իշխանությունների կողմից տարվող ջավախահայության իրավունքների ոտնահարման հետևողական քաղաքականությունը վերջին շրջանում ստացել է նոր` ավելի բիրտ և բացահայտ դրսևորումներ:

Այսպիսով, Վրաստանի անվտանգության ծառայություն են կանչվել և հարցաքննվել վերապատրաստման ծրագրի շրջանակներում Հայաստան մեկնել պատրաստվող ջավախահայ ուսուցիչները.

«Շարունակվում են կոպտորեն ոտնահարվել ջավախահայ ակտիվիստ Վահագն Չախալյանի իրավունքները, որը ապրիլի 7-ին ցույցեր և հանրահավաքներ կազմակերպելու մեղադրանքով վրացական դատարանի կողմից դատապարտվել էր 10 տարվա ազատազրկման, իսկ հունիսի 19-ին  ՀՀ Ազգային ժողովի պատգամավոր Շիրակ Թորոսյանին, որը հայտնի է ջավախահայությանը հուզող հիմնախնդիրների վերաբերյալ իր հրապարակային ելույթներով, առանց որևէ բացատրության թույլ չի տրվել մուտք գործել Վրաստան»,- ասվում է հաղորդագրության մեջ:

«Երկիր» միությունում կարծում են, որ վրացական իշխանությունները, մտահոգված լինելով ջավախահայության իրավունքների ոտնահարման իրենց քաղաքականության նկատմամբ Հայաստանում, Սփյուռքում և միջազգային հանրության մոտ հետզհետե աճող դժգոհությունից, Վրաստանի նախագահ Միխայիլ Սահակաշվիլու Հայաստան կատարելիք այցի նախօրյակին հակահայկական հալածանքները խստացնելու միջոցով փորձում են հասնել հետևյալ հիմնական նպատակներիմ` ևս մեկ անգամ դրսևորել ջավախահայության իրավունքների հարցում իրենց անզիջում կեցվածքը, տեղափոխել ջավախքյան խնդիրը հայ-վրացական միջպետական հարաբերությունների ոլորտ և համապատասխան տնտեսական ճնշում գործադրելով Հայաստանի իշխանությունների վրա` ստիպել նրանց նոր զիջումների գնալ:

Վրաստանի, Հայաստանի և Թուրքիայի սահմանագծում գտնվող Ջավախքը տարածք է հայ բնակչության գերակշիռ մեծամասնությամբ։ -0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: