477.88
-0.42
573.6
-0.5
8.31
+0.05
+25
Եղանակը Երևանում
Հայ
ՀՀ գլխավոր դատախազը ԵԽԽՎ համազեկուցողների հետ քննարկել է մարտի 1-2 անկարգությունների փաստով քրեական գործերը
19:23
16 Հունիսի 2009

ՀՀ գլխավոր դատախազ Աղվան Հովսեփյանը երեքշաբթի Եվրոպայի խորհրդի խորհրդարանական վեհաժողովի համազեկուցողներ Ջոն Պրեսկոտի և Ժորժ Կոլոմբիեի հետ քննարկել է 2009 թվականի մայիսի 31-ին տեղի ունեցած Երևանի ավագանու ընտրությունների ընթացքում արձանագրված խախտումների ուղղությամբ իրականացվող քննությանը և 2008 թվականի մարտի 1-2-ին Երևանում տեղի ունեցած զանգվածային անկարգությունների կապակցությամբ հարուցված քրեական գործի նախաքննության արդյունքներին վերաբերող հարցեր, «Նովոստի-Արմենիա» գործակալությանը հայտնեցին հանրապետության գլխավոր դատախազի մամուլի ծառայությունից:

Անդրադառնալով տեղի ունեցած անկարգությունների առթիվ հարուցված քրեական գործի նախաքննության ընթացքին՝ ՀՀ գլխավոր դատախազը մանրամասնել է ինչպես պարզաբանված հանգամանքները, այնպես էլ քննության դժվարությունները՝ կապված որոշ փորձաքննությունների անցկացման հետ:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ:  Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել ավելի քան 200-ը։

Հովսեփյանը տեղեկացրել է, որ արձանագրված 10 մահվան հանգամանքների որոշ հարցերի պարզաբանման համար բանակցություններ են անցկացվել տարբեր երկրների, այդ թվում՝ ԱՄՆ-ի, Մեծ Բրիտանիայի և Ռուսաստանի փորձագետների հետ՝ հատկապես խնդիր ունենալով ստանալ փորձագետների օգնությունը ոստիկանների կողմից կիրառված հատուկ միջոցների նույնացման հարցում, սակայն բոլորն էլ նշել են, որ հատուկ միջոցներից արձակված  փամփուշտները հնարավոր չէ նույնացնել:

Նման եզրակացություն է ներկայացրել նաև հատուկ միջոցներն ու փամփուշտները արտադրող հիմնարկությունը, որտեղ քննչական խումբը նշանակել էր փորձաքննություն՝ նրանց տրամադրելով դիակների մարմիններից հանված փամփուշտները ու ոստիկաններից առգրավված հատուկ միջոցները: Նախաքննությունն այս ուղղությամբ շարունակվում է:

Հանդիպման ընթացքում շոշափվել է նաև մարտի 1-2-ին տեղի ունեցած անկարգություններին մասնակցելու, դրանք կազմակերպելու համար դատապարտված անձանց նկատմամբ հնարավոր համաներման կիրառմանը վերաբերող հարցեր: ՀՀ գլխավոր դատախազը նշել է, որ ըստ ամենայնի՝ հնարավոր համաներումը կտարածվի նաև նշված արարքները կատարելու համար դատապարտված շատ անձանց վրա:

Անդրադառնալով դատաքննության ընթացքին և հատկապես նախաքննական ցուցմունքները քննությանը խորթ մեթոդների կիրառման ազդեցության տակ տալու վերաբերյալ որոշ վկաների հայտարարություններին՝ ՀՀ գլխավոր դատախազը տեղեկացրել է, որ դրանք բոլորն էլ դարձել են քննության առարկա:

Նշվել է, որ անկարգությունները կազմակերպելու համար ներկայումս դատարանների վարույթում գտնվող 6 անձանց վերաբերյալ 5 քրեական գործերով հարցաքննվել է շուրջ 80 վկա, որոնցից 6-ը հայտարարել են, թե նախաքննության ընթացքում իրենցից ցուցմունքներ են վերցվել բռնությունների գործադրմամբ:

Բոլոր նշված հայտարարությունների հիման վրա դատախազությունը հարուցել է քրեական գործեր և հանձնարարել համապատասխան քննչական մարմիններին կատարել քննություն՝ պարզելու վկաների հայտարարություններում մատնանշված հանգամանքները:

Բացի այդ շուրջ 10 վկա դիմել են դատարաններին՝ խնդրելով իրենց նկատմամբ պաշտպանական միջոցներ կիրառել՝ հայտարարելով, որ ամբաստանյալների մերձավորների, կողմնակիցների կողմից իրենց նկատմամբ գործադրվում են ճնշումներ՝ պարտադրելով հրաժարվել նախաքննական ցուցմունքներից: Այս հայտարարությունների վերաբերյալ նույնպես հարուցվել է քրեական գործ, որով նախաքննությունն ընթացքի մեջ է:

Համազեկուցողների խնդրանքով անդրադառնալով տեղի ունեցած ավագանու ընտրություններին՝ ՀՀ գլխավոր դատախազը տեղեկացրել է, որ միայն քվեարկության արդյունքները կեղծելու վերաբերյալ ստացված ահազանգերի հիման վրա ՀՀ հատուկ քննչական ծառայության վարույթում  քննվում է 8 քրեական գործ, որից 2-ը՝ 3 անձի վերաբերյալ արդեն  ուղարկվել  է դատարան: 

Երևանում մայիսի 31-ին անցկացվեցին Ավագանու խորհրդի առաջին ընտրությունները։ 65 անդամից բաղկացած խորհրդում ընդգրկվել են Հայաստանի հանրապետական կուսակցությունը, «Բարգավաճ Հայաստան» կուսակցությունը,  Հայ ազգային կոնգրեսը։ --0—

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: