480.74
+0.03
511.65
+0.46
7.48
-0.03
+1
Եղանակը Երևանում
Հայ
Սիրիան դարձավ հայ ժողովրդի վերածննդի խորհրդանիշը. ՀՀ նախագահ
15:19
18 Հունիսի 2009

ՀՀ նախագահ Սերժ Սարգսյանը կարծում է, որ Սիրիան դարձավ հայ ժողովրդի վերածննդի խորհրդանիշը:

Նախօրեին ելույթ ունենալով Սիրիայի նախագահ Բաշար ալ-Ասադի և նրա տիկնոջ՝ Ասմա ալ-Ասադի պատվին կազմակերպված պաշտոնական ընթրիքի ժամանակ՝ ՀՀ նախագահն ընդգծել է, որ Հայաստանի և Սիրիայի ժողովուրդներին միմյանց կապում են դարերի խորքից եկող բարեկամությունը, պատմամշակութային ընդհանրությունները, հաճախ միանման ճակատագրերն ու հույզերը:

«Ապրելով կողք կողքի՝ մեր նախնիները միասնաբար հաղթահարել են բազմաթիվ փորձություններ, միմյանց օգնության ձեռք մեկնել դժվարին պահերին` ամրապնդելով անկեղծ բարեկամությունը»,- նշել է Սարգսյանը:

Նրա խոսքերով՝ հայ ժողովուրդը միշտ երախտագիտությամբ է հիշում այն հոգատար վերաբերմունքն ու աջակցությունը, որին Առաջին աշխարհամարտի ժամանակ պատմական Հայրենիքից բռնագաղթված նրա հազարավոր զավակներն արժանացան հյուրընկալ սիրիական հողում:

«Սիրիան ակամա դարձավ հայ ժողովրդի մեծ ողբերգության` Ցեղասպանության ականատեսը: Աշխարհում ո՞վ ավելի լավ գիտի, թե ինչ տառապանքների ենթարկվեցին հայրենազրկված հայերը, քան նրանց սիրիացի քույրերն ու եղբայրները, ովքեր գթասրտության ու մարդասիրության հրաշքներ գործեցին` փրկելով բազմաթիվ անմեղ կյանքեր», - ընդգծել է նախագահը:

Նրա խոսքերով՝ միևնույն ժամանակ Սիրիան դարձավ հայ ժողովրդի վերածննդի խորհրդանիշը:

«Ցեղասպանությունը վերապրած հայերն այստեղ կարողացան ոտքի կանգնել, վերագտնել երկրորդ հայրենիք և կառուցել նոր ապագա: Այսօր նրանց սերունդներն ապրում և արարում են Սիրիայում՝ որպես նրա օրինապաշտ և լիիրավ քաղաքացիներ», - ընդգծել է նախագահը:

«Գոհունակությամբ պետք է նշեմ, որ մեր ժողովուրդների ավանդական բարեկամության և միմյանց նկատմամբ տածած ջերմ և անկեղծ զգացումների հիման վրա ներկայումս հաջողությամբ զարգանում են հայ-սիրիական միջպետական հարաբերությունները և բազմաբնույթ փոխշահավետ համագործակցությունը», - ասել է ՀՀ նախագահը

Մեջբերելով արաբական ասացվածքը՝ «Ընտրի՛ր ընկերոջդ ճանապարհից առաջ», Սարգսյանն ընդգծել է, որ  հայ և սիրիացի ժողովուրդներն այս ընտրությունը վաղուց արդեն կատարել են, դարեր ու հազարամյակներ քայլել են միասին` կողք կողքի ևդեռ շատ երկար են շարունակելու այդ ճանապարհը:

ՀՀ նախագահի խոսքերով՝ նախագահների միջև տեղի ունեցած բանակցությունների արդյունքները ևս փաստեցին, որ երկկողմ և միջազգային տարբեր խնդիրների շուրջ Հայաստանի Հանրապետության և Սիրիայի Արաբական Հանրապետության մոտեցումներն ու դիրքորոշումները համընկնում են:

«Քաղաքական երկխոսությանը զուգընթաց նկատելի քայլեր են ձեռնարկվում տնտեսական հարաբերությունների աշխուժացման ուղղությամբ», - ասել է նախագահն՝ ավելացնելով, որ երկու երկրների գործարար շրջանակների միջև շփումների ակտիվացումն, անկասկած, կընդլայնի նաև երկկողմ առևտրի ծավալն ու նոր որակ կհաղորդի նրա կառուցվածքին:

ՀՀ նախագահը Սիրիայի նախագահին և նրա տիկնոջը մաղթել է քաջառողջություն և հաջողություն, իսկ Սիրիայի բարեկամ ժողովրդին` խաղաղություն ու բարգավաճում, իսկ երկու պետություններին` նորանոր նվաճումներ համագործակցության բոլոր ասպարեզներում:-0-

Loading...
Թեմատիկ նյութեր
Բաժնի այլ նյութեր
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ:
14:24
28 Նոյեմբերի 2016
Հայաստանի բնակչությունը կզգա նախագահի և վարչապետի համագործակցության արդյունքը
Հայաստանի բնակչությունը որոշ ժամանակ հետո կզգա ՀՀ նախագահ Սերժ Սարգսյանի և վարչապետ Կարեն Կարապետյանի համագործակցության արդյունքը, երկուշաբթի լրագրողներին ասաց ՀՀԿ փոխնախագահ Արմեն Աշոտյանը։
19:37
26 Նոյեմբերի 2016
Հայաստանի քաղաքական ուժերը կհամախմբվեն խորհրդարանական ընտրությունների նախաշեմին. պատգամավոր
Հայաստանի քաղաքական ուժերը խորհրդարանական ընտրությունների նախաշեմին կհամախմբվեն:
15:18
26 Նոյեմբերի 2016
ՀՀԿ–ում կլինի առաջին փոխնախագահի պաշտոն և Ավագանու խորհուրդ
Առաջին փոխնախագահի պաշտոն կգործարկվի ՀՀԿ–ում, շաբաթ օրը լրագրողներին ասաց ՀՀ արդարադատության նախարար, ՀՀԿ անդամ Արփինե Հովհաննիսյանը։
12:19
26 Նոյեմբերի 2016
ՀՀ վարչապետը շնորհակալություն է հայտնել կուսակցության նոր անդամներին ակտիվ քաղաքացիական դիրքորոշում դրսևորելու համար
ՀՀ վարչապետ Կարեն Կարապետյանը շաբաթ օրը ՀՀԿ 16–րդ համագումարի մեկնարկից առաջ լրագրողների հետ զրույցում շնորհակալություն հայտնեց կուսակցության նոր անդամներին ակտիվ քաղաքացիական դիրքորոշում դրսևորելու համար։
11:47
26 Նոյեմբերի 2016
ՀՀԿ-ն կանխատեսելի քաղաքական ուժ է և իմիջի փոփոխություն չի ծրագրում. Շարմազանով
Հայաստանի հանրապետական կուսակությունը կանխատեսելի քաղաքական ուժ է: