478.65
-0.08
560.79
-0.28
8.05
-0.01
+29
Եղանակը Երևանում
Հայ
Մոսկվայում լրացուցիչ միջոցներ են ձեռնարկվում երիտասարդության շրջանում այլատյացության և ծայրահեղականության կանխարգելման ուղղությամբ
10:43
23 Հունիսի 2009

Մոսկվայի կառավարությանն առընթեր Ուսանողական հայրենակցական միության ստեղծմանն ու երիտասարդության շրջանում այլատյացության և ծայրահեղականության կանխարգելմանն ուղղած լրացուցիչ միջոցառումներին առնչվող հարցեր են քննարկվել նախօրեին Մոսկվայի կառավարությանն առընթեր Ազգերի հարցերի խորհրդի անդրանիկ նիստի ժամանակ, երեքշաբթի տեղեկացրել են Ռուսաստանի հայերի միության (ՌՀՄ) տեղեկատվական ծառայությունից: Նիստը վարել է Խորհրդի նախագահ, Մոսկվայի փոխքաղաքապետ Սերգեյ Բայդակովը:

Ազգերի հարցերի խորհրդի փոխնախագահ, Ռուսաստանի հայերի միության փոխնախագահ Գեղամ Խալաթյանը գոհունակություն է հայտնել նիստի ընթացքի և դրա արդյունքների կապակցությամբ: «Մենք խոսքից գործի ենք անցել: Այլատյացության խնդրի առկայության կամ բացակայության վերաբերյալ քննարկումների փոխարեն այսօր մենք քննարկել ենք կոնկրետ մեխանիզմներ, որոնք պետք է ոչ միայն նպաստեն մեր ժողովրդի կյանքում նման իրողությունը արմատախիլ անելուն, այլև ապահովեն մեր քաղաքապետ Յուրի Լուժկովի կողմից առաջ քաշված թեզի քարոզչությունը. նա ասել է, որ բազմազգությունը մայրաքաղաքի հարստությունն է», - ասել է Խալաթյանը:

Նրա խոսքերով, Մոսկվայի ազգային քաղաքականության համակարգողների պաշտոնում նշանակելով Սերգեյ Բայդակովին և Միխայիլ Սոլոմենցևին՝ Լուժկովը զգալի ներդրում է կատարել սեփական թեզը կյանքի կոչելու գործում, քանի որ այս նոր ղեկավարների գալուց ի վեր «ակնհայտ դրական փոփոխություններ են տեղի ունեցել քաղաքի ազգային քաղաքականության մեջ»:

Տեղեկատվության մեջ նշվում է, որ ընդունված որոշումներն առանձնանում են իրենց կառուցողականությամբ: Մոսկվայի բոլոր թաղապետարաններում ծրագրվում է աշխատանքային խմբեր ստեղծել, որոնց կազմը միջգերատեսչական բնույթ կկրի: Այլ գործառույթներից ազատված թաղապետարանի աշխատակցից բացի, խմբի կազմում կընդգրկվեն բոլոր շահագրգիռ կառույցների, այդ թվում նաև ուժային կառույցների ներկայացուցիչները: Աշխատանքային խմբի գործունեության համակարգումն իրականացնելու է «Ինտեգրացման մոսկովյան կենտրոնը», որը գործում է Մոսկվայի Ազգությունների տան հիման վրա:

Առաջընթաց է նաև Մոսկվայում Ուսանողական հայրենակցական միության ստեղծումը: Եթե ավելի վաղ նման միավորումներ գործում էին միայն առանձին բուհերում, ապա այժմ նախատեսվում է դրանք հիմնել նաև Մոսկվայի այլ ուսումնական հաստատություններում՝ բոլորին միավորելով Մոսկվայի կառավարությանն առընթեր մեկ միասնական կառույցում:

Ռուսաստանի հայերի միությունում կարծում են, որ այսօր նկատվում է Մոսկվայի կառավարության սկզբունքային նոր մոտեցումը երիտասարդության շրջանում այլատյացության և արմատական ծայրահեղականության խնդրի լուծման գործում: Առանձնահատուկ ուշադրության է արժանանալու ազգայնամոլության գաղափարի կանխարգելումը: Նման լուրջ աշխատանքը կարող է արդյունավետ լինել միայն քաղաքացիական պատասխանատու դիրքորոշման և այդ գործունեության մեջ բոլոր հասարակական միավորումների մասնակցության դեպքում, կարծում են ՌՀՄ-ում:

Մոսկվայի կառավարությանն առընթեր Ազգերի հարցերի խորհուրդը ստեղծվել է ավելի վաղ գործող Ազգամիջյան խորհրդատվական խորհրդի փոխարեն: «Անցկացված նիստը ցույց է տվել, որ փոփոխությունների գործընթացն առնչվել է ոչ միայն այս կարևոր կառույցի անվանմանը, այլև աշխատանքի էությանը, որը ներկայացնում է Մոսկվայի բոլոր ազգային միավորումները, կառավարության դեպարտամենտի և գերատեսչությունների ղեկավարության ներկայացուցիչները», - ընդգծվում է ՌՀՄ-ի տեղեկատվության մեջ:-0-

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։